Manufaa ya kiafya
Ikitumika kwa njia sahihi, inaweza kuwa na ufanisi wa asilimia 93-99 wa kinga dhidi ya hatari ya kushika mimba. [7].
Inaweza kupunguza maumivu inayoletwa na kupevuka kwa yai, maumivu ya tumbo kabla ya hedhi,na dalili zinazotokea kabla ya hedhi (PMS)
Inaweza kukupa hedhi inayotabirika, yenye maumivi iliyopungua, na ambayo ni nyepesi.
Inaweza kupunguza hatari ya kupata saratani ya mji wa mimba (ndani ya mji wa mimba) na saratani ya matiti kwa asilimia 50.
Inaweza kupunguza dalili za ugonjwa wa endometriosis.
Inaweza kupunguza hatari ya maambukizo kwenye fupanyonga kwasababu ute nzito unaotengenezwa na shingo ya kizazi unazuia manii na vijidudu kuingia ndani ya tumbo la uzazi.
Inaweza kutoa kinga dhidi ya uvimbe kwenye ovari.
Inapunguza dalili za ugonjwa wa polycystic ovarian syndrome (kutokwa damu isiyotabirika, chunusi, nywele nyingi sana kwenye uso au mwili).
Inaweza kutoa kinga dhidi ya magonjwa mengine ya matiti ambayo hayahusiki na saratani ya matiti (hayana athari mbaya).
Inaweza kusaidia kutoa kinga dhidi ya anemia ya upungufu wa madini ya chuma.
Tembe zingine zina manufaa ya urembo. Zinaweza kumaliza chunusi na kupunguza nywele kwenye uso na mwili.
Manufaa kwa mtindo wa maisha
Tembe ni rahisi kutumia-imeze tu na maji.
Inapatikana kwa urahisi na inaweza kununuliwa bila maagizo ya daktari kutoka kwenye duka la dawa na hospitali.
Inakupa uwezo wa kudhibiti wakati wa kupata hedhi. Tembe ni chaguo mzuri ukitaka hedhi inayotabirika. Ikiwa unapenda kupata hedhi kila mwezi au mara kwa mara bila matone ya damu, tembe inaweza kukuwa chaguo mzuri.
Pia unaweza kuruka hedhi. Tembe zingine zinaweza kufanya usipate hedhi kabisa (kwa kutomeza tembe bila homoni), ambayo ni salama kwa asilimia 100.
Hauhitaji kukatiza ngono ili kuitumia
Matumizi ya tembe inadhibitiwa kamilifu na mwanamke.
Matumizi yake yanaweza kukomeshwa saa yoyote bila usaidizi wa mtoa matibabu.
Haicheleweshi urutubisho wa uzazi. Unaweza kushika mimba siku chache baada ya kuwacha kutumia tembe. Ukiwacha kutumia tembe na hauko tayari kushika mimba, tumia njia ingine ya uzuiaji mimba.
