តេស្តទឹកនោមត្រូវបានគេស្គាល់ថាជាតេស្តពិនិត្យផ្ទៃពោះនៅផ្ទះ តេស្តទឹកនោមជាតេស្តដែលលឿន ងាយប្រើប្រាស់ ហើយរក្សា ការសម្ងាត់បានល្អ។ អ្វីដែលអ្នកធ្វើគឺអ្នកដាក់បន្ទះតេស្តទឹកនោម ឲ្យប៉ះជាមួយនឹងទឹកនោមរបស់អ្នកដើម្បីឲ្យវាមានប្រតិកម្មវិជ្ជមាន ឬអវិជ្ជមានបាន។ អ្នកអាចធ្វើបានជាច្រើនវិធីដូចជា៖
តេស្តទឹកនោមអាចបង្ហាញលទ្ធផលសុក្រិតដូចនឹងតេស្តឈាមដែរព្រោះវាមានភាពសុក្រិតប្រមាណជា ៩៧ ទៅ ៩៩%។ ភាពសុក្រិតនៃតេស្តនឹងកើនឡើងផងដែរប្រសិនបើអ្នកបាត់រដូវប្រចាំខែ។
គេណែនាំឲ្យពិនិត្យទឹកនោមនៅថ្ងៃទី មួយ នៃពេលដែលបាត់រដូវ ប្រចាំខែ។ អ្នកអាចរាប់វាបានប្រហែលជាពីរសប្តាហ៍បន្ទាប់ពីការ បង្កកំណើត។ យ៉ាងណាមិញ តេស្តខ្លះមានកម្រិតលទ្ធផលវិជ្ជមាន ខ្ពស់ជាងប្រភេទតេស្តខ្លះទៀត ហើយអាចរកឃើញវិជ្ជមានលឿន ជាងតេស្តដទៃ។
ប្រសិនបើអ្នកទទួលបានលទ្ធផលតេស្តអវិជ្ជមាន ប៉ុន្តែអ្នកនៅតែ មានការសង្ស័យថាអ្នកមានផ្ទៃពោះ អ្នកអាចធ្វើតេស្តម្តងទៀត នៅរយៈពេលមួយសប្តាហ៍ក្រោយមកទៀតដើម្បីធ្វើការបញ្ជាក់ ឲ្យបានច្បាស់លាស់។ តេស្តពិនិត្យទឹកនោមនៅផ្ទះខ្លះណែនាំឲ្យ អ្នកប្រើប្រាស់ចាំបាច់ត្រូវតែធ្វើតេស្តបញ្ជាក់មួយសប្តាហ៍ក្រោយ ដោយមិនខ្វល់ថាលទ្ធផលវិជ្ជមាន ឬ អវិជ្ជមាននោះទេ។
អ្នកអាចទិញតេស្តពិនិត្យទឹកនោមនៅផ្ទះនៅតាមឪសថស្ថាន ឬ កន្លែងលក់ថ្នាំពេទ្យដោយមិនចាំបាច់ត្រូវការវេជ្ជបញ្ជាបាន។ តម្លៃ របស់តេស្តអាស្រ័យទៅលើស្លាកសញ្ញា ប៉ុន្តែតេស្តភាគច្រើនគឺ មិនមានតម្លៃថ្លៃនោះទេ។ ផ្អែកលើប្រទេសរបស់អ្នក អ្នកអាចនឹង ទទួលបានតេស្តនេះដោយមិនគិតថ្លៃ ប៉ុន្តែអ្នកត្រូវប្រុងប្រយ័ត្ន ពិនិត្យកាលបរិច្ឆេទផុតកំណត់ ហើយអានការណែនាំលើសំបក តេស្តឲ្យបានត្រឹមត្រូវ ដើម្បីឲ្យអ្នកយល់ពីវិធីធ្វើតេស្ត។
លទ្ធផលតេស្តពិនិត្យផ្ទៃពោះ
ម៉ាកនៃតេស្តនីមួយៗមានវិធីបង្ហាញលទ្ធផលផ្សេងៗគ្នា វាអាច បង្ហាញសញ្ញាបូកឬ ដក ជាឆ្នូត ឬ ប្រសិនបើវាជាតេស្តឌីជីថល វាអាចបង្ហាញជាពាក្យ «មានផ្ទៃពោះ» ឬ «គ្មានផ្ទៃពោះ»។ វាចាំបាច់ណាស់ដែលអ្នកអានលំណែនាំលើសំបកតេស្តឲ្យបានព្រិត ព្រៀងដើម្បីដឹងថាលទ្ធផលរបស់អ្នកជាអ្វីឲ្យប្រាកដ។
សម្រាប់តេស្តទាំងឡាយណាដែលមិនមែនជាតេស្តឌីជីថល អ្នក ត្រូវចំណាំចំនុចសំខាន់មួយ៖ មិនថាសញ្ញាបូក ឬ ឆ្នូតទី ២ វាសើរ យ៉ាងម៉េចក៏ដោយ វានៅតែជាលទ្ធផលវិជ្ជមាន។ អ្នកអាចគិតថាវា មិនមានជាលទ្ធផលវិជ្ជមានលុះត្រាតែវាមានតែមួយឆ្នូតតែ ប៉ុណ្ណោះ។
ប្រាកដណាស់ វាតែងតែមានករណីដែលលទ្ធផលតេស្តវិជ្ជមានដែល មិនពិត គឺនៅពេលដែលតេស្តរបស់អ្នកបង្ហាញថាវិជ្ជមានតែអ្នក មិនមានផ្ទៃពោះនោះទេ។ ករណីនេះអាចកើតឡើងនៅពេលដែល អ្នកមានឈាម ឬ ប្រតេអ៊ីននៅក្នុងទឹកនោមរបស់អ្នក។ ថ្នាំខ្លះ ដូចជា ថ្នាំរម្ងាប់អារម្មណ៍ ថ្នាំប្រឆាំងនឹងការប្រកាច់ ថ្នំាសណ្តំ និង ថ្នាំជំនួយការបង្កកំណើត សុទ្ធតែអាចធ្វើឲ្យលទ្ធផលវិជ្ជមាន។
