អត្ថប្រយោជន៍៍សុខភាព
IUDs គ្មានអរម៉ូនត្រូវបានគេស្គាល់ថាមានអត្ថប្រយោជន៍មួយចំនួនដូចជា
– ផ្តល់ការការពារ ៩៩% ពីការមានផ្ទៃពោះ។ IUDs ស្ថិតនៅក្នុងចំណោមវិធីសាស្រ្តពន្យារកំណើតដែលមានប្រសិទ្ធភាពបំផុត ៩៩ ក្នុង ចំណោម ១០០ នាក់ដែលប្រើវីធីសាស្រ្តពន្យារកំណើតនេះ នឹងមានប្រសិទ្ធភាពក្នុងការការពារការមានផ្ទៃពោះ។
– វាជាជម្រើសដ៏ល្អសម្រាប់អ្នកដែលជ្រើសរើសចង់ប្រើវិធីសាស្រ្តនេះ ឬ មិនអាចប្រើ IUD អរម៉ូនបានដោយសារតែបញ្ហាសុខភាព។
– កាត់បន្ថយហានិភ័យនៃការមានកូនក្រៅស្បូន
– អាចមានអត្រានៃការកាត់បន្ថយឱកាសនៃការកើតជម្ងឺមហារីកមាត់ស្បូន ឬ ភ្នាសស្បូន (ស្បូន)។
– មានសុវត្ថិភាពសម្រាប់អ្នកជក់បារី។
– មានសុវត្ថិភាពសម្រាប់់បុគ្គលដែលមានជម្ងឺលើសឈាម ឬ ទឹកនោមផ្អែម [8]។
អត្ថប្រយោជន៍របៀបរស់នៅ
IUD ស្ពាន់ប្រើប្រាស់ជាមធ្យោបាយពន្យារកំណើតបន្ទាន់
នៅពេលអ្នកដាក់បញ្ចូល IUDs ស្ពាន់ ក្នុងរយៈពេល ១២០ ម៉ោង/ប្រាំថ្ងៃបន្ទាប់ពីការរួមភេទដោយមិនបានការពារ វាជាប្រភេទវីធីសាស្រ្តពន្យារកំណើតបន្ទាន់ដែលមានប្រសិទ្ធភាពបំផុត។ ហើយបន្ទាប់ពីនោះ អ្នកនឹងទទួលបានការការពារពីការមានផ្ទៃពោះដែលមិនបានគ្រោងទុកជាច្រើនឆ្នាំ។
វាមានសុវត្ថិភាពសម្រាប់ស្រ្តីដែលមានរាងកាយគ្រប់ប្រភេទទាំងអស់
រួមទាំងក្មេងស្រីវ័យជំទង់ និងស្ត្រីដែលមានអាយុលើសពី ៤០ ឆ្នាំ។ អ្នកជំនាញភាគច្រើនយល់ស្របថា ប្រសិនបើអ្នកមានសុខភាពល្អ និងមានស្បូន អ្នកប្រហែលជាមានលក្ខណៈសម្បត្តិគ្រប់គ្រាន់សម្រាប់ការដាក់ IUD បានហើយ ទោះបីជាអ្នកនៅក្មេង មិនធ្លាប់មានផ្ទៃពោះ ឬមិនធ្លាប់កូន អ្នកទើបតែរំលូតកូន ឬរលូតកូន (ដរាបណាអ្នកមិនមែនកំពុងតែព្យាបាលការឆ្លងមេរោគ) អ្នកធ្លាប់មានកូនក្រៅស្បូន ឬ ធ្លាប់មានជំងឺរលាកសរីរាង្គអាងត្រគាក មានមេរោគអេដស៍ដែលមានរោគសញ្ញាស្រាល ឬគ្មានរោគសញ្ញា (អ្នកកំពុងប្រើ ឬ មិនកំពុងប្រើថ្នាំប្រឆាំងមេរោគអេដស៍) អ្នកមានជម្ងឺស្លេកស្លាំងក៏ដោយ។ វាក៏ជាវិធីសាស្រ្តដ៏ល្អសម្រាប់ស្រ្តីដែលជាម្តាយថ្មីថ្មោង (មិនថាស្រ្តីនោះកំពុងបំបៅកូនឬក៏អត់នោះទេ)។
គ្មានផលរំខានទាក់ទងនឹងបម្រែបម្រួលអរម៉ូននោះទេ
IUDs ស្ពាន់មិនមានអរម៉ូននោះទេ ដូចនេះ កម្រិតអរម៉ូននៅក្នុងខ្លួនរបស់អ្នកនឹងមិនត្រូវបានប៉ះពាល់នោះទេ។
វាអាចលាក់លាមបានល្អ
