သန္ဓေတား IUD ကို ဘယ်လိုဖယ်ရှားပါသလဲ?

သန္ဓေတား IUD ကို ဘယ်လိုဖယ်ရှားပါသလဲ?

သန္ဓေတား IUD ကို ဘယ်လိုဖယ်ရှားပါသလဲ?

လူတယောက်ဟာ IUD ကို အကြောင်းပြချက်အများအပြားအတွက် ဖယ်ရှားနိုင်ပါတယ်။ ဒီဟာတွေမှာ သက်တမ်းကုန်ခြင်း နှင့် လဲလှယ်ခြင်း၊ ကိုယ်ဝန်ရခြင်း၊ သို့မဟုတ် မတူညီသော သန္ဓေတားနည်းလမ်းပြောင်းလဲခြင်းတို့အတွက် ဖြစ်ပါတယ်။ ဂါနာရှိ Gbagbo နှင့် Kayi တို့မှ လေ့လာချက်ဟာ IUD ဖယ်ရှားခြင်းအတွက် အကြောင်းပြချက်အများအပြားကို ရှင်းပြထားပါတယ်။ ဒီအကြောင်းပြချက်တွေမှာ လူမှုရေး နှင့် ယဥ်ကျေးမှုအကြောင်းပြချက်များ ပါဝင်ပါတယ်။ သင်ဟာ သန္ဓေတား IUD ကို အကြောင်းအရင်းတခုခုကြောင့် ရပ်တန့်ချင်တယ်ဆိုရင်၊ ၎င်းကို လေ့ကျင့်ထားတဲ့ ကျန်းမာရေးဝန်ဆောင်မှုပေးသူကသာ ဖယ်ရှားပေးသင့်ပါတယ်။

သန္ဓေတား IUD ဖယ်ရှားတာ ဘယ်လောက်ကြာသလဲ?

IUD ဖယ်ရှားခြင်းလုပ်ဆောင်ချက်ဟာ ၂-၅ မိနစ်အကြား ကြာမှာဖြစ်ပါတယ်။ ထည့်သွင်းခြင်း လုပ်ငန်းစဥ်လိုပဲ၊ လေ့ကျင့်ထားတဲ့ ကျန်းမာရေးဝန်ဆောင်မှုပေးသူဟာ သင့်ကို လှဲအိပ်ခိုင်းပြီး ခြေထောက်တွေကိုကားခိုင်းထားပါမယ်။ Speculum ပစ္စည်းကို သင့်ရဲ့ သားအိမ်ခေါင်းဖွင့်ဖို့ အသုံးပြုမှာဖြစ်ပြီး၊ ဝန်ဆောင်မှုပေးသူဟာ ခွဲစိတ်ခန်းသုံး forcep နှင့် IUD ကြိုးများကို ငြင်သာစွာ ဆွဲထုတ်မှာပါ။ IUD ဟာ ကွေးနိုင်ပြီး အလွယ်တကူ ထွက်လာမှာဖြစ်ပါတယ်။ အဖြစ်နည်းလွန်းသော IUD လွယ်ကူစွာမထွက်လာဘူးဆိုရင်၊ သင့်ရဲ့ ကျန်းမာရေးဝန်ဆောင်မှုပေးသူဟာ သင့် သားအိမ်ခေါင်းကို ချဲ့ဖို့ ဆေးဝါးများအသုံးပြုခြင်း၊ သင့်ကို အကိုက်အခဲပျောက်ဆေးခြင်း နှင့် forecap ဖြင့် IUD ကို ဆွဲထုတ်ခြင်းတို့ လုပ်ဆောင်ပါမယ်။ သင့်မှာ IUD အဟောင်းရှိပြီး၊ အဲ့ဒါကို လဲလှယ်ချင်ရင်တော့ IUD အသစ်ကို ချက်ချင်း ထည့်သွင်းနိုင်မှာဖြစ်ပါတယ်။

သန္ဓေတား IUD ဖယ်ရှားမှုအတွင်းမှာ နာကျင်မှုကို မည်မျှလောက်ခံစားရပါသလဲ?

