អត្ថប្រយោជន៍៍សុខភាព
ប្រសិនបើប្រើប្រាស់បានត្រឹមត្រូវ នោះវាអាចមានប្រសិទ្ធភាពប្រមាណជា ៩៣% ទៅ ៩៩% ដើម្បីបង្ការនឹងការមានផ្ទៃពោះ [7]។
វាអាចកាន់បន្ថយការឈឺចាប់នៅពេលបញ្ចេញអូវ៊ុល ការរមួលចុកនៅពេលមុនមករដូវ និង ចង្កោមរោគសញ្ញាមុនពេលមករដូវ (PMS)។
វាអាចធ្វើឲ្យការមករដូវរបស់អ្នកមានភាពទៀងទាត់ជាងមុន លែងសូវមានការឈឺចាប់ និងធ្លាក់ឈាមរដូវតិចជាងមុន។
វាអាចកាត់បន្ថយអត្រានៃការវិវត្តន៍ជម្ងឺមហារីកភ្នាសស្បូន (ស្បូន) និង មហារីកសុដាន់ប្រមាណជា ៥០%។
វាអាចកាត់បន្ថយអាការៈរំខាននៃជម្ងឺភ្នាសរដូវលូតលាស់នៅខុសកន្លែង។
វាអាចកាត់បន្ថយអត្រានៃការបង្កការឆ្លងមេរោគទៅកាន់សរីរាង្គអាងត្រគៀក ដោយសារតែទឹករំអិលដ៏ខាប់ដែលបញ្ចេញដោយមាត់ស្បូននឹងរារាំងមិនឲ្យមេរោគចូលទៅកាន់ស្បូន។
វាអាចការពារពីការកើតគីសនៅដៃស្បូន។
វាអាចកាត់បន្ថយអាការៈរំខាននៃជម្ងឺគីសលូតលាស់ច្រើននៅអូវ៊ែរ ឬ polycystic ovarian syndrome ដែលមានដូចជា ការមករដូវមិនទៀងទាត់ ការឡើងមុន ការដុះរោមច្រើនខុសប្រក្រតី នៅលើមុខឬ រាងកាយ)។
វាអាចផ្តល់ការការពារប្រឆាំងនឹងដុំសាច់ស្លូតនៅសុដន់។
វាអាចការពារអ្នកពីជម្ងឺស្លេកស្លាំងដោយសារកង្វះជាតិដែក។
ប្រភេទថ្នាំគ្រាប់ពន្យារកំណើតខ្លះមានគុណសម្បត្តិជួយលើកសម្រស់។ វាអាចជួយមុននៅលើមុខ និង កាត់បន្ថយការដុះរោមច្រើននៅលើមុខ និងរាងកាយ។
អត្ថប្រយោជន៍របៀបរស់នៅ
ថ្នាំគ្រាប់ងាយនឹងប្រើប្រាស់ គឺគ្រាន់តែលេបថ្នាំជាមួយទឹកតែប៉ុណ្ណោះ។
វាអាចរកបានដោយងាយនៅតាមឱសថស្ថាននិង មន្ទីរពេទ្យដោយមិនចាំបាច់ត្រូវការវជ្ជបញ្ជារពីវេជ្ជបណ្ឌិតនោះឡើយ។
វាអាចឲ្យអ្នកគ្រប់គ្រងពេលណាដែលអ្នកចង់មានរដូវបាន។ ថ្នាំគ្រាប់ពន្យារកំណើតមានអត្ថប្រយោជន៍សម្រាប់ពេលដែលអ្នកចង់ឲ្យមករដូវទៀងទាត់ តាមខែដែលអ្នកអាចជ្រើសរើសបាន។ ប្រសិនបើអ្នកចង់មករដូវរាល់ខែ ឬ យូរៗម្តងដោយមិនមានការធ្លាក់ឈាមបន្តាកប្រឡាក់ខោក្នុងនោះទេ ថ្នាំគ្រាប់អាចជាជម្រើសដ៏ល្អសម្រាប់អ្នក។
អ្នកក៏អាចអត់មករដូវសោះតែម្តងក៏បានដែរ។ ថ្នាំគ្រាប់ពន្យារកំណើតមួយចំនួនអាចឱ្យអ្នកអត់មករដូវតែម្តង (ឲ្យតែអ្នកអត់លេបថ្នាំគ្មានអរម៉ូនឬថ្នាំរំលឹក) ដែលមានសុវត្ថិភាព ១០០% ។
អ្នកមិនចាំបាច់បង្អាកសកម្មភាពរួមភេទដើម្បីប្រើប្រាស់វានោះទេ។
ការប្រើប្រាស់ថ្នាំគ្រាប់ពន្យារកំណើតគឺនៅក្រោមការគ្រប់គ្រងរបស់ស្រ្តីតែម្នាក់គត់។
អ្នកអាចបញ្ឈប់វាពេលណាក៏បានដោយខ្លួនឯង ដោយមិនចាំបាច់ឲ្យអ្នកផ្តល់សេវាបញ្ឈប់ឲ្យ។
វាមិនពន្យារការមានផ្ទៃពោះបន្ទាប់ពីការឈប់ប្រើនោះទេ។ អ្នកអាចមានលទ្ធភាពមានផ្ទៃពោះបានប៉ុន្មានថ្ងៃតិចតួចបន្ទាប់ពីអ្នកឈប់លេបថ្នាំ។ ប្រសិនបើអ្នកឈប់លេបថ្នាំតែអ្នកមិនចង់មានផ្ទៃពោះនោះទេ អ្នកអាចប្រើប្រាស់មធ្យោបាយពន្យារកំណើតផ្សេងដើម្បីជំនួសសិន។
