ការបញ្ចូលគម្របមាត់ស្បូនគឺស្រដៀងគ្នាទៅនឹងរបៀបដាក់បញ្ចូល សន្ទះពាំងមាត់ស្បូន ។ អ្នកអាចដាក់បញ្ចូលគម្របមាត់ស្បូនបានគ្រប់ពេលរហូតដល់រយៈពេល ៤២ ម៉ោងមុនពេលរួមភេទ។
-ដំបូង អ្នកត្រូវលាងដៃនឹងសាប៊ូ និងទឹក ហើយទុកអោយស្ងួត។
– ឆែកមើលគម្របមាត់ស្បូនដើម្បីរកមើលរន្ធប្រហោង និងចំណុចដែលស្តើងនិងងាយរហែក។ ការដាក់ទឺកស្អាតចូលវាឲ្យពេញ គឺជាវិធីល្អក្នុងការពិនិត្យមើល ប្រសិនបើវាលេចឬធ្លាយ នោះវាមានការរហែក ឬ ប្រហោងហើយ។
– ដាក់ថ្នាំសម្លាប់មេជីវិតឈ្មោល ១-២ មីលីលីត្រក្នុងពែងក្នុងគម្របមាត់ស្បូន។ លាបវានៅជុំវិញគែមរបស់វាផងដែរ។
– ផ្កាប់ទៅម្ខាងទៀតជាខាងដែលមានខ្សែចំណង ហើយដាក់ ២ ទៅ ៣ មីលីលីត្រទៀតនៅចន្លោះតាមគែមរបស់វា ។
– អ្នកអាចអង្គុយ ឬឈរក៏បាន ហើយកន្ធែកជើងរបស់អ្នក។ ដាក់ម្រាមដៃចង្អុល និងម្រាមដៃកណ្តាលរបស់អ្នកចូលទៅក្នុងទ្វារមាសរបស់អ្នក។ ស្ទាបរកមាត់ស្បូនរបស់អ្នក ដើម្បីឲ្យអ្នកដឹងពីកន្លែងដែលត្រូវដាក់គម្របមាត់ស្បូន។ វែកបបេរខាងក្រៅនៃទ្វារមាសដោយប្រើដៃម្ខាង។ ប្រើដៃម្ខាងទៀតច្របាច់គែមគម្របមាត់ស្បូនចូលគ្នា។ រុញគម្របទ្វារមាសចូលដោយយកមុខពែងបែរទៅក្រៅ។
– រុញចូលឆ្ពោះទៅកាន់ទិសនៃរន្ធគូថរបស់អ្នក បន្ទាប់មករុញឡើងលើវិញ ហើយគ្របទៅលើមាត់ស្បូន។ អ្នកត្រូវប្រាកដថាមាត់ស្បូនរបស់អ្នកត្រូវបានគ្របដណ្តប់បានហាប់ណែន។ សង្កត់ទៅលើគម្របដោយថ្នមដើម្បីឲ្យវាជាប់ទៅនឹងមាត់ស្បូន(3)។
ដើម្បីឲ្យគម្របមាត់ស្បូនមានប្រសិទ្ធភាព អ្នកនឹងត្រូវទុកវានៅទីតាំងវារយៈពេលប្រាំមួយម៉ោងបន្ទាប់ពីរួមភេទ។ ប្រសិនបើអ្នកនឹងរួមភេទច្រើនជាងមួយដង សូមពិនិត្យទីតាំងនៃគម្របមាត់ស្បូន និងលាបថ្នាំសម្លាប់មេជីវិតឈ្មោលបន្ថែមទៀត មុនពេលរួមភេទម្តងៗ។ អ្នកមិនចាំបាច់ដកគម្របមាត់ស្បូនចេញទេ ពេលដាក់បន្ថែមថ្នាំសម្លាប់មេជីវិតឈ្មោល។
កុំទុកគម្របមាត់ស្បូនរបស់អ្នកក្នុងទ្វារមាសលើសពី ៤៨ ម៉ោង។ ការទុកវានៅក្នុងទ្វារមាសលើសពី ៤៨ ម៉ោងអាចបណ្តាលឲ្យមាន toxic shock syndrome។ វាក៏អាចបណ្តាលមានការធ្លាក់សពីទ្វារមាស និងក្លិនអាក្រក់ផងដែរ។
ជៀសវាងការប្រើគម្របមាត់ស្បូនអំឡុងពេលមករដូវ ពីព្រោះអ្នកនឹងមានការប្រថុយជាមួយនឹងជម្ងឺ toxic shock syndrome។
អ្នកមានហានិភ័យខ្ពស់ក្នុងការមានផ្ទៃពោះ ប្រសិនបើអ្នកមិនបានដាក់បញ្ចូលគម្របមាត់ស្បូនក្នុងរយៈពេលពីរម៉ោងមុនពេលរួមភេទ អ្នកត្រូវទុកវានៅក្នុងទ្វារមាសយ៉ាងហោចណាស់ប្រាំមួយម៉ោងបន្ទាប់ពីរួមភេទ អ្នកត្រូវដាក់បញ្ចូលវាឲ្យបានត្រឹមត្រូវ ហើយប្រើវារួមផ្សំជាមួយថ្នាំសម្លាប់មេជីវិតឈ្មោល ឬនៅពេលដែលអ្នកសម្គាល់ឃើញថាវាមានការដាច់រហែក ឬ ខូចខាតនៅពេលដកវាចេញ។ ប្រសិនបើរឿងនេះកើតឡើង ហើយអ្នកមិនចង់មានផ្ទៃពោះទេ អ្នកត្រូវតែលេបថ្នាំពន្យារកំណើតជាបន្ទាន់ (4)។
