သန္ဓေတားလက််မောင်းထည့်ပစ္စည်း၏ အကျိုးကျေးဇူးများက ဘာလဲ?

ကျန်းမာရေး အကျိုးကျေးဇူးများ

၎င်းဟာ သားအိမ်ပြင်ပ ကိုယ်ဝန်ဆောင်ခြင်း အန္တရာယ်ကို လျှော့ချပေးပါတယ်။

၎င််းဟာ သံဓာတ်အားနည်းမှုကြောင့်ဖြစ်သည့် သွေးအားနည်းခြင်းကို ကူညီကာကွယ်ပေးနိုင်ပါတယ်။ ခန္ဓာကိုယ်က လက်မောင်းထည့်ပစ္စည်းကို အသားကျသွားတာနဲ့၊ အမျိုးသမီးများစွာက ပိုမိုနည်းပါးပြီး ပေါ့ပါးတဲ့ ဓမ္မတာများရှိကြောင်း တင်ပြကြပါတယ်။

၎င်းဟာ ဓမ္မတာမလာမှီဖြစ်တဲ့ရောဂါ (PMS) လက္ခဏာများ၊ စိတ်ဓာတ်ကျခြင်း နဲ့ သားအိမ်တစ်သျှူးနေရာလွဲခြင်း ရောဂါလက္ခဏာများကို သက်သာစေနိုင်ပါတယ်။

Estrogen ဟော်မုန်းမခံနိုင်သော အမျိုးသမီးများမှလည်း အသုံးပြုနိုင်ပါတယ်၊ ဥပမာအားဖြင့် နို့တိုက်နေသည့် အချိန်ကာလတွင်။

၎င်းဟာ ဆေးလိပ်သောက်သူများ၊ သွေးတိုး၊ ဆီးချိုရှိသူများအတွက် အန္တရာယ်ကင်းပါတယ်။

လူမှုဘဝအကျိုးကျေးဇူးများ

၎င်းဟာ ကိုယ်ဝန်ဆောင်ရခြင်းအန္တရာယ်မှ ရေရှည်ကာကွယ်မှုပေးပါတယ်။

လက်မောင်းထည့်ပစ္စည်းကို ထည့်သွင်းပြီးတာနဲ့ သင်ဘာမှ လုပ်စရာမလိုတော့ပါဘူး။ ပစ္စည်းဟာ သင့်လက်မောင်းအတွင်းမှာပဲ ရှိနေမှာဖြစ်ပြီး အသုံးပြုတဲ့ ပစ္စည်းအပေါ်မူတည်ကာ ကိုယ်ဝန်ဆောင်ခြင်းမှ သုံးနှစ်ကနေ ငါးနှစ်အထိ ကာကွယ်ပေးမှာဖြစ်ပါတယ် [7]။

ထည့်သွင်းပြီး မေ့ထားလိုက်ပါ

သင့်ရဲ့ သန္ဓေတားနည်းလမ်းအကြောင်း မှတ်မိဖို့ မစိုးရိမ်ချင်ဘူးဆိုရင်တော့၊ လက်မောင်းထည့်ပစ္စည်းက သင့်အတွက် ကောင်းမွန်တဲ့ ရွေးချယ်မှုဖြစ်နိုင်ပါတယ်။

၎င်းဟာ လျှို့ဝှက်တယ်။

လူအများစုဟာ သင့်မှာ လက်မောင်းထည့်ပစ္စည်းရှိမှန်းတောင် သိမှာမဟုတ်ပါဘူး။ လိင်မဆက်ဆံခင်လည်း လုပ်ဆောင်စရာဘာမှမလိုပါဘူး။

၎င်းဟာ လက်မလိုပါဘူး။

ဆေးဆိုင်တွေမှာ ဝယ်စရာ ဘူးခွံတို့၊ ဆေးညွှန်းတို့ ဘာမှမလိုပါဘူး – ပျောက်ဆုံးသွားနိုင်တဲ့ သို့မဟုတ် မေ့သွားနိုင်တဲ့ ဘာပစ္စည်းမှလည်း မရှိပါဘူး။

