ស្រោមអនាម័យខាងក្នុងមិនមានផលប៉ះពាល់ធ្ងន់ធ្ងរដល់រាងកាយទេ។ ទោះជាយ៉ាងណាក៏ដោយ វាអាចបណ្តាលឲ្យអ្នក ឬដៃគូររបស់អ្នកមានការរមាស់បន្តិចបន្តួច។
គុណវិបត្តិនៃស្រោមអនាម័យខាងក្នុង
– វាទាមទារការប្រើប្រាស់ឲ្យបានត្រឹមត្រូវ។ ពិតណាស់ដែលវាមានប្រសិទ្ធភាពដល់ទៅ ៩៥% នៅពេលប្រើប្រាស់បានត្រឹមត្រូវ តែមនុស្សភាគច្រើនមិនប្រើស្រោមអនាម័យខាងក្នុងយ៉ាងល្អឥតខ្ចោះទេ (ជាមួយរាល់សកម្មភាពផ្លូវភេទទាំងអស់)។ ក្នុងករណីនោះ មានតែ ៧៩ នាក់ប៉ុណ្ណោះក្នុងចំណោម ១០០ នាក់ដែលប្រើស្រោមអនាម័យខាងក្នុងអាចបង្ការការមានផ្ទៃពោះបាន។
– វាអាចរបូត ខូចខាត ឬត្រឡប់ក្រោយ (invaginate)។ ប្រសិនបើមានរឿងទាំងនេះកើតឡើង សូមពិចារណាប្រើវិធីពន្យារកំណើតបន្ទាន់ឲ្យបានឆាប់តាមដែលអាចធ្វើទៅបាន ដើម្បីការពារការមានផ្ទៃពោះ។ ប្រសិនបើអ្នកសង្ស័យថាសុខភាពផ្លូវភេទរបស់អ្នកមានកំពុងនៅក្នុងស្ថានភាពមិនល្អ ឬ ប្រឈមនឹងហានិភ័យ សូមធ្វើតេស្តជម្ងឺកាមរោគ និង/ឬ លេបថ្នាំបង្ការជម្ងឺអេដស៍បន្ទាប់ពីប្រឈមហើយ (PEP) យោងតាមការណែនាំអំពីការរួមភេទដោយសុវត្ថិភាព។
– ពួកវាអាចនឹងពិបាករក និងថ្លៃជាងស្រោមអនាម័យខាងក្រៅ។
– ស្រោមអនាម័យខាងក្នុងត្រូវការការខិតខំប្រឹងប្រែង និងការប្តេជ្ញាចិត្ត។ ដើម្បីឲ្យពួកវាមានប្រសិទ្ធភាព អ្នកត្រូវតែធានាថាអ្នកប្រើវាឲ្យបានត្រឹមត្រូវគ្រប់ពេលវេលា។ វាក៏ត្រូវការហាត់សមប្រើប្រាស់ ដើម្បីឲ្យប្រើប្រាស់បានត្រឹមត្រូវ។
– មនុស្សមួយចំនួនអាចមានប្រតិកម្មចំពោះទឹករំអិលម៉ាកមួយចំនួននៃ(ប្រសិនបើដូច្នេះ សូមសាកល្បងម៉ាកស្រោមអនាម័យផ្សេងទៀត ឬថ្នាំពន្យារកំណើត)។
– ពួកវាអាចកាត់បន្ថយភាពស្រើបស្រាលនៅពេលអ្នករួមភេទ។
– ស្រោមអនាម័យខាងក្នុងខ្លះអាចមានការកកិតខ្លះកំឡុងពេលរួមភេទ (ប៉ុន្តែប្រភេទ នីទ្រីល nitrile អាចនឹងមិនបង្កឲ្យមានការកកិតបែបនេះទេ) (5) ។
– វាជារឿងពិបាកក្នុងការចងចាំក្នុងការប្រើវា ប្រសិនបើអ្នកបានផឹកស្រា។