အချို့အမျိုးသမီးများက သက်တောင့်သက်သာ မဖြစ်မှုအနည်းငယ် နှင့် ကြွက်တက်သကဲ့သို့ အနည်းငယ်ခံစားကြရသော်လည်း အခြားအမျိုးသမီးများကတော့ မည်သည်မှ မခံစားရပါဘူး။ သို့သော်လည်း ထုတ်ယူခြင်းမှာ ခံစားရတဲ့ နာကျင်မှာဟာ ထည့်သွင်းခြင်းက နာကျင်မှုလောက်တော့ မဆိုးပါ။ ထည့်သွင်းခြင်းလုပ်ဆောင်ပြီးနောက် ရက်အနည်းငယ်အတွင်း သင်ခံစားရတဲ့ နာကျင်မှုများကို ibuprofen ကဲ့သို့ အကိုက်အခဲပျောက်ဆေးများအသုံးပြုပြီး သက်သာစေနိုင်ပါတယ်။

သန္ဓေတား IUD ဖယ်ရှားမှုပြီးနောက် မည်မျှလောက်ကြာကြာ သွေးထွက်ပါသလဲ?

သန္ဓေတား IUD ဖယ်ရှားမှုပြီးနောက် သွေးထွက်ခြင်း သို့မဟုတ် သွေးစိမ့်ခြင်းကို ခံစားရနိုင်ပါတယ်။ ဒီလိုခံစားရမှုဟာ ရက်အနည်းငယ်အထိ ကြာရှည်နိုင်ပါတယ်။ သင့်အနေနဲ့ အနည်းဆုံး ၄၈ နာရီအထိ အမျိုးသမီးလစဥ်သုံးပစ္စည်းများကို အသုံးပြုဖို့ အကြံပြုထားပါတယ်။ ၄၈ နာရီကြာပြီးနောက်မှာ၊ သင်ဟာ tampon များ သို့မဟုတ် menstrual cups များအပါအဝင် နှစ်သက်ရာ ဓမ္မတာသန့်စင်ရေးထုတ်ကုန်များကို အသုံးပြုနိုင်ပါတယ်။ အခဲကြီးများ (ဒင်္ဂါးပြားစေ့ အရွယ်အစား သို့ ပိုကြီးသော) နှင့် သွေးအလွန်ထွက်ခြင်း သို့မဟုတ် သွေးသွန်ခြင်း ( တနာရီအတွင်း ပစ္စည်းများ သို့မဟုတ် tampon များ တခုထက်ပို သွေးစိုခြင်း) တို့ဟာ ပုံမှန် မဟုတ်ပါဘူး။ အကယ်၍ သင်သာ ဒီလိုခံစားရမယ်ဆိုရင်၊ သင့်ရဲ့ ကျန်းမာရေးစောင့်ရှောက်ပေးသူနှင့် ချက်ချင်း တိုင်ပင်ဆွေးနွေးပေးသင့်ပါတယ်။

သန္ဓေတား IUD ဖယ်ရှားမှုပြီးနောက်၊ မျိုးဥထွက်ခြင်းဟာ ဘယ်အချိန်မှာ ဖြစ်ပေါ်ပါသလဲ?

သန္ဓေတား IUD ဖယ်ရှားမှုပြီးနောက်၊ သင့်ရဲ့ ပုံမှန် ဓမ္မတာကာလ ပြန်လာဖို့ သုံးလလောက်အထိ ကြာမြင့်နိုင်ပါတယ်။ သို့သော်လည်း၊ သင့်ရဲ့ မျိုးပွားနိုင်မှုဟာ IUD ဖယ်ရှားပြီးတာနဲ့ ချက်ချင်း ပြန်လည်ရောက်ရှိလာမှာဖြစ်ပါတယ်။ အကယ်၍သင်ဟာ ကိုယ်ဝန်မဆောင်လိုဘူးဆိုရင်တော့၊ သင့်ရဲ့ ကျန်းမာရေး ဝန်ဆောင်မှုပေးသူဟာ သန္ဓေတား IUD မဖယ်ရှားခင် အနည်းဆုံး ခုနှစ်ရက် ကြိုတင်ပြီး သန္ဓေတားနည်းလမ်းစတင်အသုံးပြုဖို့ အကြံပေးမှာဖြစ်ပါတယ်။ ဒီလိုလုပ်ခြင်းဟာ ထုတ်ယူတဲ့အချိန်မှာ ထိရောက်တဲ့ သန္ဓေတားကာကွယ်မှုနည်းလမ်းရှိစေဖို့ လုပ်ဆောင်ပေးမျာပါ။ အခြားနည်းလမ်းများကတော့ IUD အသစ်တခု ချက်ချင်းထည့်သွင်းဖို့ပါပဲ။ အသုံးပြုထားတဲ့ နောက်ထပ် သန္ဓေတားနည်းလမ်း မထိရောက်ခင်မှာ သင်ဟာ ကွန်ဒုံးလိုမျိုး အကာအကွယ်နည်းလမ်းကိုလည်း အသုံးပြုနိုင်ပါတယ်။