၎င််းဟာ ထိန်းသိမ်းရမှုနည်းတယ်။

ပစ္စည်းကို ထည့်သွင်းပြီးတာနဲ့ သင်ဘာမှလုပ်စရာမလိုပါဘူး။ ပစ္စည်းဟာ သင့်လက်မောင်းအတွင်းမှာပဲ ရှိနေမှာဖြစ်ပြီး အသုံးပြုတဲ့ ပစ္စည်းအပေါ်မူတည်ကာ ကိုယ်ဝန်ဆောင်ခြင်းမှ သုံးနှစ်ကနေ ငါးနှစ်အထိ ကာကွယ်ပေးမှာဖြစ်ပါတယ် [4]။

မျိုးပွားနိုင်ခြင်းအတွက် နှောင့်နှေးမှုလည်းမရှိပါဘူး။

လက််မောင်းထည့်ပစ္စည်းကိုထုတ်ယူပြီးတာနဲ့ သင်ဟာ ကိုယ်ဝန်ဆောင်နိုင်မှာဖြစ်ပါတယ်။ သင်ဟာ ထုတ်ယူလိုက်သော်လည်း ကိုယ်ဝန်မဆောင်ချင်ဘူးဆိုရင်တော့၊ သင့်ကိုယ်သင် အခြားနည်းလမ်းတခုနှင့် ချက်ချင်းကာကွယ်ပါ။

၎င်းကို ကျယ်ပြန့်စွာ ရရှိနိုင်တယ်။

သင့်ဟာ သန္ဓေတားလက်မောင်းထည့်ပစ္စည်းကို အသုံးပြုချင်ပါသလား? ၎င်းဟာ ကျယ်ပြန့်စွာရရှိနိုင်ပါတယ်၊ သို့သော်လည်း အချို့သော အမျိုးအစားများ နဲ့ အမှတ်တံဆိပ်များကတော့ တနိုင်ငံမှ တနိုင်ငံကွာခြားပါတယ်။

သန္ဓေတားလက်မောင်းထည့်ပစ္စည်းကောင်းကျိုးများနှင့်ဆိုးကျိုးများ (ဘေးထွက်ဆိုးကျိုးများ)

သန္ဓေတားမေးခွန်း

သင့်အတွက်အကောင်းဆုံးနည်းလမ်းကို ရွေးချယ်ရာမှာ အကူအညီလိုပါသလား? ကျွန်ုပ်တို့ရဲ့ သန္ဓေတားမေးခွန်းကို ဖြေလိုက်ပါ။

ရိုးရှင်းတဲ့ မေးခွန်းအချို့ကို ဖြေလိုက်ပါ၊ ပြီးရင် အဖြေများအပေါ် မူတည်ပြီးတော့ ကျွန်ုပ်တို့ဟာ သင့်အတွက် ထိရောက်နိုင်မဲ့ သန္ဓေတားနည်းလမ်းတွေကို အကြံပေးပါမယ်။

မေးခွန်းကိုဖြေပါ

Compare with similar Contraceptive Methods

Are you wondering if condoms are better than daily pills? Or if you should opt for a birth control implant? We're here to assist you in making this decision. You can select up to 5 contraceptive methods and compare them side by side to weigh the pros and cons of each.

Give a try to our Contraceptive Tool

In the example below, you'll find similar methods to the one you're currently reading about. Feel free to click on any that catch your interest or revisit our Contraceptive Methods page

Compare Methods Compare Methods

သန္ဓေတားထိုးဆေး

Hormonal

ဒါဘာလဲ။

သန္ဓေတားထိုးဆေးဟာ အမျိုးသမီးခန္ဓာကိုယ်တွင် တွေ့ရသည့် ဟော်မုန်းများ၏ လူလုပ်ဗားရှင်းများပါဝင်သည့် အရည်ဖြစ်ပါတယ်။ ကိုယ်ဝန်ကာကွယ်ရန်အတွက် ၎င်းကို ခန္ဓာကိုယ်အတွင်းသို့ ထိုးသွင်းပါတယ်။

ထိရောက်မှု

၎င်းဟာ ၉၆-၉၇% ထိရောက်ပါတယ်။

အားသာချက်များ

၎င်းဟာ ရေတိုကာကွယ်ခြင်းအတွက် ကောင်းမွန်တဲ့ ရွေးချယ်စရာဖြစ်ပါတယ် – တစ်၊ နှစ် ဒါမှမဟုတ် သုံးလ (ရရှိနိုင်သည့် အမျိုးအစားအပေါ် မူတည်၍)။
၎င်းကို ဖွက်ရလွယ်ပါတယ်၊ မည်သူမှ သိမှာမဟုတ်ပါဘူး။
ပရိုဂျက်စတင်သီးသန့်ထိုးဆေးများဟာ အက်စတိုဂျင်ပါဝင်သောသန္ဓေတားနည်းလမ်းများမသုံးနိုင်သူများအတွက် ကောင်းပါတယ်။

