អត្ថប្រយោជន៍នៃប៉ុងពន្យារកំណើត
អត្ថប្រយោជន៍៍សុខភាព
– វាមិនមានអរម៉ូននោះទេ។ ប៉ុងពន្យារកំណើតមិនមានអរម៉ូនទេ ដូច្នេះអ្នកនឹងអាចមានផ្ទៃពោះបានភ្លាមៗនៅពេលដែលអ្នកឈប់ប្រើវា។ អ្នកគួរការពារខ្លួនអ្នកជាមួយនឹងវិធីសាស្រ្តពន្យារកំណើតមួយផ្សេងទៀត ប្រសិនបើអ្នកឈប់ប្រើប៉ុងពន្យារកំណើត ហើយមិនចង់មានផ្ទៃពោះ។
– អ្នកអាចប្រើវាបានក្នុងពេលបំបៅដោះកូនបាន។
អត្ថប្រយោជន៍នៃការរស់នៅ
– អ្នកអាចស៊កបញ្ចូលប៉ុងពន្យារកំណើតទុក ២៤ ម៉ោងមុនពេលរួមភេទ។
– វាមានតែទំហំមួយតែប៉ុណ្ណោះដែលនឹងពាក់ត្រូវគ្រប់បុគ្គលទាំងអស់ ដូច្នេះអ្នកមិនចាំបាច់ត្រូវការឲ្យអ្នកផ្តល់សេវាថែទាំសុខភាពបំពាក់ឲ្យអ្នកនោះទេ។
– ក្នុងអំឡុងពេលការពាររយៈពេល ២៤ ម៉ោង អ្នកអាចរួមភេទបានច្រើនដងតាមដែលអ្នកចង់។
– វាជាជម្រើសដ៏ល្អ ប្រសិនបើអ្នកមិនសូវបារម្ភពីការមានផ្ទៃពោះនោះទេ។ មនុស្សភាគច្រើនមិនបានប្រើប៉ុងពន្យារកំណើតឲ្យបានត្រឹមត្រូវទេ ដូច្នេះស្រ្តីរមែងតែងតែមានផ្ទៃពោះ។ ប្រសិនបើអ្នកមិនចង់មានផ្ទៃពោះ ឬមានកូន ចូរពិចារណាប្រើប្រាស់វិធីពន្យារកំណើតផ្សេង។
– អ្នក និងដៃគូរបស់អ្នកនឹងមិនមានអារម្មណ៍ដឹងថាប៉ុងនៅទីនោះនៅពេលកំពុងរួមភេទទេ។
– អ្នកមិនចាំបាច់មានវេជ្ជបញ្ជាដើម្បីទិញប៉ុងពន្យារកំណើតនោះទេ។
តើអ្វីជាផលប៉ះពាល់នៃប៉ុងពន្យារកំណើត?