သန္ဓေတား IUD ဖယ်ရှားမှုပြီးနောက် လိင်ဆက်ဆံမှု

သန္ဓေတား IUD ဖယ်ရှားမှု မတိုင်ခင် နှင့် ပြီးနောက် ရက်များအတွင်း လိင်ဆက််ဆံမှုဟာ အန္တရာယ်ကင်းရှင်းပါတယ်။ သို့သော်လည်း သင့်အနေနဲ့ ကိုယ်ဝန်ဆောင်ဖို့ IUD ကို ဖယ်ရှားတာ မဟုတ်ဘူးဆိုရင်တော့၊ သင့်ရဲ့ ကျန်းမာရေးဝန်ဆောင်မှုပေးသူဟာ သင့်ကို လိင်ဆက်ဆံမှု ရှောင်ရှားခြင်း၊ လိင်ဆက်ဆံစဥ် ကွန်ဒုံးသုံးစွဲခြင်း သို့မဟုတ် သန္ဓေတား IUD မဖယ်ရှားခင် ၇ ရက်အတွင်း အခြား သန္ဓေတားနည်းလမ်းအသုံးပြုခြင်တို့ကို အကြံပေးမှာဖြစ်ပါတယ်။ သုက်ကောင်ဟာ အမျိုးသမီး မျိုးပွားလမ်းကြောင်းအတွင်းမှာ ၅ ရက်အထိ ရှိနေနိုင်ပြီး IUD ဖယ်ရှားလိုက်တာနဲ့ ချက်ချင်း ကိုယ်ဝန်ရနိုင်လို့ဖြစ်ပါတယ်။ IUD ကိုဖယ်ရှားပြီးတာနဲ့၊ သင်ဟာ အသစ်တခုချက်ချင်းထည့်သွင်းခြင်း သို့မဟုတ် အခြား သန္ဓေတားနည်းလမ်းချက်ချင်းအသုံးပြုခြင်း လုပ်နိုင်ပါတယ်။ သန္ဓေတားနည်းလမ်းအသစ်တခု မထိရောက်ခင်မှာ ကွန်ဒုံးလိုမျိုး အကာအကွယ်ကို အသုံးပြုပါ။

သန္ဓေတား IUD ဖယ်ရှားမှုပြီးနောက် မည်မျှအကြာတွင် ကျွန်ုပ်၏ ဓမ္မတာလာမလဲ?

သင့်ရဲ့ ဓမ္မတာကာလဟာ သန္ဓေတား IUD မထည့်သွင်းခင်တွင် ပုံမှန်ဖြစ်ပါက၊ သန္ဓေတား IUD ဖယ်ရှားမှုပြီးနောက် သင့်ရဲ့ ပုံမှန်ကာလအတွင်း ပြန်ရောက်ဖြစ်ပေါ်ဖို့ မျှော်လင့်နိုင်ပါတယ်။ အချို့သူများအတွက် ဓမ္မတာကာလဟာ ချက်ချင်းပြန်လည်ရောက်ရှိလာပြီး၊ အချို့သူများအတွက်ကတော့ ၃ လအထိ ကြာမြင့်နိုင်ပါတယ်။

ကျွန်ုပ်၏ သန္ဓေတား IUD ကို အိမ်တွင် ဖယ်ရှားနိုင်ပါသလား?