အားနည်းချက်များ

သင်ဟာ တစ်၊ နှစ် ဒါမှမဟုတ် သုံးလတစ်ခါ ထိုးဆေးထိုးရမှာဖြစ်တာကြောင့် ၎င်းဟာ ပုံမှန်ထိန်းသိမ်းမှုလိုပါတယ်။
အဖြစ်အများဆုံးဘေးထွက်ဆိုးကျိုးများမှာ ဓမ္မတာများပိုပြီးပျော့လာခြင်း၊ ပိုတိုခြင်း ဒါမှမဟုတ် အဖြစ်နည်းခြင်း နဲ့ သွေးစိမ့်ခြင်း၊ မမျှော်လင့်သော သွေးဆင်းခြင်းတို့ဖြစ်နိုင်ပါတယ်။ ဘေးထွက်ဆိုးကျိုးများမှာ အန္တရာယ်မရှိပါဘူး။ ပရိုဂျက်စတင်သီးသန့်ထိုးဆေးများဟာ သုံးစွဲမှုရပ်တန့်ပြီးသော်လည်း ကိုယ်ဝန်ရနိုင်ချေ နှောင့်နှေးမှုဖြစ်နိုင်ပါတယ်။
အခြားဘေးထွက်ဆိုးကျိုးများထဲမှာ ခေါင်းကိုက်ခြင်းများ၊ ခေါင်းမူးခြင်း၊ လိင်ဆန္ဒပြောင်းလဲခြင်း၊ စိတ်ဓာတ်ကျခြင်း၊ စိတ်ခံစားမှုပြောင်းလဲခြင်းများ၊ ရင်သားပျော့ခြင်း နဲ့ ရင်ပြည့်ခြင်းတို့ ဖြစ်ပါတယ်။

သန္ဓေတားဆေး ထည့်သွင်းခြင်း။

Hormonal

သန္ဓေတားလက်မောင်းထည့်ပစ္စည်းဟာ ကိုယ်ဝန်ကာကွယ်ရန် လက်မောင်းအပေါ်ပိုင်းအတွင်းသို့ ထည့်သွင်းရတဲ့ သေးငယ်ပြီးပါးလွှာတဲ့ ပရိုဂျက်စတင်အချောင်းဖြစ်ပါတယ်။

၎င်းဟာ ၉၉.၉% ထိရောက်ပါတယ်။

၎င်းဟာ မမြင်သာသောကြောင့် လိုက်ရှာသူများမှ လွဲ၍ အခြားသူများထံမှ ဖွက်ရန်လွယ်ပါတယ်၊။
၎င်းကို သုံးရတာလွယ်ပါတယ်။ထည့်သွင်းပြီး မေ့ထားလိုက်ရုံပါပဲ။
၎င်းဟာ သုံးနှစ် ကနေ ငါးနှစ်အထိ ကြာရှည်ခံသော ကာကွယ်မှုပေးပါတယ်။”

အဖြစ်များဆုံးဘေးထွက်ဆိုးကျိုးကတော့ ပုံမှန်မဟုတ်သည့် သွေးဆင်းခြင်းဖြစ်ပါတယ် – သွေးနည်းနည်းဆင်းခြင်း ဒါမှမဟုတ် သွေးစိမ့်ခြင်း – သို့မဟုတ် သင့်လစဥ် ဓမ္မတာရပ်သွားတာမျိုးဖြစ်နိုင်ပါတယ်။
အခြားဖြစ်နိုင်သည့် ဘေးထွက်ဆိုးကျိုးများတွင် ခေါင်းကိုက်ခြင်းများ၊ အော့အန်လိုခြင်း၊ ရင်သားနူးညံ့လာခြင်း၊ အစာစားချင်စိတ်ပြောင်းလဲခြင်း နှင့် ဝက်ခြံ ဆိုးလာခြင်း သို့မဟုတ် ပိုကောင်းခြင်း ဖြစ်နိုင်ပါတယ်။

မွေးဖွားမှုထိန်းချုပ်ရေးကွင်း

Hormonal

မအင်္ဂါအကွင်းဟာ သန္ဓေတားနည်းလမ်းအဖြစ် မအင်္ဂါထဲသို့ ထည့်သွင်းရတဲ့ သေးငယ်ပြီးကွေးဆန့်နိုင်တဲ့ အကွေးဖြစ်ပါတယ်။

