កុំទុកសន្ទះពាំងមាត់ស្បូនរបស់អ្នកចោលក្នុងទ្វារមាសឲ្យលើសពី ២៤ ម៉ោង។ ដើម្បីដកវាចេញ អ្នកត្រូវ
– លាងដៃរបស់អ្នកម្តងទៀតដោយប្រើសាប៊ូ និងទឹក។ ទុកឲ្យដៃរបស់អ្នកស្ងួតដោយមិនប៉ះអ្វីទាំងអស់។
– ដាក់ម្រាមដៃចង្អុលរបស់អ្នកនៅខាងក្នុងទ្វារមាសរបស់អ្នក ហើយទ្ពក់វាជាមួយនឹងគែមនៃសន្ទះពាំងមាត់ស្បូន។
– ទាញសន្ទះចុះក្រោម និងចេញក្រៅ។
– បន្ទាប់ពីអ្នកយកវាចេញហើយ សូមលាងសម្អាតដោយប្រើសាប៊ូស្រាល និងទឹកក្តៅឧណ្ណៗ។
– ទុកឲ្យវាស្ងួត។ ទុកវានៅកន្លែងត្រជាក់ល្មម ហើយស្ងួតដាក់ឲ្យឆ្ងាយពីពន្លឺព្រះអាទិត្យ។
– កុំប្រើម្សៅ ឬទឹករំអិលដែលមានមូលដ្ឋានជាប្រេង (ដូចជា Vaseline, ឡេលាបស្បែក ឬ គ្រីមលាបមុខ) នៅលើ សន្ទះពាំងមាត់ស្បូនរបស់អ្នក ព្រោះវាអាចនឹងនាំឲ្យខូច (5)។
តើសន្ទះពាំងមាត់ស្បូនមួយអាចប្រើប្រាស់បានយូរប៉ុណ្ណា?
ជាមួយនឹងការប្រើប្រាស់ និងការថែទាំត្រឹមត្រូវ សន្ទះពន្យារកំណើតនេះ អាចប្រើប្រាស់ពីមួយទៅពីរឆ្នាំ។
តែងតែពិនិត្យរកមើលរន្ធប្រហោងនៅក្នុងសន្ទះពាំងមាត់ស្បូន របស់អ្នកមុនពេលប្រើប្រាស់ និងក្រោយពេលប្រើប្រាស់។ ប្រសិនបើវាមានរន្ធប្រហោងកន្លែងណាមួយ សូមទាក់ទងអ្នកផ្តល់សេវាថែទាំសុខភាពរបស់អ្នកសម្រាប់ធ្វើការដូរថ្មី។