လူတွေဟာ သူတို့ရဲ့ IUD များကို ကိုယ်တိုင်ကိုယ်ကျ ဖယ်ရှားတဲ့ ဇာတ်လမ်းတွေ သင်အွန်လိုင်းပေါ်မှာ တွေ့နိုင်ပါလိမ့်မယ်။ ဒီလိုလုပ်ဆောင်ခြင်းကို ကျွန်ုပ်တို့ အကြံမပေးပါဘူး။ ဒီလိုလုပ်ဆောင်ခြင်းဟာ အန္တရာယ်ကင်းရဲ့လားဆိုတာ သိဖို့ လုံလောက်တဲ့ သုတေသနမရှိသေးပါဘူး။ သင့်ရဲ့ IUD နဲ့ပတ်သက်ပြီး အဆင်မပြေဘးဆိုရင်၊ သင့်ရဲ့ ကျန်းမာရေးဝန်ဆောင်မှုပေးသူထံသွားရောက်ကာ ဖယ်ရှားခြင်းက အန္တရာယ်ကင်းရှင်းစွာလုပ်ဆောင်မှု ဖြစ်စေပါမယ်။ ပြီးတော့ အခြား သန္ဓေတားနည်းလမ်းရွေးချယ်စရာများအကြောင်း ဆွေးနွေးဖို့လည်း အခွင့်အရေးဖြစ်ပါမယ်။ သင်ဟာ ကိုယ်ဝန်ဆောင်ဖို့ အဆင်သင့်ပဲဆိုရင်တော့၊ ကျန်းမာသော ကိုယ်ဝန်ဆောင်မှုတခုအတွက် သင်လုပ်ဆောင်သင့်တဲ့ အရာများကို သင့်ရဲ့ ကျန်းမာရေးဝန်ဆောင်မှုပေးသူနှင့် ပြောဆိုနိုင်ပါတယ်။

Next

သန္ဓေတား IUD ၏အကျိုးကျေးဇူးများက ဘာလဲ?

next link title

Next

next link title

သန္ဓေတား IUD ၏အကျိုးကျေးဇူးများက ဘာလဲ?

သန္ဓေတားမေးခွန်း

သင့်အတွက်အကောင်းဆုံးနည်းလမ်းကို ရွေးချယ်ရာမှာ အကူအညီလိုပါသလား? ကျွန်ုပ်တို့ရဲ့ သန္ဓေတားမေးခွန်းကို ဖြေလိုက်ပါ။

ရိုးရှင်းတဲ့ မေးခွန်းအချို့ကို ဖြေလိုက်ပါ၊ ပြီးရင် အဖြေများအပေါ် မူတည်ပြီးတော့ ကျွန်ုပ်တို့ဟာ သင့်အတွက် ထိရောက်နိုင်မဲ့ သန္ဓေတားနည်းလမ်းတွေကို အကြံပေးပါမယ်။

မေးခွန်းကိုဖြေပါ

External Condom

Compare with similar Contraceptive Methods

Are you wondering if condoms are better than daily pills? Or if you should opt for a birth control implant? We're here to assist you in making this decision. You can select up to 5 contraceptive methods and compare them side by side to weigh the pros and cons of each.

Give a try to our Contraceptive Tool

In the example below, you'll find similar methods to the one you're currently reading about. Feel free to click on any that catch your interest or revisit our Contraceptive Methods page

Compare Methods Compare Methods

သန္ဓေတားထိုးဆေး

Hormonal

ဒါဘာလဲ။

သန္ဓေတားထိုးဆေးဟာ အမျိုးသမီးခန္ဓာကိုယ်တွင် တွေ့ရသည့် ဟော်မုန်းများ၏ လူလုပ်ဗားရှင်းများပါဝင်သည့် အရည်ဖြစ်ပါတယ်။ ကိုယ်ဝန်ကာကွယ်ရန်အတွက် ၎င်းကို ခန္ဓာကိုယ်အတွင်းသို့ ထိုးသွင်းပါတယ်။

ထိရောက်မှု

၎င်းဟာ ၉၆-၉၇% ထိရောက်ပါတယ်။

အားသာချက်များ

၎င်းဟာ ရေတိုကာကွယ်ခြင်းအတွက် ကောင်းမွန်တဲ့ ရွေးချယ်စရာဖြစ်ပါတယ် – တစ်၊ နှစ် ဒါမှမဟုတ် သုံးလ (ရရှိနိုင်သည့် အမျိုးအစားအပေါ် မူတည်၍)။
၎င်းကို ဖွက်ရလွယ်ပါတယ်၊ မည်သူမှ သိမှာမဟုတ်ပါဘူး။
ပရိုဂျက်စတင်သီးသန့်ထိုးဆေးများဟာ အက်စတိုဂျင်ပါဝင်သောသန္ဓေတားနည်းလမ်းများမသုံးနိုင်သူများအတွက် ကောင်းပါတယ်။