၎င်းဟာ ၉၃-၉၉% ထိရောက်ပါတယ်။

၎င်းဟာ ပုံမှန်ဖြစ်သော၊ နာကျင်မှုနည်းသော၊ အားပျော့သော ဓမ္မတာများဖြစ်စေနိုင်ပါတယ်။
အခြားဟော်မုန်းပါဝင်သော သန္ဓေတားနည်းလမ်းများနဲ့ နှိုင်းယှဥ်ရင် ၎င်းမှာ ဟော်မုန်းပမာဏပိုနည်းပါတယ်။
သုံးစွဲမှုရပ်လိုက်ပြီးတဲ့နောက်မှာ ၎င်းဟာ ကိုယ်ဝန်ဆောင်နိုင်တဲ့ စွမ်းရည်ကို မနှောင့်နှေးစေပါဘူး။

သင်ဟာ တစ်လတစ်ကြိမ်၊ အချိန်မှန် ၎င်းကို လဲလှယ်ရမှာဖြစ်တဲ့အတွက် ပုံမှန်အားထုတ်မှုလိုအပ်ပါတယ်။
၎င်းဟာ ရေရှည်ကာကွယ်ခြင်းကို မပေးစွမ်းပဲ ပုံမှန်အသုံးပြုမှာသာလျှင် ထိရောက်ပါတယ်။ ၎င်းကို သုံးပတ်ထည့်ရပြီး နောက်ဆုံးအပတ်မှာ မထည့်ရပါဘူး။
အဖြစ်အများဆုံးဘေးထွက်ဆိုးကျိုးကတော့ ပထမလအနည်းငယ်အတွင်း ပုံမှန်မဟုတ်သော သွေးဆင်းခြင်းဖြစ်ပြီး၊ နောက်ပိုင်းမှာတော့ ပိုအားပျော့သော၊ ပုံမှန်ပိုဖြစ်သော သွေးဆင်းခြင်းများဖြစ်နိုင်ပါတယ်။
အခြားဘေးထွက်ဆိုးကျိုးများမှာ ခေါင်းကိုက်ခြင်းများ၊ အော့အန်လိုခြင်း၊ ရင်ပြည့်ခြင်း၊ ရင်သားများနာခြင်း၊ ကိုယ်အလေးချိန်ပြောင်းလဲခြင်းများ နဲ့ မအင်္ဂါပိုးဝင်ခြင်းတို့ဖြစ်နိုင်ပါတယ်။

ကပ်ခွာပြား

Hormonal

အပြားဟာ ပရိုဂျက်စတင် နဲ့ အက်စတိုဂျင်ပါဝင်သော ပါးလွှာပြီး လေးထောင့်ဖြစ်တဲ့ ၅ စင်တီမီတာပတ်လည် ဆေးပလာစတာလိုမျိုး ပစ္စည်းဖြစ်ပါတယ်။ ကိုယ်ဝန်ကာကွယ်ရန်အတွက် ၎င်းကို ခန္ဓာကိုယ်မှာ ကပ်ရပါတယ်။

၎င်းဟာ ၉၃-၉၉% ထိရောက်ပါတယ်။

၎င်းဟာ ပိုမိုပုံမှန်ဖြစ်သော၊ ပျော့သော၊ နာကျင်မှုနည်းသော ဓမ္မတာများဖြစ်စေနိုင်ပါတယ်။
သင် အန်တာ ဒါမှမဟုတ် ဝမ်းလျှောတာဖြစ်ရင်တောင် ၎င်းဟာ ထိရောက်နေဦးမှာပါ။
သုံးစွဲမှုရပ်ပြီးနောက်မှာ ၎င်းဟာ ကိုယ်ဝန်ရနိုင်စွမ်းကို မနှောင့်နှေးစေပါဘူး။

