អត្ថប្រយោជន៍សុខភាព
ប្រសិនបើអ្នកប្រើប្រាស់វាតាមធម្មតា កងទ្វារមាសពន្យារកំណើតអាចបង្ការការមានផ្ទៃពោះប្រមាណជា ៩៣% ។ការប្រើប្រាស់ល្អឥតខ្ចោះនឹងការពារបាន ៩៩%។
វាអាចកាត់បន្ថយការចុករមួលនៅពេលមករដូវ រោគសញ្ញាមុនពេលមករដូវ (pre-menstrual syndrome) និងការឈឺចាប់នៅពេលបញ្ចេញអូវ៊ុល។
វាអាចឲ្យអ្នកមករដូវមានបរិមាណតិចជាងមុន ហើយរយៈពេលតិចថ្ងៃជាងមុនដែរ។
កងទ្វារមាសនេះអាចកាត់បន្ថយហានិភ័យនៃការកើតជម្ងឺមហារីកភ្នាសស្បូន និង មហារីកសុដន់ ប្រមាណជា ៥០%។
វាអាចផ្តល់ការការពារពីការកើតដុំគីសនៅអូវែរ។
វាអាចកាត់បន្ថយរោគសញ្ញានៃជម្ងឺ polycystic ovarian syndrome (ការមករដូវមិនទៀងទាត់ ការឡើងមុន ការដុះរោមច្រើនខុសប្រក្រតីនៅលើមុខ និងរាងកាយ)។
វាអាចផ្តល់ការការពារពីការកើតដុំនៅសុដន់ដែលមិនមែនជាមហារីក (ដុំស្លូត)។
វាអាចជួយការពារការកើតជម្ងឺស្លេចស្លាំងដោយសារកង្វះជាតិដែក។
វាក៏អាចមានអត្ថប្រយោជន៍ទាក់ទងនឹងសម្ផស្សដូចជាជួយជម្រុះការកើតមុន និង កាត់បន្ថយការដុះរោមខុសប្រក្រតីនៅលើមុខ និងដងខ្លួន។
កងទ្វារមាសមានកម្រិតអរម៉ូនទាបជាង បើប្រៀបធៀបទៅនឹងវិធីសាស្រ្តពន្យារកំណើតប្រភេទអរម៉ូនផ្សេងទៀត [5]។
អត្ថប្រយោជន៍របៀបរស់នៅ
វាមានភាពងាយស្រួលក្នុងការប្រើប្រាស់នោះទេ ប្រៀបដូចជាការដាក់ តមប៉ុង tampon ដែរ ហើយវាត្រូវការការចំណាយកម្លាំងតិចតួចបំផុតសម្រាប់ការដាក់បញ្ចូលរាល់ខែ។ ប្រសិនបើអ្នកខ្លាចម្ជុល ឬអ្នកពិបាកក្នុងការលេបថ្នាំរាល់ថ្ងៃ កងទ្វារមាសអាចជាជម្រើសដ៏ល្អសម្រាប់អ្នក។ អ្នកគ្រាន់តែត្រូវចងចាំក្នុងដាក់វាពីរដងក្នុងមួយខែប៉ុណ្ណោះ។
វាត្រូវការចំណាយកម្លាំងតិចបំផុត៖ ស៊កបញ្ចូលកងទ្វារមាសហើយ ទុកចោលរយៈពេលបីសប្តាហ៍ រួចដកកងទ្វារមាសចេញ បន្ទាប់មកអ្នករងចាំមួយសប្តាហ៍ដើម្បីចាប់ផ្តើមដំណើរការនេះសារឡើងវិញ។
វាមានភាពបត់បែនដែលអាចនាំឲ្យដាក់ចូលក្នុងទ្វារមាសបានយ៉ាងស្រួល។
វាមានសុវត្ថិភាពសម្រាប់ស្រ្តីដែលមានប្រតិកម្មទៅនឹងឡាក់តិច (Latex)។
វារក្សាឯកជនភាពបានល្អ។ មិនមានអ្នកមើលឃើញថាអ្នកលេបថ្នាំដូចជាថ្នាំគ្រាប់នោះទេ។
អ្នកមិនចាំបាច់រំខានការរួមភេទដើម្បីដាក់វាចូលនោះទេ។
ខុសពីថ្នាំគ្រាប់ពន្យារកំណើត អ្នកមិនត្រូវចាំបាច់ចងចាំថាត្រូវលេបវារាល់ថ្ងៃនោះទេ។
អ្នកអាចមិនចាំបាច់មករដូវបាន។ ប្រសិនបើអ្នកប្រើវាជាប់រហូត កងទ្វារមាសនឹងអាចបញ្ឈប់ការមករដូវរបស់អ្នក តែវាមានសុវត្ថិភាព ១០០%។
វាមិនពន្យារការវិលត្រឡប់ទៅរកការមានកូន នៅពេលអ្នកឈប់ប្រើប្រាស់វានោះទេ។ អ្នកនឹងអាចមានផ្ទៃពោះភ្លាមៗបន្ទាប់ពីឈប់ប្រើប្រាស់កងទ្វារមាសនេះ។ ប្រសិនបើអ្នកមិនចង់មានផ្ទៃពោះទេ អ្នកអាចស៊កកងទ្វារមាសថ្មីបាន ឬ ប្រើវិធីពន្យារកំណើតផ្សេងទៀតដើម្បីការពារ [6]។
