តើអ្វីជាផលប៉ះពាល់នៃសន្ទះពាំងមាត់ស្បូន?
– ប្រតិកម្មទៅនឹងស៊ីលីកូន ឬថ្នាំសម្លាប់មេជីវិតឈ្មោល។ ការរលាកនេះបង្កើនហានិភ័យនៃការឆ្លងមេរោគតាមទ្វារមាស។ ប្រសិនបើអ្នកមានប្រតិកម្មជាមួយស៊ីលីកូន ឬថ្នាំសំលាប់មេជីវិតឈ្មោល អ្នកមិនគួរប្រើសន្ទះពាំងមាត់ស្បូន ទេ។
– ទោះបីជាមិនងាយកើតឡើងក៏ដោយតែ អ្នកអាចនឹងឆ្លងជម្ងឺរលាកទ្វារមាសដោយបាក់តេរី ឬ ផ្សិត candidiasis បាន។
– ស្ត្រីខ្លះអាចកើតជម្ងឺរលាកផ្លូវនោមជាញឹកញាប់។
– ក្នុងករណីកម្រខ្លះ អ្នកអាចនឹងកើតមានជម្ងឺ toxic shock syndrome។
តើអ្វីជាគុណវិបត្តិនៃសន្ទះពាំងមាត់ស្បូន?
– អ្នកត្រូវការវេជ្ជបញ្ជា និងការបំពាក់សន្ទះពាំងមាត់ស្បូនដោយអ្នកផ្តល់សេវាថែទាំសុខភាព មុនពេលអ្នកអាចប្រើវាបាន។
– វាអាចតម្រូវឲ្យមានការចំណាយកម្លាំងខ្លះក្នុងការប្រើប្រាស់។ ស្ត្រីខ្លះពិបាកក្នុងការដាក់បញ្ចូលសន្ទះពាំងមាត់ស្បូន ហើយអ្នកត្រូវដាក់វារាល់ពេលដែលអ្នករួមភេទទៀត។
– អ្នកត្រូវមានភាពស្រណុកស្រួលជាមួយនឹងរាងកាយរបស់អ្នក។ វាគឺដូចជាការដាក់បញ្ចូលតមប៉ុង tamponដែរ ដូច្នេះប្រសិនបើអ្នកអាចដាក់តមប៉ុងចូលបាន អ្នកប្រហែលជាអាចប្រើសន្ទះពាំងមាត់ស្បូនបានដូចគ្នា។ប្រសិនបើអ្នកមិនអាចលូកចូលទ្វារមាសខ្លួនឯងបាន សន្ទះពាំងមាត់ស្បូនមិនមែនជាជម្រើសដ៏ល្អបំផុតសម្រាប់អ្នកនោះទេ។
– ការប្រើប្រាស់វិធីសាស្រ្តពន្យារកំណើតនេះនឹងត្រូវការវិន័យផ្ទាល់ខ្លួនច្រើន និងការរៀបចំផែនការ។ អ្នកត្រូវចាំថាត្រូវដាក់បញ្ចូលសន្ទះពាំងមាត់ស្បូនមុនពេលរួមភេទ។ ហើយអ្នកត្រូវចងចាំវារហូតនៅពេលរួមភេទ។
– វាអាចរុញចេញពីទីតាំងរបស់វាដោយលិង្គដែលមានទំំហំធំ មានការរុញចូលខ្លាំង ឬការរួមភេទនៅក្នុងក្បាច់រួមភេទមួយចំនួន។
– វាមិនការពារពីការឆ្លងជម្ងឺកាមរោគទេ។
– វាអាចពិបាកក្នុងការចងចាំក្នុងការប្រើប្រាស់វានៅពេលអ្នកស្រវឹង។
តើនៅក្នុងលក្ខខណ្ឌណាខ្លះដែលធ្វើឲ្យអ្នកមិនអាចប្រើប្រាស់សន្ទះពាំងមាត់ស្បូនបាន?
ដ្យាក្រាមអាចមិនសមរម្យសម្រាប់ស្ត្រីដែល
– កំពុងស្វែងរកការប្រើប្រាស់ថ្នាំពន្យារកំណើតដែលមានប្រសិទ្ធភាពខ្ពស់ក្នុងការការពារការមានផ្ទៃពោះ។
– បានសម្រាលកូនតិចជាងប្រាំមួយសប្តាហ៍មុន;
– មានប្រវត្តិធ្លាប់មានជម្ងឺ Toxic shock syndrome
– មានលក្ខខណ្ឌរាងកាយ ឬ វេជ្ជសាស្រ្តណាមួយដែលប៉ះពាល់ដល់ការបំពាក់សន្ទះពាំងមាត់ស្បូនលើមាត់ស្បូនបានត្រឹមត្រូវ ឬមានការធ្លាក់ស្បូន (8) ។
