သန္ဓေတားလက်မောင်းထည့်ပစ္စည်းကို ဘယ်လိုထည့်သွင်းသလဲ?

သန္ဓေတားလက််မောင်းထည့်ပစ္စည်းထည့်သွင်းခြင်းဟာ သင့်ရဲ့ကျန်းမာရေးဝန်ဆောင်မှုပေးသူမှ အသေးစားခွဲစိတ်မှုလုပ်ဆောင်ပြီး ထည့်သွင်းပေးတာဖြစ်ပါတယ်။ သင့်ရဲ့ ဓမ္မတာကာလပထမဆုံး ငါးရက်အတွင်းမှာ သင်ဟာ ကိုယ်ဝန်မရှိကြောင်းသေချာတာမို့လို့ အဲ့ဒီ့အချိန်မှာ ထည့်သွင်းတာအကောင်းဆုံးဖြစ်ပါတယ်။ သို့သော်လည်း သင့်မှာကိုယ်ဝန်ရှိဖို့ အခွင့်အရေးမရှိဘူးဆိုရင် မည်သည့်အချိန်မှာမဆိုထည့်သွင်းနိုင်ပါတယ်။

ဒီထည့်သွင်းတာစတင်ဖို့ သင့်ရဲ့ ကျန်းမာရေးဝန်ဆောင်မှုပေးသူဟာ သင့်အနေနဲ့ သန္ဓေတားလက်မောင်းထည့်ပစ္စည်းနဲ့ သင့်တော်မှုရှိ၊ မရှိ ဆုံးဖြတ်နိုင်မဲ့ မေးခွန်းအချို့မေးမြန်းမှာဖြစ်ပါတယ်။ သင့်ကို ခန္ဓာကိုယ်စစ်ဆေးမှုများလည်း ပြုလုပ်ကောင်းပြုလုပ်နိုင်ပါတယ်။ ဒီနည်းလမ်းနှင့် သင့်လျော်မှုကို ဆုံးဖြတ်ပြီးတာနဲ့၊ နောက်အဆင့်ကတော့ သင့်လက်မောင်းအပေါ်ဖက် နေရာအသေးလေးကို ထုံဆေးပေးမှာဖြစ်ပါတယ်။ ထည့်သွင်းစက်အသေးစားလေးကိုအသုံးပြုပြီး သင့်အရေပြားအောက်သို့ အချောင်းများ သို့မဟုတ် အတောင့်များကို ထည့်သွင်းမှာဖြစ်ပါတယ် [3]။

Nexaplanon ထုတ်လုပ်သူများရဲ့ အကြံပြုချက်ကတော့ သန္ဓေတားလက်မောင်းထည့်ပစ္စည်းထည့်သွင်းပြီးတာနဲ့၊ သင်နဲ့ သင်ဝန်ဆောင်မှုပေးသူနှစ်ယောက်လုံးဟာ လက်မောင်းအတွင်း ပစ္စည်းရှိ၊ မရှိ သေချာအောင် စမ်းသပ်အတည်ပြုသင့်ပါတယ်။ ထို့အပြင်၊ သုံးစွဲနေသည့်ကာလအတွင်း မည်သည့်အချိန်မဆို၊ သင့်လက်မောင်းအတွင်း ပစ္စည်းကို မခံစားမိပါက၊ သင့်အနေဖြင့် ဟော်မုန်းမပါဝင်သော သန္ဓေတားနည်းလမ်းကို ချက်ချင်းသုံးစွဲပြီး ကိုယ်ဝန်ကို ဟန့်တားသင့်ပါတယ်။ ပြီးနောက် သင့် ကျန်းမာရေးဝန်ဆောင်မှုပေးသူထံ ချက်ချင်းသွားရောက်ပြီး ပစ္စည်းဟာ နေရာတကျ ရှိ၊ မရှိ အတည်ပြုသင့်ပါတယ်။

