អត្ថប្រយោជន៍សុខភាព [5]
វាមានប្រសិទ្ធភាពខ្ពស់ក្នុងការការពារការមានផ្ទៃពោះ។ ប្រសិនបើអ្នកប្រើប្រាស់វាតាមធម្មតា ឬវិធីដែលមនុស្សភាគច្រើនប្រើវានោះ បន្ទះពន្យារកំណើតអាចបង្ការការមានផ្ទៃពោះក្នុងស្រ្តី ៩៣ នាក់ក្នុងចំណោម ១០០ នាក់ដែលប្រើវា។ ការប្រើប្រាស់ល្អឥតខ្ចោះនឹងការពារស្ត្រី ៩៩ នាក់ក្នុងចំណោម ១០០ នាក់ពីការមានផ្ទៃពោះ។
វាជួយគ្រប់គ្រងបញ្ហាមួយចំនួនទាក់ទងនឹងការមករដូវ។ ជាឧទាហរណ៍ វាអាចកាត់បន្ថយការមករដូវ និងកាត់បន្ថយការចុករមួល និងរោគសញ្ញាមុនពេលមករដូវ (pre-menstrual syndrome)។
វាអាចជួយគ្រប់គ្រងវដ្តរដូវរបស់អ្នកឲ្យបានល្អជាងមុន – វាអាចធ្វើឲ្យរដូវរបស់អ្នកកាន់តែទៀងទាត់ ស្រាលជាងមុន និងមិនសូវឈឺចាប់។
វាអាចជួយកាត់បន្ថយរោគសញ្ញានៃជម្ងឺដុះលូតលាស់ស្រទាប់រដូវខុសកន្លែង( endometriosis) ។
វាផ្តល់ការការពារប្រឆាំងនឹងជម្ងឺមហារីកស្បូន និងស្បូន។
វាកាត់បន្ថយហានិភ័យនៃជម្ងឺស្លេកស្លាំងដោយសារកង្វះជាតិដែក។
“វាកាត់បន្ថយហានិភ័យនៃដុំគីសនៅអូវែ (ovarian cysts) រោគសញ្ញាសុដន់ fibrocystic (fibrocystic breast syndrome) និង
fibroadenomas នៃសុដន់ (Fibroadenoma of the breast)។”
វាអាចបំបាត់មុនបាន។
វានៅតែមានប្រសិទ្ធភាព ទោះបីជាអ្នកក្អួត ឬរាគក៏ដោយ។
អត្ថប្រយោជន៍របៀបរស់នៅ
វាមិនទៀមទារការចំណាយកម្លាំងឬពេលវេលាច្រើនទៅលើវានោះទេ។ វាគឺជាជម្រើសដ៏ល្អសម្រាប់ស្ត្រីដែលចង់បានវិធីសាស្រ្តពន្យារកំណើតដែលស្រដៀងនឹងថ្នាំពន្យារកំណើតផ្សំដែរ ប៉ុន្តែមិនចាប់បាច់រញ៉េររញៃច្រើនត្រូវលេបថ្នាំប្រចាំថ្ងៃ នោះទេ[6] ។
វាងាយស្រួលក្នុងការប្រើប្រាស់ វាប្រៀបដូចជាការបិតបន្ទះស្អិតមួយ (ហើយអ្នកគ្រាន់តែត្រូវផ្លាស់ប្តូរវារៀងរាល់សប្តាហ៍តែប៉ុណ្ណោះ)។
វាមិនរំខានការរួមភេទទេ។
វាអាចឲ្យយើងប៉ាន់ស្មានវដ្តរដូវយើងបាន។ ប្រសិនបើអ្នកចង់មករដូវជារៀងរាល់ខែដោយមិនមានការធ្លាក់ឈាមបន្តាកនោះទេ ការប្រើពួកបន្ទះពន្យារកំណើតអាចជាជម្រើសដ៏ល្អសម្រាប់អ្នក។
វាមិនពន្យារការវិលត្រឡប់ទៅរកការមានកូន នៅពេលអ្នកឈប់ប្រើប្រាស់វានោះទេ។ អ្នកនឹងអាចមានផ្ទៃពោះភ្លាមៗបន្ទាប់ពីឈប់ប្រើប្រាស់បន្ទះនេះ។ ប្រសិនបើអ្នកឈប់ប្រើបន្ទះ ហើយមិនទាន់ចង់មានផ្ទៃពោះ សូមប្តូរទៅវិធីពន្យារកំណើតផ្សេងទៀតវិញ។
