តើអ្វីជាគុណវិបត្តិនៃវិធីសាស្រ្ត LAM?

– វាអាស្រ័យទៅលើភាពជិតស្និទ្ធក្នុងការបំបៅដោះកូនរវាងអ្នក និងកូនរបស់អ្នក។ ការបំបៅដោះកូនដោយរលូន មិនមែនមានពីធម្មជាតិមកស្រាប់សម្រាប់មនុស្សគ្រប់គ្នានោះទេ។ការមិនអាចបំបៅដោះកូនឲ្យបានទៀងទាត់តាមការណែនាំនឹងធ្វើឲ្យវិធីសាស្ត្រ LAM មិនសូវមានប្រសិទ្ធភាព។
– LAM មានប្រសិទ្ធភាពបានតែរយៈពេលប្រាំមួយខែប៉ុណ្ណោះ។ នៅពេលដែលរដូវរបស់អ្នកមកវិញ ឬបន្ទាប់ពីរយៈពេលប្រាំមួយខែនៃការប្រើប្រាស់ វិធីសាស្រ្ត LAM អ្នកត្រូវប្តូរទៅប្រើវិធីសាស្រ្តពន្យារកំណើតមួយផ្សេងទៀត។
– អត្រាបរាជ័យគឺខ្ពស់ ប្រសិនបើអ្នកមិនបានប្រើប្រាស់វិធីនេះឲ្យបានត្រឹមត្រូវតាមការណែនាំ។
– វាមិនផ្តល់ការការពារពីការឆ្លងជម្ងឺកាមរោគបាននោះទេ (STIs) ដែលមានរួមទាំងមេរោគអេដស៍ផងដែរ។

តើ LAM មានផលប៉ះពាល់ដែរឬទេ?

មិនមានផលប៉ះពាល់ណាដែលទាក់ទងនឹងការប្រើវិធីសាស្រ្ត LAM នោះទេតាមដែលគេដឹងនោះទេ។