ပစ္စည်းဟာ နေရာတကျရှိတယ်လို့ အတည်ပြုပြီးသွားရင်၊ သင့်ရဲ့ ကျန်းမာရေးဝန်ဆောင်မှုပေးသူဟာ ခွဲစိတ်နေရာကို အကာအကွယ်ဆေးကြောမှုကပ်ပေးမှာဖြစ်ပြီး အပေါ်ကနေ ပတ်တီးနဲ့အုပ်ကာ သွေးထက်ခြင်း သို့မဟုတ် ပွန်းပဲ့မိခြင်းတို့မှ ကာကွယ်ပေးမှာပါ။

သန္ဓေတားလက်မောင်းထည့်ပစ္စည်း ထည့်သွင်းပြီးနောက် ကျွန်ုပ်ဘာကို မျှော်လင့်ထားသင့်သလဲ?

“လက်မောင်းထည့်ပစ္စည်းထည့်သွင်းတာက မနာကျင်ပါဘူး။ အမျိုးသမီးအများစုဟာ ထုံဆေးထိုးတဲ့အချိန်မှာ စူးခနဲဖြစ်တာလောက်ပဲ ခံစားရပါတယ်။ သို့သော်လည်း ထုံဆေးပြယ်သွားရင်တော့ သင်ဟာ ခွဲစိတ်ထားတဲ့နေရာမှာ ပွန်းပဲ့သလိုနီလာတာမျိုးခံစားရနိုင်ပြီး လက်မောင်းနာတာကိုလည်း နောက်ထပ်ရက်အနည်းငယ်လောက်ခံစားရနိုင်ပါတယ်။ ဒီနာကျင်မှုများဟာ မည်သည့် ကုသမှုကိုမှ မလိုအပ်ပဲ ရက်အနည်းငယ်အတွင်း ပျောက်ကွယ်သွားမှာဖြစ်ပါတယ်။

သင့်ရဲ့ ကျန်းမာရေးဝန်ဆောင်မှုပေးသူက ခွဲစိတ်ထားတဲ့နေရာကို နောက်ထပ် အနည်းဆုံး ၂ ရက်လောက် အခြောက်ခံထားဖို့ အကြံပေးကောင်းပေးပါလိမ့်မယ်။ ပတ်တီးကို ၂၄ နာရီအကြာမှာ ဖယ်ထုတ်နိုင်ပြီး အခြားသော အကာအကွယ်တွေကိုတော့ အသားပြန်လည်ပြည့်လာမဲ့ နောက်ထပ် ၃ ရက် မှ ၅ ရက်အတွင်း ဖယ်ရှားသင့်ပါတယ် [4]။

ထည့်သွင်းပြီးနောက် မည်မျှအကြာတွင် သန္ဓေတားလက်မောင်းထည့်ပစ္စည်းဟာ ထိရောက်ပါသလဲ?

သင့်ရဲ့ သန္ဓေတားလက်မောင်းထည့်ပစ္စည်းကို ဓမ္မတာရဲ့ ပထမဆုံး ငါးရက်အတွင်းထည့်သွင်းမယ်ဆိုရင်၊ ချက်ချင်းသန္ဓေတားပေးမှာဖြစ်ပါတယ်။ ဒီငါးရက်အပြင်မှာ ထည့်မယ်ဆိုရင်တော့၊ သင်ဟာ အရန်နည်းလမ်းများဖြစ်တဲ့ ပြင်ပ သို့မဟုတ် အတွင်း ကွန်ဒုံး၊ အမျိုးသမီးကွန်ဒုံး သို့မဟုတ် ရေမြှုပ်သန္ဓေတားနည်းလမ်းများကို နောက်ထပ် ခုနှစ်ရက်အကြာအထိ ဆက်လက်သုံးစွဲရန် လိုအပ်ပါတယ်။ ဒီခုနှစ်ရက်အတွင်း အကာအကွယ်မပါသော လိင်ဆက်ဆံမှုပြုလုပ်ပါက၊ သင့်အနေနဲ့ အရေးပေါ် သန္ဓေတားဆေးသုံးစွဲသင့်ပါတယ် [6]။

သန္ဓေတားလက်မောင်းထည့်ပစ္စည်းထည့်သွင်းပြီးနောက် သင် အရက်သောက်နိုင်ပါသလား?