– ស្ត្រីដែលមានប្រតិកម្មទៅនឹងថ្នាំស៊ុលហ្វា ប៉ូលីយូរេថេន ឬថ្នាំសម្លាប់មេជីវិតឈ្មោលអាចមានប្រតិកម្មទៅនឹងប៉ុងពន្យារកំណើត។
– វាអាចបណ្តាលឲ្យរលាកទ្វារមាសបាន។
– ប្រសិនបើអ្នកទុកប៉ុងចោលលើសពី ២៤ ម៉ោង វាអាចបណ្តាលឲ្យមានក្លិនមិនល្អ ឬធ្លាក់សតាមទ្វារមាស។
គុណវិបត្តិនៃការប្រើប្រាស់ប៉ុងពន្យារកំណើត
– ស្ត្រីខ្លះអាចមានការលំបាកក្នុងការស៊កបញ្ចូល និងដកប៉ុងចេញ។
– វាអាចចំណាយកម្លាំងច្រើនក្នុងការដាក់ និងដកវា។ វាទាមទារការគ្រប់គ្រងខ្លួនឯង និងការរៀបចំផែនការ ព្រោះអ្នកត្រូវចងចាំថាត្រូវដាក់បញ្ចូលប៉ុងរាល់ពេលដែលអ្នករួមភេទ។
– វាមិនមែនជាវិធីពន្យារកំណើតដ៏មានប្រសិទ្ធភាពបំផុតនោះទេ ជាពិសេសចំពោះស្ត្រីដែលធ្លាប់សម្រាលកូនរួច។
– អ្នកត្រូវមានភាពស្រណុកស្រួលជាមួយនឹងរាងកាយរបស់អ្នក។ ប្រសិនបើអ្នកមិនអាចលូកចូលទ្វារមាសខ្លួនឯងបាន ប៉ុងពន្យារកំណើតមិនមែនជាជម្រើសដ៏ល្អបំផុតសម្រាប់អ្នកនោះទេ។ វាគឺដូចជាការដាក់បញ្ចូលតមប៉ុង tamponដែរ ដូច្នេះប្រសិនបើអ្នកអាចដាក់តមប៉ុងចូលបាន អ្នកប្រហែលជាអាចប្រើប៉ុងពន្យារកំណើតបានដូចគ្នា។
– ត្រូវទុកវាឲ្យនៅនឹងទីតាំងវាយ៉ាងតិចប្រាំមួយម៉ោង បន្ទាប់ពីរួមភេទរួច។
– វាអាចធ្វើអោយការរួមភេទមានសភាពរញ៉េរញ៉ៃ។
– វាអាចនឹងពិបាកក្នុងការចងចាំក្នុងការប្រើប្រាស់ប្រសិនបើអ្នកស្រវឹង។
– វាអាចធ្វើឲ្យការរួមភេទមានសភាពស្ងួត។
តើប៉ុងពន្យារកំណើតអាចការពារពីការឆ្លងជម្ងឺកាមរោគបានទេ?
ប៉ុងពន្យារកំណើតមិនអាចការពារប្រឆាំងនឹងជម្ងឺកាមរោគដូចជាជម្ងឺប្រមេះទឹកបាយ និងជម្ងឺប្រមេះទឹកថ្លានោះទេ (3)។
តើនៅលក្ខខណ្ឌណាដែលអ្នកមិនអាចប្រើប្រាស់ប៉ុងពន្យារកំណើតបាន?
– ប្រសិនបើអ្នកធ្លាប់មានជម្ងឺ toxic shock syndrome ។
– ប្រសិនបើមិនទាន់កន្លងហួសពីប្រាំមួយសប្តាហ៍ចាប់តាំងពីពេលអ្នកសម្រាលកូន។
– ប្រសិនបើអ្នកមានប្រតិកម្មទៅនឹងពពួកស៊ុលហ្វីត (sulfites)។
– ប្រសិនបើអ្នកកំពុងមករដូវ។
– ប្រសិនបើអ្នកធ្លាប់មានប្រតិកម្មទៅនឹងសារធាតុ nonoxynol-9 (សារធាតុគីមីដែលប្រើក្នុងថ្នាំសម្លាប់មេជីវិតឈ្មោល)។
អ្នកក៏គួរតែមានការប្រុងប្រយ័ត្នខ្ពស់ដោយស្វែងរកដំបូន្មានពីអ្នកផ្តល់សេវាថែទាំសុខភាពរបស់អ្នកមុនពេលប្រើប៉ុងពន្យារកំណើតប្រសិនបើ
– អ្នកត្រូវបានណែនាំពីវេជ្ជបណ្ឌិត ឬ អ្នកជំនាញកុំឲ្យមានផ្ទៃពោះ
– ថ្មីៗនេះអ្នកបានរលូតឬធ្វើការរំលូត ឬ
– អ្នកមានលក្ខខណ្ឌសុខភាពទាក់ទងនឹងស្បូន ឬទ្វារមាស ដូចជាការធ្លាក់ទ្វារមាស ឬធ្លាក់ស្បូន ដែលអាចរារាំងប៉ុងពន្យារកំណើតមិនឲ្យដំណើរការបាន (5)។
