បន្ទះបិតស្បែកពន្យារកំណើត

បន្ទះបិតស្បែកពន្យារកំណើត
បន្ទះបិតស្បែកពន្យារកំណើត

តើអ្វីទៅជាបន្ទះបិតស្បែកពន្យារកំណើត?

បន្ទះបិតស្បែកពន្យារកំណើត គឺជាវត្ថុប្លាស្ទិកតូច ស្តើង និងមានរាងជាការ៉េដែលអាចបត់បែនបាន ដែលត្រូវបានបិតទៅនឹងខ្លួនដើម្បីការពារការមានគភ៌។ វាត្រូវបានគេស្គាល់ផងដែរថាជា Ortho Evra ឬ Evra បន្ទះបិតស្បែកពន្យារកំណើតមើលទៅដូចជាបន្ទះបង់បិតដំបៅរាងការ៉េដែលមានទទឹងតិចជាង ៥ សង់ទីម៉ែត្រ។

តើបន្ទះបិតស្បែកពន្យារកំណើតមានដំណើរការដូចម្តេចក្នុងការបង្ការការមានគភ៌?

អ្នកបិទបន្ទះនេះនៅលើស្បែករបស់អ្នក ហើយវានឹងបញ្ចេញប្រូជេស្ទីនសំយោគ​ (synthetic progestin) និងអរម៉ូនអ៊ឹស្ត្រូសែន (estrogen) ចូលទៅក្នុងចរន្តឈាមតាមរយៈស្បែក។ អរម៉ូនទាំងនេះគឺស្រដៀងទៅនឹងអរម៉ូនប្រូហ្សេស្តេរ៉ូន (progesterone) និងអរម៉ូនអ៊ឹស្ត្រូសែន (estrogen) ដែលត្រូវបានរកឃើញដោយធម្មជាតិនៅក្នុងរាងកាយរបស់ស្ត្រី។ អរម៉ូនទាំងពីរនេះរារាំងអូវែរបស់អ្នកមិនឲ្យបញ្ចេញពង (អូវ៊ុល)។ ពួកគេ​ក៏​ធ្វើ​ឲ្យ​ទឹករំអិល​មាត់ស្បូន​ក្រាស់​ផងដែរ ដើម្បី​រារាំង​មេជីវិត​ឈ្មោល​មិនឲ្យ​ចូលទៅ​ដល់​អូវ៊ុល។

តើបន្ទះបិតស្បែកពន្យារកំណើតមានប្រសិទ្ធិភាពដូចម្តេចខ្លះ?

សម្រាប់ស្ត្រីធម្មតា ការប្រើបន្ទះគឺមានប្រសិទ្ធិភាព ៩៣% (ស្ត្រី ៧ នាក់ក្នុងចំនោម ១០០ នាក់ដែលប្រើបន្ទះពន្យារកំណើតក្នុងរយៈពេលមួយឆ្នាំនឹងមានផ្ទៃពោះ) ។ នៅពេលដែលអ្នកប្រើប្រាស់បានត្រឹមត្រូវ បន្ទះបិតនេះអាចមានប្រសិទ្ធភាពរហូតដល់ ៩៩% ក្នុងការការពារការមានគភ៌។
[1]

តើបន្ទះបិតស្បែកពន្យារកំំណើតមានរូបរាងដូចម្តេច?

តើគេប្រើបន្ទះបិតស្បែកពន្យារកំណើតយ៉ាងដូចម្តេច?

មុននឹងអ្នកសម្រេចចិត្តប្រើប្រាស់វិធីសាស្រ្តពន្យារកំណើតនេះ អ្នកចាំបាច់ត្រូវទៅជួបអ្នកផ្តល់សេវាថែទាំសុខភាពរបស់អ្នក ដើម្បីឲ្យគេវាយតម្លៃស្ថានភាពសុខភាពរបស់អ្នក ដែលនឹងកំណត់ថាតើវាសមល្អសម្រាប់អ្នកដែរឬទេ។ នៅក្នុងប្រទេសមួយចំនួន អ្នកនឹងត្រូវការវេជ្ជបញ្ជាពីវេជ្ជបណ្ឌិតដើម្បីអាចទិញបន្ទះបិតស្បែកពន្យារកំណើតបាន។

បន្ទះនេះវាងាយស្រួលប្រើ និងមានដំណើរការដូចថ្នាំគ្រាប់ពន្យារកំណើតផ្សំដែរ។ បន្ទះនីមួយៗមានប្រសិទ្ធិភាពរយៈពេលមួយសប្តាហ៍។ អ្នកគ្រាន់តែបិទបន្ទះថ្មីមួយនៅលើខ្លួនរបស់អ្នក មួយបន្ទះក្នុងមួយសប្តាហ៍ រយៈពេលបីសប្តាហ៍ជាប់គ្នា។ នៅសប្តាហ៍ទីបួនអ្នកមិនបិតបន្ទះនោះទេ។