ရပါတယ်။ အရက်သောက်ခြင်းဟာ သန္ဓေတားလက်မောင်းထည့်ပစ္စည်းများရဲ့ထိရောက်မှုကို မလျော့စေပါဘူး။ သို့သော်လည်း တာဝန်ယူမှုရှိစွာ သောက်သုံးဖို့ သတိရပေးပါ။ အရက်ဟာ လူတယောက်ရဲ့ ထိန်းချုပ်နိုင်မှုကို လျော့ကျစေပြီး လုံခြုံမှုရှိတဲ့ လိင်ဆက်ဆံမှုကျင့်သုံးဖို့ကိုပါ နည်းပါးစေပါတယ်။ သန္ဓေတားလက်မောင်းထည့်ပစ္စည်းဟာ လိင်မှကူးစက်သောရောဂါများကိုတော့ မကာကွယ်ပေးဘးဆိုတာ မှတ်ထားပေးပါ။

သန္ဓေတားလက်မောင်းထည့်ပစ္စည်းထည့်သွင််းထားချိန်အတွင်း သွေးစိမ့်မှုကို ဘယ်လိုရပ်ရမလဲ

ကြိုတင်ပြင်ဆင်ထားသောမိဘဘဝ အရ၊ သန္ဓေတားလက်မောင်းထည့်ပစ္စည်းများထည့်သွင်းပြီးချိန်တွင် သင့်ရဲ့ သွေးဆင်းမှုပုံစံများပြောင်းလဲမှုကို ခံစားရနိုင်ပါတယ်။ အချို့သူများဟာ ပထမ ၆-၁၂ လအတွင်း သွေးစိမ့်ခြင်းကို ခံစားရနိုင်ပါတယ်။ အခြားသူများကတော့ ရေရှည် သွေးစိမ့်ခြင်း သို့မဟုတ် ကြာရှည်သော၊ ပြင်းထန်သော သွေးဆင်းခြင်းတို့ကို ခံစားရနိုင်ပါတယ်။ သုံးစွဲသူအများစုအတွက်၊ ၎င်းတို့ရဲ့ သွေးဆင်းခြင်းဟာ လုံးဝ ရပ်တန့်သွားမှာဖြစ်ပါတယ်။ သင်ဟာ ကြာရှည်ပြီး စိတ်ညစ်စရာကောင်းသော သွေးဆင်းခြင်းကြုံတွေ့ရတယ်ဆိုရင်၊ သင့်ရဲ့ ကျန်းမာရေးဝန်ဆောင်မှုပေးသူကို ကုသမှုအတွက် တိုင်ပင်သင့်ပါတယ်။ ပေါ့ပါးသော သွေးဆင်းခြင်းဟာ ကုသခြင်းပြီးသွားတာတောင်မှ မပျောက်သွားဘူးဆိုရင်တော့၊ အခြားသန္ဓေတားနည်းလမ်းတခုကို ပြောင်းလဲဖို့ အချိန်ပါပဲ။

သန္ဓေတားလက်မောင်းထည့်ပစ္စည်းဖယ်ရှားခြင်း

သန္ဓေတားလက်မောင်းထည့်ပစ္စည်းဖယ်ရှားခြင်း

သန္ဓေတားမေးခွန်း

သင့်အတွက်အကောင်းဆုံးနည်းလမ်းကို ရွေးချယ်ရာမှာ အကူအညီလိုပါသလား? ကျွန်ုပ်တို့ရဲ့ သန္ဓေတားမေးခွန်းကို ဖြေလိုက်ပါ။

