Jinsi ya kutoa IUD ya Shaba?

Mchakato wa kutoa IUD ya Shaba ni sawa na ule wa kutoa IUD ya homoni. Wakati IUD ya shaba ni njia ya uzuiaji mimba kwa muda mrefu inayokaa miaka 3-12, inaweza kutolewa wakati wowote ukitaka. IUD za shaba kwa kawaida zinatolewa kwa sababu mbalimbali, zikiwemo kubadilisha ile ambayo imefika tarehe ya mwisho ya matumizi, ili mtu aweze kushika mimba, na kubadilisha njia ya uzuiaji mimba kati ya sababu zingine. Utoaji wa IUD unapaswa kufanywa na mtoa matibabu aliyehitimu.
Kwenye kituo cha afya, utaombwa ulale chali, kama vile wakati wa kuchunguza uke. Mtoa matibabu atashikilia miguu yako juu kwa kutumia vifaa vya stirrups na apake mafuta ya kulainisha kwenye kifaa cha speculum ambacho kitatumika kushukia shingo ya kizazi ibaki ikiwa wazi. Huyo mtoa matibabu aliyehitimu kisha atatumia forceps kuvuta kwa utaratibu nyuzi za IUD. IUD itapinduka nyuma na kutoka nje kwa urahisi kutoka kwenye mji wa mimba kupitia shingo ya kizazi. Utaratibu huu huchukua karibu dakika mbili hadi tano. Kwa hali ambayo IUD haitelezi nje kwa urahisi, mtoa matitabu anaweza kutumia dawa kulainisha shingo ya kizazi. Kwa hali nadra kabisa, ambapo IUD ya shaba hukwama, mtoa matibabu wako ataitoa kwa upasuaji. Utatulizwa kwa dawa ili kutuliza maumivu yoyote yasiyovumilika.

Ni uchungu kiasi gani utahisi ukitolewa IUD ya Shaba?

Utahisi uchungu mdogo ukitolewa IUD kushinda ile uchungu utahisi wakati inaingizwa. Wakati wanawake wengine watahisi uchungu mdogo au kupata maumivu ya hedhi wakati wa utoaji, wengine hawatahisi chochote. Ukiwa na IUD ambayo imefika tarehe ya mwisho ya matumizi na unataka ibadilishwe, IUD ya shaba mpya inaweza ingizwa mara moja.

Ni nini itafanyika nikichelewa kutoa IUD ya Shaba ambayo muda wake wa matumizi umepita?

Mara IUD ya Shaba inafika tarehe ya mwisho ya matumizi,haitakuwa na ufanisi wa kukusaidia kuepuka hatari ya kushika mimba. Pia uko katika hatari ya kupata maambukizi ambayo inaweza kusababisha utasa. Inashauriwa uandike tarehe ya uingizaji na ya utoaji wa IUD au uombe mtoa matibabu akukumbushe wakati siku ya utoaji wa IUD yako inakaribia.

Je, naweza kutoa IUD ya Shaba mwenyewe?

Ingawa kuna makala kuhusu wanawake ambao wamefaulu kujitolea IUD zao, hakuna utafiti au miongozo ya kimatibabu ya kutosha yanayounga mkono hili wazo. Tunapendekeza kwamba IUD yako itolewe na mtoa matibabu. Hii itaifanya iwe rahisi kutatua matatizo yoyote ya utojai yanayoweza kutokea na pia kukupa nafasi ya kujadiliana chaguo ulizonazo za njia za uzuiaji mimba baada ya kutoa hii IUD. Ikiwa unatoa IUD ili upate mimba, pia utapata fursa ya kupokea ushauri kuhusu mimba wakati wa miadi hio.

Mwili wangu umeiondoa IUD bila Homoni. Nifanye nini?

Kutoka kwa IUD kunawezekana kwa asilimia 2-10 ya wanawake ndani ya mwaka wa kwanza baada ya uingizaji. Utafiti ulioendeshwa na Anthony na Wenzake, unaonyesha kwamba kutoka kwa IUD kunawezekana kwa wanawake ambao:

Hawajawahi kushika mimba;
Ni vijana (umri chini ya miaka 20);
Wana historia ya kuwa na hedhi nzito ;
Waliwekewa IUD punde baada ya kujifungua au mimba ilitolewa wakati wa trimesta ya pili;

Wakati mwingine, IUD kusonga kidogo kutoka eneo lake inasababishwa na IUD kusonga na kubadilisha eneo au isonge hadi sehemu ya chini ya mji wa mimba na ianze kuteleza nje. IUD kubadilisha eneo inaweza kuwa lilifanyika wakati wa kuingizwa au linaweza kuhusiana na umbo la mji wa mimba kama vile pembe, ukubwa, au kuwepo na hali kama uvimbe (fibroids) ambazo zinaweza kubadilisha umbo. Kwa wanawake ambao IUD ilitoka awali, kuna uwezekano wa asilimia 20-30 kwamba IUD ya pili pia itatoka. Ikiwa IUD yako itasonga kutoka eneo lake, inapaswa kutolewa na mtoa matibabu wako.