អ្នកត្រូវគិតដោយប្រុងប្រយ័ត្នអំពីកន្លែងដែលអ្នកចង់បិតបន្ទះនោះ ព្រោះវាត្រូវនៅកន្លែងនោះជាប់ពេញមួយសប្តាហ៍។ អ្នកចង់ជៀសវាងការដាក់បន្ទះនៅត្រង់កន្លែងដែលអ្នកមានស្បែកយារ ឬផ្នត់ច្រើន។ ត្រូវ​ប្រាកដ​ថា​កន្លែង​ដែល​អ្នក​នឹង​បិតបន្ទះ​ពន្យារកំណើត​គឺ​ស្អាត និង​ស្ងួត ហើយ​មិនមានការ​ឈឺ រលាក ឬ​រោមច្រើន​ពេក។ អ្នក​មិន​គួរ​ដាក់​វា​នៅ​កន្លែង​ដែល​វា​អាច​នឹង​របូត​ចេញ​ដោយការស្លៀក​សម្លៀក​បំពាក់​តឹងៗ​នោះ​ទេ។
ដំបូង​អ្នកបកតែ​ពាក់កណ្តាល​នៃ​ផ្នែកផ្លាស្ទិច​​ចេញ​ប៉ុណ្ណោះ ដូច្នេះ​អ្នក​នឹង​មានភាពងាយស្រួលក្នុងការបិតវាកុំឲ្យស្អិតដៃ។ កុំប៉ះផ្នែកស្អិតនៃបន្ទះដោយម្រាមដៃរបស់អ្នក។
ត្រូវសង្កត់ទៅលើបន្ទះនៅលើផ្នែករាងកាយដែលអ្នកសម្រេចចិត្តនឹងបិតវា។ សង្កត់វារយៈពេល ១០ វិនាទីដើម្បីឲ្យវាជាប់បានល្អ។
អ្វី​ដែល​សំខាន់​បំផុត​ដែលអ្នក​ត្រូវ​ចងចាំ​គឺអ្នកត្រូវ​ប្រើ​បន្ទះ​ថ្មី​មួយជា​រៀងរាល់​សប្ដាហ៍។ នេះនឹងជួយរក្សាប្រសិទ្ធិភាពរបស់វាក្នុងការការពារការមានផ្ទៃពោះ។

តើអ្នកអាចបិតបន្ទះបិតស្បែកពន្យារកំណើតនោះនៅកន្លែងណាដែរ?

អ្នកអាចបិតវានៅលើគូទ ស្មា ត្រគាក ពោះ ដើមដៃ ឬផ្នែកខាងលើនៃដងខ្លួន។ កុំដាក់លើសុដន់ ប្រដាប់ភេទ បាតជើង ឬបាតដៃ។ បន្ទះគួរតែនៅលើខ្លួនរបស់អ្នកគ្រប់ពេលវេលា ទាំងពេលថ្ងៃ និងពេលយប់ [2] ។

តើបន្ទះបិតស្បែកពន្យារកំណើតអាចបញ្ឈប់ការមករដូវបានដែរឬទេ?

អ្នក​អាច​នឹង​មាន​រដូវ​ក្នុង​សប្តាហ៍ដែលអ្នកមិនបានបិត​បន្ទះ។ មនុស្សខ្លះមិនមានរដូវទាល់តែសោះ។ នៅពេលដែលសប្តាហ៍ទីបួនត្រូវ បានបញ្ចប់ សូមចាប់ផ្តើមវដ្តនៃការបិតបន្ទះថ្មីមួយទៀតលើស្បែករបស់អ្នក។ អ្នក​អាច​នឹង​នៅ​តែ​មានរដូវ​នៅ​ពេលដែលដល់ពេលបិតបន្ទះឡើងវិញ។ នេះជារឿងធម្មតាទេ។ អ្នកអាចបិតបន្ទះថ្មីបាននៅក្នុងកាលៈទេសៈនោះ។