ရိုးရှင်းတဲ့ မေးခွန်းအချို့ကို ဖြေလိုက်ပါ၊ ပြီးရင် အဖြေများအပေါ် မူတည်ပြီးတော့ ကျွန်ုပ်တို့ဟာ သင့်အတွက် ထိရောက်နိုင်မဲ့ သန္ဓေတားနည်းလမ်းတွေကို အကြံပေးပါမယ်။

မေးခွန်းကိုဖြေပါ

Compare with similar Contraceptive Methods

Are you wondering if condoms are better than daily pills? Or if you should opt for a birth control implant? We're here to assist you in making this decision. You can select up to 5 contraceptive methods and compare them side by side to weigh the pros and cons of each.

Give a try to our Contraceptive Tool

In the example below, you'll find similar methods to the one you're currently reading about. Feel free to click on any that catch your interest or revisit our Contraceptive Methods page

Compare Methods Compare Methods

သန္ဓေတားထိုးဆေး

Hormonal

ဒါဘာလဲ။

သန္ဓေတားထိုးဆေးဟာ အမျိုးသမီးခန္ဓာကိုယ်တွင် တွေ့ရသည့် ဟော်မုန်းများ၏ လူလုပ်ဗားရှင်းများပါဝင်သည့် အရည်ဖြစ်ပါတယ်။ ကိုယ်ဝန်ကာကွယ်ရန်အတွက် ၎င်းကို ခန္ဓာကိုယ်အတွင်းသို့ ထိုးသွင်းပါတယ်။

ထိရောက်မှု

၎င်းဟာ ၉၆-၉၇% ထိရောက်ပါတယ်။

အားသာချက်များ

၎င်းဟာ ရေတိုကာကွယ်ခြင်းအတွက် ကောင်းမွန်တဲ့ ရွေးချယ်စရာဖြစ်ပါတယ် – တစ်၊ နှစ် ဒါမှမဟုတ် သုံးလ (ရရှိနိုင်သည့် အမျိုးအစားအပေါ် မူတည်၍)။
၎င်းကို ဖွက်ရလွယ်ပါတယ်၊ မည်သူမှ သိမှာမဟုတ်ပါဘူး။
ပရိုဂျက်စတင်သီးသန့်ထိုးဆေးများဟာ အက်စတိုဂျင်ပါဝင်သောသန္ဓေတားနည်းလမ်းများမသုံးနိုင်သူများအတွက် ကောင်းပါတယ်။

အားနည်းချက်များ

သင်ဟာ တစ်၊ နှစ် ဒါမှမဟုတ် သုံးလတစ်ခါ ထိုးဆေးထိုးရမှာဖြစ်တာကြောင့် ၎င်းဟာ ပုံမှန်ထိန်းသိမ်းမှုလိုပါတယ်။
အဖြစ်အများဆုံးဘေးထွက်ဆိုးကျိုးများမှာ ဓမ္မတာများပိုပြီးပျော့လာခြင်း၊ ပိုတိုခြင်း ဒါမှမဟုတ် အဖြစ်နည်းခြင်း နဲ့ သွေးစိမ့်ခြင်း၊ မမျှော်လင့်သော သွေးဆင်းခြင်းတို့ဖြစ်နိုင်ပါတယ်။ ဘေးထွက်ဆိုးကျိုးများမှာ အန္တရာယ်မရှိပါဘူး။ ပရိုဂျက်စတင်သီးသန့်ထိုးဆေးများဟာ သုံးစွဲမှုရပ်တန့်ပြီးသော်လည်း ကိုယ်ဝန်ရနိုင်ချေ နှောင့်နှေးမှုဖြစ်နိုင်ပါတယ်။
အခြားဘေးထွက်ဆိုးကျိုးများထဲမှာ ခေါင်းကိုက်ခြင်းများ၊ ခေါင်းမူးခြင်း၊ လိင်ဆန္ဒပြောင်းလဲခြင်း၊ စိတ်ဓာတ်ကျခြင်း၊ စိတ်ခံစားမှုပြောင်းလဲခြင်းများ၊ ရင်သားပျော့ခြင်း နဲ့ ရင်ပြည့်ခြင်းတို့ ဖြစ်ပါတယ်။

