Wakati matumizi ya tembe mchanganyo hayafai

Wanawake wengi wanaweza kutumia tembe ya uzuiaji mimba. Ikiwa una afya, hauvuti sigara, hauna uzito kupita kiasi, na hauna sababu zozote za kiafya za kufanya usitumie tembe, unaweza kuitumia hadi ufike komahedhi. Tembe, hata hivyo, huenda haitakufaa ikiwa:
-unavuta sigara na una umri wa miaka zaidi ya 35 (kwa wanawake ambo umri umezidi miaka 35, kuvuta sigara wakati unatumia tembe inaongeza hatari ya madhara fulani);
-una umri wa miaka zaidi ya 50 (utahitaji kujadiliana na daktari wako kuhusu chaguo zingine zitakazo faa mwili wako);
-una kipandauso (migrane) iliyo na aura ( eneo la jicho linalong’aa lililopoteza uwezo wa kuona, kabla ya maumivu makali sana ya kichwa);
-ulizaa hadi miezi sita zilizopita na unanyonyesha ( hata hivyo, unaweza kuanza kutumia tembe baada ya miezi sita au wakati maziwa ya matiti sio chakula kuu cha mtoto wako);
-umekuwa na ugonjwa wa sukari kwa zaidi ya miaka 20, na imeathiri ateri, uwezo wa kuona, figo au mfumo wa neva;
-una au umewahi kuwa na saratani ya matiti;
-umekuwa na kiharusi, kuganda damu kwa mguu au mapafu zako, mshtuko wa moyo au matatizo mengine mbaya ya moyo;
-una ugonjwa wa uharibifu wa ini au maabukizi kwenye ini au uvimbe;
-una ugonjwa wa kibofu cha nyongo au unatumia dawa za kutibu kibofu cha nyongo; na
-unatumia dawa za degedege [9].
Ikiwa una dalili zozote ambazo zimetajwa hapo juu, unashauriwa kumwona mtoa matibabu aliyehitimu ili akupe mawaidha kuhusu njia za uzuiaji mimba. Utashauriwa kuhusu njia ya uzuiaji mimba itakayokufaa zaidi.