វិធីក្នុងការប្រើប្រាស់ស្រោមអនាម័យខាងក្នុង

ស្រោម​អនាម័យខាងក្នុង​អាច​បញ្ចូល​បាន​ដល់​ទៅរយៈពេល ៨ ម៉ោង​មុន​ពេល​រួម​ភេទ។ ពេលវេលានេះផ្តល់ឲ្យអ្នកនូវការគ្រប់គ្រងលើសុវត្ថិភាពផ្លូវភេទរបស់អ្នក និងអនុញ្ញាតឲ្យអ្នកមិនព្រួយបារម្ភជាមួយនឹងការរួមភេទដែលអាចបណ្តាលឲ្យមានផ្ទៃពោះបាន។

ជំហានដំបូងគឺត្រូវពិនិត្យមើលកញ្ចប់ស្រោមអនាម័យសម្រាប់កាលបរិច្ឆេទផុតកំណត់ និងការរហែក ឬប្រហោងណាមួយ។ ស្រោមអនាម័យផុតកំណត់ ឬរហែក បង្កើនហានិភ័យនៃការមានផ្ទៃពោះ និងឆ្លងជម្ងឺកាមរោគ។

របៀបក្នុងការពាក់ស្រោមអនាម័យខាងក្នុង

– លាងដៃជាមួយសាប៊ូ និងទឹក។ ទុកឲ្យពួកគេស្ងួតដោយមិនប៉ះអ្វីទាំងអស់។
– យកស្រោមអនាម័យចេញពីកញ្ចប់របស់វាដោយប្រុងប្រយ័ត្ន។
– ដាក់ទឹករំអិល និងថ្នាំសម្លាប់មេជីវិតឈ្មោល (បើអ្នកចង់) លើផ្នែកខាងក្រៅនៅខាងចុងមុខបិទជិតនៃស្រោមអនាម័យ។ ទឹករំអិលនឹងជួយការពារស្រោមអនាម័យមិនឲ្យរហែក ហើយថ្នាំសម្លាប់មេជីវិតឈ្មោលជួយពង្រឹងប្រសិទ្ធភាពនៃវិធីសាស្ត្រពន្យារកំណើតនេះ (ជាពិសេសក្នុងករណីដែលស្រោមអនាម័យរហែក ឬរបូតចេញ)។
– ដោយអង្គុយ ឬឈរ ចូរកន្ធែកជើងរបស់អ្នក។ ច្របាច់សាងខាងនៃ​​កង​នៅចុងស្រោមអនាម័យដែល​បិទ​ជិត​ចូល​គ្នា ហើយ​ដាក់វាចូលទ្វារមាសដូចជាតមប៉ុងដែរ ។
– រុញកងនោះចូលឲ្យជ្រៅទៅក្នុងទ្វារមាសរបស់អ្នកតាមដែលអាចធ្វើបាន។ រុញវាឲ្យទៅដល់មាត់ស្បូនរបស់អ្នក។ ស្រោមអនាម័យនឹងរីកទំហំដោយខ្លួនវា ហើយអ្នកទំនងជាមិនមានអារម្មណ៍ថាវានៅក្នុងទ្វារមាសទេ។
– ត្រូវប្រាកដថាស្រោមអនាម័យមិនរមួលចូលគ្នា។ ទុកឲ្យកងខាងក្រៅ នៅក្រៅទ្វារមាសប្រហែលមួយអ៊ីញ (វាអាចមានរូបរាងចម្លែកបន្តិច)។
– ដាក់លិង្គរបស់ដៃគូអ្នកទៅផ្នែកចំហនៃស្រោមអនាម័យ។ ប្រសិនបើអ្នកមានអារម្មណ៍ថាលិង្គ ចូលទៅចន្លោះស្រោមអនាម័យ និងជញ្ជាំងទ្វារមាស ឬប្រសិនបើកងខាងក្រៅត្រូវបានរុញចូលទៅក្នុងទ្វារមាស ចូរបញ្ឈប់ការរួមភេទ ហើយកែតម្រូវ ឬប្រើស្រោមអនាម័យថ្មី។
– កុំបារម្ភប្រសិនបើស្រោមអនាម័យផ្លាស់ទីទៅម្ខាងទៀត ខណៈពេលដែលអ្នកកំពុងរួមភេទ។ ប្រសិនបើលិង្គរអិលចេញពីស្រោម ហើយចូលទៅក្នុងទ្វារមាស ឬរន្ធគូថរបស់អ្នក ចូរដកស្រោមអនាម័យចេញថ្នមៗ ហើយដាក់បញ្ចូលវាម្តងទៀត។ ប្រសិនបើដៃគូរបស់អ្នកបញ្ចេញទឹកកាមដោយចៃដន្យនៅខាងក្រៅស្រោម និងចូលទៅក្នុងទ្វារមាសរបស់អ្នក អ្នកប្រហែលជាចង់ពិចារណារកវិធីសាស្រ្តពន្យារកំណើតបន្ទាន់ ដើម្បីជៀសវាងហានិភ័យនៃការមានផ្ទៃពោះ។
– ប្រសិនបើអ្នកកំពុងប្រើស្រោមអនាម័យខាងក្នុងសម្រាប់ការរួមភេទតាមរន្ធគូថ សូមអនុវត្តតាមដំណើរការដែលបានរៀបរាប់ដូចគ្នា។
– កុំប្រើស្រោមអនាម័យខាងក្នុង ជាមួយស្រោមអនាម័យខាងក្រៅ។ ការ​ប្រើ​ស្រោមអនាម័យ​ទាំងពីរ​រួមគ្នា​មិន​អាច​ការពារ​ពីរដងលើសពីធម្មតា​នោះទេ វា​គ្រាន់តែ​ធ្វើឲ្យស្រោមឆាប់រហែកតែប៉ុណ្ណោះ​។
-ត្រូវចាំថា ប្រសិនបើនេះជាវិធីសាស្ត្រដែលអ្នកចូលចិត្ត អ្នកត្រូវតែប្រើស្រោមអនាម័យថ្មីមួយរាល់ពេលដែលមានសកម្មភាពរួមភេទមួយ (2)។

វិធីក្នុងការដោះស្រោមអនាម័យខាងក្នុង

– ច្របាច់កងខាងក្រៅ ហើយមួលវាឲ្យជិត ដើម្បីកុំឲ្យទឹកកាមហូរចេញមកក្រៅ។
– ទាញស្រោមអនាម័យចេញដោយថ្នមៗ។
– បោះវាឲ្យឆ្ងាយ កុំឲ្យកុមារប៉ះពាល់វាបាន។ កុំ​បោះ​វា​ចោល​ក្នុង​បង្គន់ ព្រោះវា​អាចធ្វើឲ្យ​​ស្ទះ​ទុយោរទឹកក្នុងផ្ទះ​របស់​អ្នក​។