သန္ဓေတားဆေး ထည့်သွင်းခြင်း။

Hormonal

သန္ဓေတားလက်မောင်းထည့်ပစ္စည်းဟာ ကိုယ်ဝန်ကာကွယ်ရန် လက်မောင်းအပေါ်ပိုင်းအတွင်းသို့ ထည့်သွင်းရတဲ့ သေးငယ်ပြီးပါးလွှာတဲ့ ပရိုဂျက်စတင်အချောင်းဖြစ်ပါတယ်။

၎င်းဟာ ၉၉.၉% ထိရောက်ပါတယ်။

၎င်းဟာ မမြင်သာသောကြောင့် လိုက်ရှာသူများမှ လွဲ၍ အခြားသူများထံမှ ဖွက်ရန်လွယ်ပါတယ်၊။
၎င်းကို သုံးရတာလွယ်ပါတယ်။ထည့်သွင်းပြီး မေ့ထားလိုက်ရုံပါပဲ။
၎င်းဟာ သုံးနှစ် ကနေ ငါးနှစ်အထိ ကြာရှည်ခံသော ကာကွယ်မှုပေးပါတယ်။”

အဖြစ်များဆုံးဘေးထွက်ဆိုးကျိုးကတော့ ပုံမှန်မဟုတ်သည့် သွေးဆင်းခြင်းဖြစ်ပါတယ် – သွေးနည်းနည်းဆင်းခြင်း ဒါမှမဟုတ် သွေးစိမ့်ခြင်း – သို့မဟုတ် သင့်လစဥ် ဓမ္မတာရပ်သွားတာမျိုးဖြစ်နိုင်ပါတယ်။
အခြားဖြစ်နိုင်သည့် ဘေးထွက်ဆိုးကျိုးများတွင် ခေါင်းကိုက်ခြင်းများ၊ အော့အန်လိုခြင်း၊ ရင်သားနူးညံ့လာခြင်း၊ အစာစားချင်စိတ်ပြောင်းလဲခြင်း နှင့် ဝက်ခြံ ဆိုးလာခြင်း သို့မဟုတ် ပိုကောင်းခြင်း ဖြစ်နိုင်ပါတယ်။

မွေးဖွားမှုထိန်းချုပ်ရေးကွင်း

Hormonal

မအင်္ဂါအကွင်းဟာ သန္ဓေတားနည်းလမ်းအဖြစ် မအင်္ဂါထဲသို့ ထည့်သွင်းရတဲ့ သေးငယ်ပြီးကွေးဆန့်နိုင်တဲ့ အကွေးဖြစ်ပါတယ်။

၎င်းဟာ ၉၃-၉၉% ထိရောက်ပါတယ်။

၎င်းဟာ ပုံမှန်ဖြစ်သော၊ နာကျင်မှုနည်းသော၊ အားပျော့သော ဓမ္မတာများဖြစ်စေနိုင်ပါတယ်။
အခြားဟော်မုန်းပါဝင်သော သန္ဓေတားနည်းလမ်းများနဲ့ နှိုင်းယှဥ်ရင် ၎င်းမှာ ဟော်မုန်းပမာဏပိုနည်းပါတယ်။
သုံးစွဲမှုရပ်လိုက်ပြီးတဲ့နောက်မှာ ၎င်းဟာ ကိုယ်ဝန်ဆောင်နိုင်တဲ့ စွမ်းရည်ကို မနှောင့်နှေးစေပါဘူး။

