Madhara sio ishara ya ugonjwa na ingawa ni kawaida, wanawake wengine hawapati madhara yoyote kamwe. Madhara yakitokea, kwa kawaida yanapungua au kuisha ndani ya miezi michache za kwanza za matumizi ya tembe. Madhara yanayoripotiwa sana yanajumuisha:
-Mabadiliko kwa mzunguko wa hedhi, kama vile, ziwe ambazo hazitabiriki, zikuje mara chache, ziwe nyepesi au zije siku chache, au zipote kabisa (ukitokwa damu nyepesi kati ya hedhi ya mwisho na inayofuata, usiwe na wasiwasi. Hali hii inatarajiwa kuisha wakati utamaliza pakiti ya tatu, lakini ikiwa haitaisha, unapaswa kumwambia daktari wako);
Kuumwa kichwa;
kizunguzungu;
kutokwa matone ya damu;
matiti chungu;
mabadiliko kwenye uzani;
kuisha au kuongezeka kwa chunusi;
mabadiliko kwa tamaa ya ngono;
mabadiliko ya hisia; na
kichefuchefu (kuepuka kichefuchefu, meza tembe pamoja na chakula au wakati wa kulala)
Tembe zingine zinaweza kuongeza shinikizo la damu. Wale ambao wanatumia tembe wanashauriwa kupima presha kila miezi michache. Ikiwa ongezeko lililo sababishwa na tembe litakuwa juu sana, ni vizuri uwache matumizi ya njia hii ya uzuiaji mimba. kwa kawaida presha itarudi chini unapowacha kutumia tembe [8].
Matatizo za tembe mchanganyo
Nadra sana
Wanawake wanaotumia tembe wana hatari ya juu kidogo ya kupata tatizo la damu kuganda (thrombosis). Damu iliyoganda inaweza kuziba mishipa, hali ambayo inaweza kusababisha damu kuganda kwenye mishipa ya ndani (deep vein thromosis) au damu igande kwenye ateri ndani ya mapafu (pulmonary embolisms) na mwishowe isababishe mshtuko wa moyo au kiharusi.Hii ikifanyika, itafanyika ndani ya mwaka wa kwanza wa kutumia tembe.
Unapaswa kuenda kumwona daktari ikiwa utaona yafuatayo;
-Kuzirai au kuzimia bila sababu;
-kupata matatizo kupumua;
-mguu kufura na iwe na maumivu;
-hisia ya kufa ganzi au ya udhaifu kwenye mkono au mguu;
-matatizo ya ghafla kuongea au kuona;
-kukohoa damu;
-maumivu kwenye kifua, hasa ikiwa unahisi uchungu wakati unavuta hewa ndani; na
-maumivu makali ya tumbo.
Dalili hizi zinaweza kusababishwa na damu kuganda.
Nadra kabisa
Kuharusi.
Mshtuko wa moyo.
Ikiwa, baada ya miezi mitatu, unahisi kwamba madhara yamezidi kiasi unaweza kuvumilia, tumia njia tofauti ya uzuiaji mimba na ubaki una kinga. Kondomu zinakupa kinga nzuri wakati unatafuta njia ya uzuiaji mimba itakayokufaa. Kumbuka kwamba tembe machanganyo haikukingi dhidi ya mangonjwa ya zinaa.
Je nina paswa kukuwa na wasiwasi kuhusu damu kuganda?
Hatari ya damu kuganda wakati unatumia tembe iko chini sana. Kuna hatari hata ya chini zaidi ya kifo. Hali zingine za kimaunbile au kiafya zinaweza kuongeza hatari ya kuganda damu hata hivyo. Ukiwa na hoistoria ya damu kuganda, au una wasiwasi kuhusu damu kuganda, ongea na mtoa matibabu wako ili kubaini ikiwa tembe itakufaa vyema.
Je ni kawaida kutokwa matone ya damu wakati unatumia tembe mchanganyo?
Matone ya damu ni madhara ya kawaida ya tembe mchanganyo. Hii hufanyika kwa sababu kadhaa. Ikiwa unatumia tembe bila kuwacha, utapata kile kinajulikana kama damu ya ‘mafanikio’ (breakthrough bleeding). Hii huonekana kama matone ya damu kidogo au kwa hali zingine kutokwa damu nzito wakati hautaraji hedhi yako. Hii sio dalili ya afya mbaya. Pia haimanishi kwamba njia ya uzuiaji mimba unayotumia haina ufanisi.
Je, ni salama kutumia tembe mchanganyo kwa miaka mingi bila kuwacha?
Ndio. Ikitumika kwa njia inayotabirika, tembe mchanganyo inaweza kukukinga dhidi ya mimba kwa miaka kadhaa bila wewe kuhitajika kuwacha kuzitumia kwa muda. Hakuna ushaidi kwamba kuwacha matumizi ya tembe kwa muda inahitajika. Kuwacha matumizi kwa muda ina hatari zaidi kwasababu unaweza kushika mimba ndani ya kipindi hicho.
Na ikiwa ninahara baada ya kumeza tembe ya kudhibiti mimba?
Njia za uzuiaji mimba zenye homoni, ikiwemo tembe mchanganyo, zinaweza kusumbua tumbo ya mtu. Hii inaweza kusababisha kuhara. Ingawa kuhara haita athiri ufanisi wa tembe mchanganyo, kuhara kupindukia (kuhara majimaji mara 6-8 ndani ya saa 24) inaweza kumanisha kwamba tembe uliomeza ya mwisho haija nyonywa mwilini. Ikiwa unahara kupindukia, endelea kumeza tembe zako kama kawaida. Zaidi ya hio, tumia njia ya ziada kama kondomu kwa kipindi unahara na siku mbili baada ya kuhara kuisha.
Je tembe ya kudhibiti mimba ni njia ya uzuiaji mimba ambayo haiharibu mazingira?
Ingawa homoni zingine zitaingia kwenye mazingira kupitia mkojo wa mwanamkwe, viwango vyake ni vidogo kushinda vyanzo vingine vya estrojeni ndani ya mazingira. Kwa mfano, estrojeni kutoka kwenye viwanda; dawa za kuuwa wadudu;mbolea na dawa za wanyama zinaingia kwenye mazingira kwa viwango vya juu vikilinganishwa na estrojeni inayopita kwenye mkojo wa mwanamke.
Ikiwa una wasiwasi kuhusu kuongeza kiwango chochote cha homoni ndani ya mwili wako au ndani ya mazingira, kuna njia zingine za uzuiaji mimba unaweza kuchagua. IUD za shaba na kondomu za mpira wa asili ni chaguo bora kwako. Cha muhimu zaidi ni kwamba unatumia njia ya uzuiaji mimba itakayo kusaidia kuzuia mimba.