IUDs ពន្យារកំណើតគ្មានអរម៉ូន គឺជាឧបករណ៍មានសណ្ឋានជាប្លាស្ទិក និងស្ពាន់ ហើយមានរាងអក្សរ T ដែលដាក់ចូលទៅក្នុងលំហស្បូនរបស់អ្នក (ស្បូន) ហើយមនុស្សភាគច្រើនមិនអាចមើលដឹងថាវានៅទីនោះទេ។ អ្នកមិនចាំបាច់រញ៉េររញ៉ៃច្រើនមុនពេលរួមភេទ ដូចជាការហែកកញ្ចប់ស្រោមអនាម័យនោះទេ។ ក្នុងករណីកម្រមួយចំនួន ដៃគូអ្នកអាចមានអារម្មណ៍ដឹងថាប៉ះ IUD ឬខ្សែរបស់វាអំឡុងពេលរួមភេទ ប៉ុន្តែខ្សែនេះអាចកាត់បានយ៉ាងងាយស្រួលប្រសិនបើអ្នកប្រាប់អ្នកផ្តល់សេវាថែទាំសុខភាពរបស់អ្នកអំពើរឿងនេះ។
វាមិនត្រូវការចំណាយកម្លាំង ឬពេលវេលាច្រើននោះទេ
ពេលដាក់ហើយ អ្នកនឹងភ្លេចពីវា។ ប្រសិនបើអ្នកខា្លចភ្លេចប្រើមធ្យោបាយពន្យារកំណើតនោះទេ ការដាក់ IUD ជាជម្រើសមួយដ៏ល្អសម្រាប់អ្នក។ នៅពេលដែលអ្នកស៊កបញ្ចូល IUD ហើយ វាអាចមានសុពលភាពដល់ ១២ ឆ្នាំឯណោះ អាស្រ័យលើម៉ាករបស់វា។
មិនបាច់ចាំបាច់ប្រើដៃ
ចាប់តាំងពីការដាក់បញ្ចូលត្រូវបានធ្វើនៅកន្លែងផ្តល់សេវាសុខភាព អ្នកមិនចាំបាច់មានកញ្ចប់ ឬវេជ្ជបញ្ជាដើម្បីទិញនៅឱសថស្ថាននោះទេ។ ដូច្នេះហើយ អ្នកមិនចាំបាច់ត្រូវចងចាំត្រូវប្រើមធ្យោបាយពន្យារកំណើត ឬ បាត់របស់អ្វីនោះទេ។
វាមិនរំខានអ្នកនៅពេលកំពុងរួមភេទនោះទេ។
តើបន្ទាប់ពីអ្នកដក IUD ស្ពាន់ចេញអស់រយៈពេលប៉ុន្មានទើបអាចមានផ្ទៃពោះបាន?
អ្នកគួរតែអាចមានផ្ទៃពោះបានឆាប់ៗ បន្ទាប់ពីអ្នកដកIUDចេញ។ ប្រសិនបើអ្នកមិនទាន់ត្រៀមខ្លួនដើម្បីមានផ្ទៃពោះភ្លាមៗនៅពេលដែលអ្នកដក IUD ចេញនោះអ្នកត្រូវចងចាំថាអ្នកចាំបាច់ត្រូវតែប្រើប្រាស់វិធីសាស្ត្រផ្សេងដើម្បីពន្យារកំណើត។
តើ IUD ស្ពាន់មានប្រសិទ្ធភាពរយៈពេលប៉ុន្មានដែរ?
វាមានប្រសិទ្ធភាពរយៈពេលយូរអង្វែង ហើយអ្នកប្រើប្រាស់មិនចាំបាច់ចំណាយកម្លាំង ឬពេលវេលាច្រើននោះទេ។
តើ IUD គ្មានអរម៉ូនអាចប្រើជាមួយនឹង តមប៉ុងទប់រដូវបានទេ?
អ្នកដែលប្រើប្រាស់ IUD ស្ពាន់ក៏អាចប្រើតមប៉ុងបានដែរ ដរាបណាពួកគេមិនទាញខ្សែ IUD ចេញ។ ទោះជាយ៉ាងណាក៏ដោយ វាស្ថិតក្នុងករណីកម្រណាស់ដែលអ្នកទាញខ្សែ IUD ដោយច្រឡំ ដោយសារខ្សែ tampon ជាធម្មតាវាលេចចេញខាងក្រៅទ្វារមាស ជាជាងនៅខាងក្នុងទ្វារមាស។ ក្នុងករណីដែលអ្នកមានអារម្មណ៍ថាខ្សែ IUD របស់អ្នកនៅជិតខ្សែតមប៉ុងរបស់អ្នកពេក អ្នកគួរតែទៅជួបអ្នកផ្តល់សេវាថែទាំសុខភាពរបស់អ្នកជាបន្ទាន់ ព្រោះនេះអាចមានន័យថា IUD របស់អ្នកអាចរបូតចេញស្បូនហើយ។