គន្លឹះខ្លះៗក្នុងការប្រើប្រាស់បន្ទះបិតស្បែកពន្យារកំណើតឲ្យកាន់តែងាយស្រួលជាងមុន

គន្លឹះទី ១៖ ប្រសិនបើអ្នកចាប់ផ្តើមបិតបន្ទះក្នុងរយៈពេលប្រាំថ្ងៃដំបូងនៃការមករដូវរបស់អ្នក អ្នកត្រូវបានការពារពីការមានផ្ទៃពោះភ្លាមៗតែម្តង។ ប្រសិនបើអ្នកចាប់ផ្តើមថ្ងៃក្រៅពីប្រាំថ្ងៃដំបូងនៃការមករដូវរបស់អ្នក អ្នកនឹងត្រូវរង់ចាំរយៈពេលប្រាំពីរថ្ងៃទើបការពន្យារកំណើតចាប់ផ្តើមមានប្រសិទ្ធិភាព។ អ្នកគួរតែប្រើវិធីសាស្ត្រពន្យារកំណើតបម្រុងណាមួយទៀតក្នុងអំឡុងពេលនេះ។
គន្លឹះទី ២៖ ប្រសិនបើអ្នកមានវដ្តរដូវខ្លីដែលកើតឡើងរៀងរាល់ ២៣ ថ្ងៃ ឬតិចជាងនេះ អ្នកប្រហែលជាមិនត្រូវបានការពារពីការមានផ្ទៃពោះទេ ប្រសិនបើអ្នកចាប់ផ្តើមប្រើបន្ទះបិតស្បែកពន្យារកំណើតនៅថ្ងៃទីប្រាំនៃការមករដូវរបស់អ្នក​ឬថ្ងៃណាក្រោយពីនោះទៀត ដូចនេះ ការប្រើប្រាស់វិធីសាស្រ្តពន្យារកំណើតបន្ថែមសម្រាប់រយៈពេលប្រាំពីរថ្ងៃដំបូងជាការល្អ [3] ។
គន្លឹះទី ៣៖ កុំប្រើឡេលាបខ្លួន ប្រេង ម្សៅ សាប៊ូ ក្រែម ឬគ្រឿងសម្អាងនៅកន្លែងដែលអ្នកបិតបន្ទះនោះ។ វាអាចធ្វើឲ្យបិតបន្ទះមិនជាប់។
គន្លឹះទី ៤៖ ពិនិត្យមើលបន្ទះរបស់អ្នកជារៀងរាល់ថ្ងៃ ដើម្បីធានាថាវាបានបិតជាប់បានត្រឹមត្រូវ។ វាជារឿងធម្មតាទេដែលវាមានជ័រស្អិតបន្តិចបន្តួចនៅជុំវិញគែមនៃបន្ទះ។

គន្លឹះទី ៥៖ នៅពេលអ្នកបកបន្ទះចេញ សូមបត់វាពាក់កណ្តាលមុនពេលអ្នកបោះវាចោល។ ការធ្វើបែបនេះនឹងជួយការពារកុំឲ្យអរម៉ូនចូលទៅក្នុងដី។ កុំបោះវាចោលក្នុងបង្គន់ឲ្យសោះ។

តើនឹងមានរឿងអ្វីកើតឡើងប្រសិនបើខ្ញុំភ្លេចបកបន្ទះបិតស្បែកពន្យារកំណើតចេញ?

ប្រសិនបើអ្នកភ្លេចបកបន្ទះរបស់អ្នកចេញក្នុងអំឡុងសប្តាហ៍មិនបិតបន្ទះនោះ អ្នកគ្រាន់តែបកបន្ទះចាស់ចេញ ហើយដាក់អាថ្មីមួយទៀតប៉ុណ្ណោះ។ បន្ទាប់មក អ្នកចងចាំផ្លាស់ប្តូរវានៅថ្ងៃដែលអ្នកត្រូវផ្លាស់ប្តូរតាមកាលវិភាគធម្មតា។ អ្នកនៅតែត្រូវបានការពារពីការមានគភ៌ ប្រសិនបើអ្នកបានប្រើប្រាស់វាបានត្រឹមត្រូវរហូត ក្នុងរយៈពេលមុនការភ្លេចបកវាចេញនោះ។
ប្រសិនបើវាបានកន្លងផុតទៅអស់រយៈពេល ៤៨ ម៉ោង ពីពេលដែលអ្នកត្រូវប្តូរបន្ទះបិត អ្នកគ្រាន់តែបិតបន្ទះថ្មី ហើយប្តូរវាតាមកាលវិភាគធម្មតារបស់អ្នកបានហើយ។ បន្ថែមពីលើនេះទៀត អ្នកគប្បីគួរប្រើវិធីសាស្រ្តពន្យារកំណើតបម្រុងសម្រាប់រយៈពេលប្រាំពីរថ្ងៃបន្ទាប់ពីពេលនោះ។ ប្រសិនបើអ្នកបានរួមភេទក្នុងអំឡុងពេលប៉ុន្មានថ្ងៃចុងក្រោយនេះ អ្នកត្រូវប្រើវិធីសាស្រ្តពន្យារកំណើតបន្ទាន់។
ប្រសិនបើអ្នកភ្លេចបកបន្ទះបិតស្បែកពន្យារកំណើតបន្ទាប់ពីសប្តាហ៍ទីបី សូមបកបន្ទះចាស់ចេញឲ្យបានឆាប់តាមដែលអាចធ្វើទៅបាន ហើយចាប់ផ្តើមសប្តាហ៍ដែលអត់បិតបន្ទះរបស់អ្នកតាមកាលវិភាគធម្មតា។ បន្ទាប់មកចាប់ផ្តើមវដ្តបិតបន្ទះសារជាថ្មី ចាប់ផ្តើមតាមកាលវិភាគរបស់អ្នក។ នេះមានន័យថាអ្នកនឹងកាត់បន្ថយចំនួនថ្ងៃដែលមិនបិតបន្ទះ។ អ្នកក៏ត្រូវបានការពារពីការមានផ្ទៃពោះផងដែរ ហើយនឹងមិនចាំបាច់ប្រើវិធីពន្យារកំណើតបម្រុង នោះទេ[4]។