သင်ဟာ တစ်လတစ်ကြိမ်၊ အချိန်မှန် ၎င်းကို လဲလှယ်ရမှာဖြစ်တဲ့အတွက် ပုံမှန်အားထုတ်မှုလိုအပ်ပါတယ်။
၎င်းဟာ ရေရှည်ကာကွယ်ခြင်းကို မပေးစွမ်းပဲ ပုံမှန်အသုံးပြုမှာသာလျှင် ထိရောက်ပါတယ်။ ၎င်းကို သုံးပတ်ထည့်ရပြီး နောက်ဆုံးအပတ်မှာ မထည့်ရပါဘူး။
အဖြစ်အများဆုံးဘေးထွက်ဆိုးကျိုးကတော့ ပထမလအနည်းငယ်အတွင်း ပုံမှန်မဟုတ်သော သွေးဆင်းခြင်းဖြစ်ပြီး၊ နောက်ပိုင်းမှာတော့ ပိုအားပျော့သော၊ ပုံမှန်ပိုဖြစ်သော သွေးဆင်းခြင်းများဖြစ်နိုင်ပါတယ်။
အခြားဘေးထွက်ဆိုးကျိုးများမှာ ခေါင်းကိုက်ခြင်းများ၊ အော့အန်လိုခြင်း၊ ရင်ပြည့်ခြင်း၊ ရင်သားများနာခြင်း၊ ကိုယ်အလေးချိန်ပြောင်းလဲခြင်းများ နဲ့ မအင်္ဂါပိုးဝင်ခြင်းတို့ဖြစ်နိုင်ပါတယ်။

ကပ်ခွာပြား

Hormonal

အပြားဟာ ပရိုဂျက်စတင် နဲ့ အက်စတိုဂျင်ပါဝင်သော ပါးလွှာပြီး လေးထောင့်ဖြစ်တဲ့ ၅ စင်တီမီတာပတ်လည် ဆေးပလာစတာလိုမျိုး ပစ္စည်းဖြစ်ပါတယ်။ ကိုယ်ဝန်ကာကွယ်ရန်အတွက် ၎င်းကို ခန္ဓာကိုယ်မှာ ကပ်ရပါတယ်။

၎င်းဟာ ၉၃-၉၉% ထိရောက်ပါတယ်။

၎င်းဟာ ပိုမိုပုံမှန်ဖြစ်သော၊ ပျော့သော၊ နာကျင်မှုနည်းသော ဓမ္မတာများဖြစ်စေနိုင်ပါတယ်။
သင် အန်တာ ဒါမှမဟုတ် ဝမ်းလျှောတာဖြစ်ရင်တောင် ၎င်းဟာ ထိရောက်နေဦးမှာပါ။
သုံးစွဲမှုရပ်ပြီးနောက်မှာ ၎င်းဟာ ကိုယ်ဝန်ရနိုင်စွမ်းကို မနှောင့်နှေးစေပါဘူး။

၎င်းကို သင့်ခန္ဓာကိုယ်ပေါ်မှာမြင်နိုင်သောကြောင့် ဖွက်ရတာခက်ပါတယ်။
၎င်းဟာ အားထုတ်မှုအများအပြားလိုအပ်ပါတယ်။ ကပ်ခွာအပြားအသစ်တစ်ခုကို တစ်ပတ်တစ်ခု၊ သုံးပတ်အတွက် ကပ်ရပါတယ်၊ ပြီးသွားရင် နောက်ဆုံးအပတ်မှာတော့ မကပ်ရပါဘူး။
၎င်းဟာ ရေရှည်ကာကွယ်မှုမပေးပါဘူး၊ ပြီးတော့ လစဥ်ဓမ္မတာကာလအတွင်း မှန်ကန်စွာသုံးမှသာ ၎င်းဟာ ထိရောက်ပါတယ်။
အဖြစ်အများဆုံးဘေးထွက်ဆိုးကျိုးကတော့ ပထမလအနည်းငယ်အတွင်း ပုံမှန်မဟုတ်သော သွေးဆင်းခြင်းဖြစ်ပါတယ်၊ ပြီးရင် ပိုအားပျော့သော၊ ပုံမှန်ပိုဖြစ်သော သွေးဆင်းခြင်းများ ဖြစ်နိုင်ပါတယ်။
အခြားဘေးထွက်ဆိုးကျိုးများမှာ အသားအရေ ဓာတ်မတည့်ခြင်း၊ အော့အန်လိုခြင်း၊ ခေါင်းကိုက်ခြင်း၊ ရင်သားနူးညံ့ခြင်း နဲ့ မအင်္ဂါပိုးဝင်ခြင်းတို့ဖြစ်ပါတယ်။ ဘေးထွက်ဆိုးကျိုးများမှာ အန္တရာယ်မရှိပဲ လအနည်းငယ်အကြာမှာ ပျောက်သွားပါမယ်။