Mara iko nje, unaweza kujadiliana na mtoa matibabu wako kuhusu uwezo wa kuingiza ingine mpya mara moja au kubadilisha na kutumia njia nyingine ya uzuiaji mimba.

Je ninaweza kushika mimba haraka kiasi gani baada ya kutoa IUD ya Shaba?

Urutibisho wa uzazi kwa kawaida utarudi punde baada ya IUD ya Shaba kutolewa. Kwahivyo, unapaswa kuweza kushika mimba wakati wako wa kupevuka kwa yai inayofuata.Ikiwa haujaribu kushika mimba unapaswa kuweka IUD nyingine pahali pa ile imetolewa au utumie njia ingine ya uzuiaji mimba punde IUD ya shaba inatoka yenyewe au inatolewa.

Manufaa ya IUD ya Shaba

Manufaa ya IUD ya Shaba

Maswali elekezi kwa mbinu za kuzuia mimba

Je, unahitaji usaidizi zaidi kuchagua njia yako bora? Jibu maswali yetu elekezi kwa mbinu za kuzuia mimba.

Jibu maswali machache rahisi, na kulingana na majibu, tutapendekeza chaguo za uzuiaji mimba ambazo zinaweza kukufaa.

Jibu maswali

Compare with similar Contraceptive Methods

Are you wondering if condoms are better than daily pills? Or if you should opt for a birth control implant? We're here to assist you in making this decision. You can select up to 5 contraceptive methods and compare them side by side to weigh the pros and cons of each.

Give a try to our Contraceptive Tool

In the example below, you'll find similar methods to the one you're currently reading about. Feel free to click on any that catch your interest or revisit our Contraceptive Methods page

Compare Methods Compare Methods

Sponji ya uzuiaji mimba

Non-hormonal

Hiyo ni nini?

Sponji ya uzuiaji mimba, ni kifaa cha plastiki nyeupe yenye unyevu ambacho kinaingizwa ndani ya uke kabla ya ngono ili kuzuia mimba.

Matokeo mazuri

Ina ufanisi wa asilimia 80 hadi 91.

Faida

Haina homoni.
Hauhitaji maagizo ya daktari au ushauri wa matibabu.
Inaweza kuingizwa saa kadha kabla ya ngono na kukupa nafasi ya kufanya ngono bila mpangilio.

Hasara

Haicheleweshi kurudi kwa rutuba. Mimba inawezekana punde imetolewa.
Ni mojawapo ya njia zisizo na ufanisi sana na ulinzi wa muda mfupi (saa 24).
Inaweza kusababisha mzio.
Haikukingi dhidi ya magonjwa ya zinaa.

Dawa ya kuua manii

Non-hormonal

Dawa ya kuua manii ni kemikali au dawa inayozuia mimba kwa kuua manii kabla ikutane na yai kwa urutubisho.

Ina ufanisi wa asilimia 84.

Haina homoni.
Hauhitaji maagizo ya daktari au ushauri wa matibabu ili kuipata.
Ni rahisi kutumia.

Haina ufanisi sana ikitumiwa peke yake; ufanisi unaongezeka ikitumiwa pamoja na njia zingine za kizuizi.
Haipatikani kila mahali.
Inaweza kusababisha mzio.
haikukingi dhidi ya magonjwa ya zinaa.

Dayaframu ya kuzuia mimba

Non-hormonal

Dayaframu ni kijikombe chenye kina kifupi cha umbo wa kuba kilicho na mzingo laini inayonyumbulika, ambacho kinawekwa juu ya shingo ya kizazi kabla ya kufanya ngono ili kuzuia mimba.

Ina ufanisi wa asilimia 84.

Haina homoni
Inakuruhusu kufanya ngono bila mpangilio. Inaweza kuingizwa saa kadha kabla ya ngono na kuwachwa ndani hadi saa 24.
Mwenza wako hawezi kuihisi.
Rutuba hurudi punde inapotolewa.

