អ្នកត្រូវដកវាចេញ ៦ម៉ោងក្រោយពេលរួមភេទតាមទ្វារមាស។ នេះជារបៀបដែលអ្នកអាចយកវាចេញបាន៖
– លាងដៃជាមួយសាប៊ូ និងទឹក។ រួចទុកវាឲ្យស្ងួត។
– អង្គុយចុះ។ ដាក់ម្រាមដៃមួយនៅខាងក្នុងទ្វារមាសរបស់អ្នក។ ទាញខ្សែចំណងវាចេញ ហើយបង្វិលគម្រប។
– រុញលើពែងវាបន្តិចដោយប្រើម្រាមដៃរបស់អ្នកដើម្បីកុំឲ្យវាបឺតជាប់លើមាត់ស្បូនទៀត។
– ទាក់ម្រាមដៃរបស់អ្នកនៅក្រោមខ្សែចំណង ហើយទាញគម្របមាត់ស្បូននោះចេញ។
– បន្ទាប់ពីយកវាចេញមកលាងសម្អាតនឹងសាប៊ូដែលស្រាល និងទឹកក្តៅអ៊ុនៗ ហើយទុកវាចោលឲ្យស្ងួត។
– កុំដាក់ម្សៅលើគម្របមាត់ស្បូនរបស់អ្នក វាអាចបណ្តាលឲ្យឆ្លងមេរោគបាន។
– កុំបារម្ភប្រសិនបើវាប្រែពណ៌។ វានៅតែមានដំណើរការដូចដើមទេ។
ប្រសិនបើអ្នកមានអារម្មណ៍មិនស្រួលក្នុងខ្លួនក្នុងការប្រើវិធីនេះ អ្នកប្រហែលជាចង់ពិចារណាប្តូរទៅប្រើវិធីសាស្រ្តពន្យារកំណើតផ្សេង។
មនុស្សគ្រប់រូបគឺខុសៗគ្នា។ បទពិសោធន៍ដែលអ្នកមានប្រហែលមិនដូចបទពិសោធន៍របស់អ្នកដទៃទេ (5)។
តើគម្របមាត់ស្បូនមានអាយុកាលប៉ុន្មានដែរ?
ប្រសិនបើអ្នករក្សាទុកគម្របពន្យារកំណើតរបស់អ្នកឲ្យបានល្អនោះវានឹងអាចប្រើប្រាស់បានរយៈពេលពីមួយទៅពីរឆ្នាំ។ អ្នកគួរតែផ្លាស់ប្តូរគម្របមាត់ស្បូនរបស់អ្នកនៅពេលណាដែលអ្នកសម្គាល់ឃើញមានប្រហោង ឬរហែកនៅត្រង់កន្លែងណាមួយ។