Contraception Quiz

Not sure on the method? - Take our dynamic Contraception Quiz.
When it comes to sex, protection is as important as pleasure. But what should one do to start their safe sex journey? Answer some simple questions and based on the responses, we will recommend the next steps.

Take the quiz
External Condom

Compare with similar Contraceptive Methods

Are you wondering if condoms are better than daily pills? Or if you should opt for a birth control implant? We're here to assist you in making this decision. You can select up to 5 contraceptive methods and compare them side by side to weigh the pros and cons of each.

Give a try to our Contraceptive Tool

In the example below, you'll find similar methods to the one you're currently reading about. Feel free to click on any that catch your interest or revisit our Contraceptive Methods page

Our Monthly Top Articles

ទំនៀមទំលាប់នៃការភ្ជាប់ទំនាក់ទំនង?

ទំនៀមទំលាប់នៃការភ្ជាប់ទំនាក់ទំនង?

អូសទៅឆ្វេង។ អូសទៅស្តាំ។ ភ្លេចៗខ្លួន ពេលវេលាជាច្រើនបានកន្លងផុតទៅដោយអ្នកបានអូសកាត់រូបភាពរាប់សិប ដើម្បីស្វែងរកអ្នកដែលអ្នកចង់បង្កើតទំនាក់ទំនងជាមួយ។ ដោយមានការទាក់ទងតាមអនឡាញ វាងាយស្រួលណាស់ ដោយអ្វីៗគឺគ្រា...

អ្នក​មាន​ការ​រួម​ភេទ​ដោយ​មិន​មាន​សុវត្ថិភាព តើ​អ្វី​ទៅ​ឥឡូវ?

អ្នក​មាន​ការ​រួម​ភេទ​ដោយ​មិន​មាន​សុវត្ថិភាព តើ​អ្វី​ទៅ​ឥឡូវ?

តោះយើងមកនិយាយឲ្យចំចំណុចតែម្តង ការឈានដល់ចំណុចកំពូលនៃការរួមភេទតែងធ្វើឱ្យយើងមានអារម្មណ៍ល្អ ហើយពេលដែលកំពុងសម្រេចអោយដល់ចំណុចកំពូលវាកាន់តែធ្វើឲ្យមានចំណង់បន្ថែមទៀត។ ពេលខ្លះយើងបានប្រយ័ត្នប្រយែងថាធ្វើយ៉ាងណា...

ទំនៀមទំលាប់នៃការភ្ជាប់ទំនាក់ទំនង?

ទំនៀមទំលាប់នៃការភ្ជាប់ទំនាក់ទំនង?

អូសទៅឆ្វេង។ អូសទៅស្តាំ។ ភ្លេចៗខ្លួន ពេលវេលាជាច្រើនបានកន្លងផុតទៅដោយអ្នកបានអូសកាត់រូបភាពរាប់សិប ដើម្បីស្វែងរកអ្នកដែលអ្នកចង់បង្កើតទំនាក់ទំនងជាមួយ។ ដោយមានការទាក់ទងតាមអនឡាញ វាងាយស្រួលណាស់ ដោយអ្វីៗគឺគ្រា...

អ្នក​មាន​ការ​រួម​ភេទ​ដោយ​មិន​មាន​សុវត្ថិភាព តើ​អ្វី​ទៅ​ឥឡូវ?

អ្នក​មាន​ការ​រួម​ភេទ​ដោយ​មិន​មាន​សុវត្ថិភាព តើ​អ្វី​ទៅ​ឥឡូវ?

តោះយើងមកនិយាយឲ្យចំចំណុចតែម្តង ការឈានដល់ចំណុចកំពូលនៃការរួមភេទតែងធ្វើឱ្យយើងមានអារម្មណ៍ល្អ ហើយពេលដែលកំពុងសម្រេចអោយដល់ចំណុចកំពូលវាកាន់តែធ្វើឲ្យមានចំណង់បន្ថែមទៀត។ ពេលខ្លះយើងបានប្រយ័ត្នប្រយែងថាធ្វើយ៉ាងណា...