Sio chaguo bora ikiwa una mzio wa silikoni au dawa za kuua maani.
Inaweza kusababisha maambukizi ya mfumo wa mkojo, maambukizi ya baktiria kwenye uke, au maambukizi ya fangasi (candidiasis).
Ni njia inayohitaji jitihada kubwa. Inahitaji nidhamu na kupanga mapema.

Kofia ya shingo ya kizazi

Non-hormonal

Kofia ya Shingo ya kizazi ni kofia ya ulimbo wa mpira au plastiki ambayo inaingizwa ndani ya uke kuzuia manii kuingia ndani ya mji wa mimba.

Ina ufanisi wa asilimia 74 hadi 91.

Haina homoni.
Ni chaguo bora kwa wale ambao wanafanya ngono mara chache na hawataki njia ya uzuiaji mimba ya kila siku.
Inadhibitiwa na mwanamke, na kumpa nafasi ya kuamua lini na vipi kufanya ngono.

Haipatikani kwa urahisi kote duniani na inaweza kuwa ghali.
Inaweza kusababisha mwasho katika uke na maambukizi ya mfumo wa mkojo (UTIs).
Sio chaguo bora ikiwa una mzio wa nyenzo ambazo zimetumiwa kutengeneza kofia ama dawa za kuua maani.
Inahitaji jitihada kubwa; inahitaji nidhamu na kupanga mapema.

Kondomu za ndani

Non-hormonal

Kondomu ya ndani ni ala ambayo inavaliwa ndani ya uke ili kuzuia mimba na maambukizi ya magonjwa ya zinaa.

Ina ufanisi wa asilimia 95.

Inatoa kinga mbili dhidi ya mimba na magonjwa ya zinaa.
Ni njia bora kwa watu walio na mzio wa ulimbo wa mpira.
Inaweza kuhifadhiwa hadi kwa miaka tano na haihitaji kuhifadhiwa kwa hali maalum.
Hauhitaji ushauri wa kimatibabu au maagizo ili kuipata.

Ni njia inayohitaji juhudi nyingi kwa sababu lazima ukumbuke kuitumia kabla ya ngono.
Inaweza kuteleza, kupasuka, au kusonga nyuma, na kumweka mtumiaji katika hatari ya mimba na magonjwa ya zinaa.
Ni ngumu kupatikana na kwa kawaida ni bei ghali kuliko kondomu ya nje.

Need to learn more things?

Read about other Contraceptive methods

See All Methods

Search my best contraceptive method.

IUD bila homoni FAQ's

Have some questions about IUD bila homoni?

See All Methods

Search my best contraceptive method.

IUD bila homoni FAQ's

Have some questions about IUD bila homoni?

Our Monthly Top Articles

Mnong’onezaji wa mambo ya uke: Jinsi ya kupenda uke wako hivyo ilivyo

Kabla tuzungumzie mambo ya kuthamini uke, tucheze mchezo ambapo una alama 50 kutoka mwanzo. Nina orodha ya maswali 5 na ikiwa umawahi fanya kile kilichoulizwa kwenye swali, unapoteza alama 10. Twen...

Njia 6 tunaweza kuchukua udhibiti wa uzazi wa mpango kama wanaume

Ingawa ngono salama ni jukumu la wanaume na wanawake, mambo ya uzazi wa mpango imechukuliwa tangu kitambo kama jukumu la mwanamke. Ingekuwa wanaume wangechukua jukumu la kutumia njia za kuzuia mim...

Mnong’onezaji wa mambo ya uke: Jinsi ya kupenda uke wako hivyo ilivyo

Njia 6 tunaweza kuchukua udhibiti wa uzazi wa mpango kama wanaume

Ingawa ngono salama ni jukumu la wanaume na wanawake, mambo ya uzazi wa mpango imechukuliwa tangu kitambo kama jukumu la mwanamke. Ingekuwa wanaume wangechukua jukumu la kutumia njia za kuzuia mim...

Yote unayostahili kujua kuhusu uelewa wa kizazi kama njia ya uzuiaji mimba

Je unafanya ngono mara kwa mara? Unatumia njia gani ya uzuiaji mimba? Umesikia kuhusu njia ya uelewa wa kizazi? Wanawake wengi duniani kote wanafanya ngono kwa sababu tofauti na kupata watoto. Hawa...

See all articles