ការធ្វើតេស្តឈាមអាចពិនិត្យរកឃើញការផ្ទៃពោះលឿនជាងតេស្តទឹកនោម ប្រមាណជា ៦ ទៅ ៨ ថ្ងៃបន្ទាប់ពីការបញ្ចេញមេជីវិតញី ឬ អូវ៊ុល ប៉ុន្តែវាត្រូវការពេលវេលាយូរជាងការធ្វើតេស្តនៅផ្ទះដែលអាចទទួលបានលទ្ធផលភ្លាមៗ។
ការធ្វើតេស្តឈាមមានពីរប្រភេទ៖
ប្រភេទតេស្តឈាមនេះ គឺគ្រាន់តែឆែកមើលថាអ្នកមានអរម៉ូន hCG នៅក្នុងឈាមរបស់ អ្នកឬអត់នោះទេ ហើយវាអាចកំណត់ការមានផ្ទៃពោះបានប្រមាណ ១០ ថ្ងៃបន្ទាប់ពីថ្ងៃបង្កកំណើត។
តេស្តប្រភេទនេះអាចវាស់កម្រិត នៃអរម៉ូន hCG នៅក្នុងឈាមបាន ហើយវាអាចចាប់បានទោះបី អរម៉ូននោះមានកម្រិតទាបក៏ដោយ។ វេជ្ជបណ្ឌិតភាគច្រើនចូល ចិត្តប្រើតេស្តប្រភេទនេះព្រោះវាអាចតាមដាននូវបម្រែបម្រួលនៃ កម្រិត hCG បាន ហើយក៏អាចមើលដឹងដែរថាមានវត្តមាននៃ កូនក្រៅស្បូនដែរឬទេ។
កូនក្រៅស្បូនកើតឡើងនៅពេលដែល មេជីវិតញីដែលបានបង្ក កំណើតហើយ កាច់សំបុក និង លូតលាស់នៅកន្លែងដែលមិនមែន ជាក្នុងស្បូន តែបែរជាទៅរីកលូតលាស់នៅកន្លែងផ្សេងវិញ ជា ពិសេសគឺនៅដៃស្បូន ដែលជាកន្លែងតភ្ជាប់អូវ៉ែទៅនឹងស្បូន។
ការធ្វើតេស្តពិនិត្យផ្ទៃពោះតាមឈាមមានភាពសុក្រិតប្រមាណជា ៩៩%។
ការធ្វើតេស្តឈាមអាចធ្វើបាននៅអំឡុងពេលប្រាំពីរថ្ងៃបន្ទាប់ពីអ្នកធ្វើការទម្លាក់មេជីវិតញី (ដែលមានរយៈពេលប្រហែលជា មួយសប្តាហ៍មុននឹងថ្ងៃមករដូវរបស់អ្នក) ហើយវានៅតែអាចបង្ហាញលទ្ធផលមួយដែលសុក្រិត។
សម្រាប់ការធ្វើតេស្តឈាម អ្នកអាចទៅជួបវេជ្ជបណ្ឌិត ឬ ទៅ ធ្វើតេស្តនៅមន្ទីរពិសោធន៍តែម្តង មានកន្លែងផ្តល់សេវាសុខភាព ភាគច្រើនដែលគេមានតេស្តនេះ។ វាមានតម្លៃថ្លៃជាងការធ្វើ តេស្តទឹកនោម។
លទ្ធផលតេស្ត
អ្នកផ្តល់សេវាសុខភាពត្រូវអានលទ្ធផលរបស់អ្នកសិន ហើយត្រូវ មើលកម្រិត hCG របស់អ្នកនិងព្រមទាំងពន្យល់ប្រាប់នៃលទ្ធផល ផងដែរ។ កម្រិត hCG នេះត្រូវបានគេវាស់ក្នុងស្តង់ដា មីលីយូនីត អន្តរជាតិក្នុងឈាម ១ មីលីលីត្រនៃឈាម (mIU/mL).
តើអ្នកដឹងទេថាការមានផ្ទៃពោះបង្កឡើងដោយរបៀបម៉េច? អ្នក អាចចូលទៅកាន់ ផ្នែក តើផ្ទៃពោះបង្កឡើងដោយរបៀបណា? ដើម្បីស្វែងយល់កាន់តែច្រើនអំពីប្រធានបទនេះ។
ក្នុងករណីដែលអ្នកចង់ស្វែងរកជម្រើសផ្សេងៗដែលទាក់ទងទៅ នឹងការមានផ្ទៃពោះដែលមិនបានព្រៀងទុក អ្នកអាចចូលទៅ កាន់ទំព័រ ជម្រើសពេលមានផ្ទៃពោះ បាន
ក្នុងករណីដែលមករដូវរបស់អ្នកមិនទៀងទាត់ ឬអ្នកមិនមានវាទាល់តែសោះ យើងសូមណែនាំឱ្យអ្នកធ្វើតេស្តមានផ្ទៃពោះ បីសប្តាហ៍បន្ទាប់ពីអ្នកបានរួមភេទដោយមិនបានការពារ។