အရေးပေါ်သန္ဓေတား (မနက်ပြီးနောက်)သောက်ဆေးများ

Hormonal

စိတ်မချရပဲလိင်ဆက်ဆံပြီးနောက် ကိုယ်ဝန်ကိုတားဆီးပါ

၎င်းဟာ ၉၉% ထိရောက်ပါတယ်။

၎င်းဟာ ပုံမှန်ဟော်မုန်းမပါဝင်သော သန္ဓေတားနည်းလမ်းအသုံးမပြုနိုင်သည့် အမျိုးသမီးများအပါအဝင် အမျိုးသမီးတိုင်းအတွက် အန္တရာယ်ကင်းပါတယ်။
၎င်းကို ရယူရန် ဆရာဝန်ဆေးစာ ဒါမှမဟုတ် ဆေးဝါးဆိုင်ရာ တိုင်ပင်ဆွေးနွေးမှု မလိုအပ်ပါဘူး။
၎င်းဟာ သန္ဓေအောင်နိုင်မှုပြန်ဖြစ်ခြင်းကို မနှောင့်နှေးစေပါဘူး။

၎င်းကို ဖွက်ဖို့ မလွယ်ပါဘူး။ သင့်အိတ်ထဲတွင် ၎င်းကို တွေ့နိုင်ပါတယ်။
၎င်းဟာ ရေရှည် ကိုယ်ဝန်ကာကွယ်ခြင်းကို မပေးစွမ်းပါဘူး။ ၎င်းဟာ တစ်ကြိမ်တစ်ခါ ကာကွယ်ခြင်းကို ပေးပြီးတော့ အကာအကွယ်မဲ့ လိင်ဆက်ဆံမှုအပြီး ငါးရက်အတွင်း သောက်မှသာ ထိရောက်ပါတယ်။
၎င်းဟာ ခေါင်းမူးခြင်း၊ အော့အန်လိုခြင်း၊ အနည်းငယ်ပုံမှန်မဟုတ်သော မအင်္ဂါသွေးဆင်းခြင်း နဲ့ ပင်ပန်းမှုဖြစ်စေနိုင်ပါတယ်။ ဘေးထွက်ဆိုးကျိုးများဟာ အန္တရာယ်မရှိပါဘူး။
၎င်းကို ပုံမှန်သန္ဓေတားနည်းလမ်းအဖြစ် အသုံးပြုရန် အကြံမပေးပါဘူး။

Need to learn more things?

Read about other Contraceptive methods

See All Methods

Search my best contraceptive method.

သန္ဓေတားဆေး ထည့်သွင်းခြင်း။ FAQ's

Have some questions about သန္ဓေတားဆေး ထည့်သွင်းခြင်း။?

See All Methods

Search my best contraceptive method.

သန္ဓေတားဆေး ထည့်သွင်းခြင်း။ FAQ's

Have some questions about သန္ဓေတားဆေး ထည့်သွင်းခြင်း။?

Our Monthly Top Articles

See all articles