၎င်းကို သင့်ခန္ဓာကိုယ်ပေါ်မှာမြင်နိုင်သောကြောင့် ဖွက်ရတာခက်ပါတယ်။
၎င်းဟာ အားထုတ်မှုအများအပြားလိုအပ်ပါတယ်။ ကပ်ခွာအပြားအသစ်တစ်ခုကို တစ်ပတ်တစ်ခု၊ သုံးပတ်အတွက် ကပ်ရပါတယ်၊ ပြီးသွားရင် နောက်ဆုံးအပတ်မှာတော့ မကပ်ရပါဘူး။
၎င်းဟာ ရေရှည်ကာကွယ်မှုမပေးပါဘူး၊ ပြီးတော့ လစဥ်ဓမ္မတာကာလအတွင်း မှန်ကန်စွာသုံးမှသာ ၎င်းဟာ ထိရောက်ပါတယ်။
အဖြစ်အများဆုံးဘေးထွက်ဆိုးကျိုးကတော့ ပထမလအနည်းငယ်အတွင်း ပုံမှန်မဟုတ်သော သွေးဆင်းခြင်းဖြစ်ပါတယ်၊ ပြီးရင် ပိုအားပျော့သော၊ ပုံမှန်ပိုဖြစ်သော သွေးဆင်းခြင်းများ ဖြစ်နိုင်ပါတယ်။
အခြားဘေးထွက်ဆိုးကျိုးများမှာ အသားအရေ ဓာတ်မတည့်ခြင်း၊ အော့အန်လိုခြင်း၊ ခေါင်းကိုက်ခြင်း၊ ရင်သားနူးညံ့ခြင်း နဲ့ မအင်္ဂါပိုးဝင်ခြင်းတို့ဖြစ်ပါတယ်။ ဘေးထွက်ဆိုးကျိုးများမှာ အန္တရာယ်မရှိပဲ လအနည်းငယ်အကြာမှာ ပျောက်သွားပါမယ်။

အရေးပေါ်သန္ဓေတား (မနက်ပြီးနောက်)သောက်ဆေးများ

Hormonal

စိတ်မချရပဲလိင်ဆက်ဆံပြီးနောက် ကိုယ်ဝန်ကိုတားဆီးပါ

၎င်းဟာ ၉၉% ထိရောက်ပါတယ်။

၎င်းဟာ ပုံမှန်ဟော်မုန်းမပါဝင်သော သန္ဓေတားနည်းလမ်းအသုံးမပြုနိုင်သည့် အမျိုးသမီးများအပါအဝင် အမျိုးသမီးတိုင်းအတွက် အန္တရာယ်ကင်းပါတယ်။
၎င်းကို ရယူရန် ဆရာဝန်ဆေးစာ ဒါမှမဟုတ် ဆေးဝါးဆိုင်ရာ တိုင်ပင်ဆွေးနွေးမှု မလိုအပ်ပါဘူး။
၎င်းဟာ သန္ဓေအောင်နိုင်မှုပြန်ဖြစ်ခြင်းကို မနှောင့်နှေးစေပါဘူး။

၎င်းကို ဖွက်ဖို့ မလွယ်ပါဘူး။ သင့်အိတ်ထဲတွင် ၎င်းကို တွေ့နိုင်ပါတယ်။
၎င်းဟာ ရေရှည် ကိုယ်ဝန်ကာကွယ်ခြင်းကို မပေးစွမ်းပါဘူး။ ၎င်းဟာ တစ်ကြိမ်တစ်ခါ ကာကွယ်ခြင်းကို ပေးပြီးတော့ အကာအကွယ်မဲ့ လိင်ဆက်ဆံမှုအပြီး ငါးရက်အတွင်း သောက်မှသာ ထိရောက်ပါတယ်။
၎င်းဟာ ခေါင်းမူးခြင်း၊ အော့အန်လိုခြင်း၊ အနည်းငယ်ပုံမှန်မဟုတ်သော မအင်္ဂါသွေးဆင်းခြင်း နဲ့ ပင်ပန်းမှုဖြစ်စေနိုင်ပါတယ်။ ဘေးထွက်ဆိုးကျိုးများဟာ အန္တရာယ်မရှိပါဘူး။
၎င်းကို ပုံမှန်သန္ဓေတားနည်းလမ်းအဖြစ် အသုံးပြုရန် အကြံမပေးပါဘူး။

Need to learn more things?

Read about other Contraceptive methods

See All Methods

Search my best contraceptive method.

သန္ဓေတားဆေး ထည့်သွင်းခြင်း။ FAQ's

Have some questions about သန္ဓေတားဆေး ထည့်သွင်းခြင်း။?

See All Methods

Search my best contraceptive method.

သန္ဓေတားဆေး ထည့်သွင်းခြင်း။ FAQ's

Have some questions about သန္ဓေတားဆေး ထည့်သွင်းခြင်း။?

Our Monthly Top Articles

See all articles