အားနည်းချက်များ

သင်ဟာ တစ်၊ နှစ် ဒါမှမဟုတ် သုံးလတစ်ခါ ထိုးဆေးထိုးရမှာဖြစ်တာကြောင့် ၎င်းဟာ ပုံမှန်ထိန်းသိမ်းမှုလိုပါတယ်။
အဖြစ်အများဆုံးဘေးထွက်ဆိုးကျိုးများမှာ ဓမ္မတာများပိုပြီးပျော့လာခြင်း၊ ပိုတိုခြင်း ဒါမှမဟုတ် အဖြစ်နည်းခြင်း နဲ့ သွေးစိမ့်ခြင်း၊ မမျှော်လင့်သော သွေးဆင်းခြင်းတို့ဖြစ်နိုင်ပါတယ်။ ဘေးထွက်ဆိုးကျိုးများမှာ အန္တရာယ်မရှိပါဘူး။ ပရိုဂျက်စတင်သီးသန့်ထိုးဆေးများဟာ သုံးစွဲမှုရပ်တန့်ပြီးသော်လည်း ကိုယ်ဝန်ရနိုင်ချေ နှောင့်နှေးမှုဖြစ်နိုင်ပါတယ်။
အခြားဘေးထွက်ဆိုးကျိုးများထဲမှာ ခေါင်းကိုက်ခြင်းများ၊ ခေါင်းမူးခြင်း၊ လိင်ဆန္ဒပြောင်းလဲခြင်း၊ စိတ်ဓာတ်ကျခြင်း၊ စိတ်ခံစားမှုပြောင်းလဲခြင်းများ၊ ရင်သားပျော့ခြင်း နဲ့ ရင်ပြည့်ခြင်းတို့ ဖြစ်ပါတယ်။

သန္ဓေတားဆေး ထည့်သွင်းခြင်း။

Hormonal

သန္ဓေတားလက်မောင်းထည့်ပစ္စည်းဟာ ကိုယ်ဝန်ကာကွယ်ရန် လက်မောင်းအပေါ်ပိုင်းအတွင်းသို့ ထည့်သွင်းရတဲ့ သေးငယ်ပြီးပါးလွှာတဲ့ ပရိုဂျက်စတင်အချောင်းဖြစ်ပါတယ်။

၎င်းဟာ ၉၉.၉% ထိရောက်ပါတယ်။

၎င်းဟာ မမြင်သာသောကြောင့် လိုက်ရှာသူများမှ လွဲ၍ အခြားသူများထံမှ ဖွက်ရန်လွယ်ပါတယ်၊။
၎င်းကို သုံးရတာလွယ်ပါတယ်။ထည့်သွင်းပြီး မေ့ထားလိုက်ရုံပါပဲ။
၎င်းဟာ သုံးနှစ် ကနေ ငါးနှစ်အထိ ကြာရှည်ခံသော ကာကွယ်မှုပေးပါတယ်။”

အဖြစ်များဆုံးဘေးထွက်ဆိုးကျိုးကတော့ ပုံမှန်မဟုတ်သည့် သွေးဆင်းခြင်းဖြစ်ပါတယ် – သွေးနည်းနည်းဆင်းခြင်း ဒါမှမဟုတ် သွေးစိမ့်ခြင်း – သို့မဟုတ် သင့်လစဥ် ဓမ္မတာရပ်သွားတာမျိုးဖြစ်နိုင်ပါတယ်။
အခြားဖြစ်နိုင်သည့် ဘေးထွက်ဆိုးကျိုးများတွင် ခေါင်းကိုက်ခြင်းများ၊ အော့အန်လိုခြင်း၊ ရင်သားနူးညံ့လာခြင်း၊ အစာစားချင်စိတ်ပြောင်းလဲခြင်း နှင့် ဝက်ခြံ ဆိုးလာခြင်း သို့မဟုတ် ပိုကောင်းခြင်း ဖြစ်နိုင်ပါတယ်။

မွေးဖွားမှုထိန်းချုပ်ရေးကွင်း

Hormonal

မအင်္ဂါအကွင်းဟာ သန္ဓေတားနည်းလမ်းအဖြစ် မအင်္ဂါထဲသို့ ထည့်သွင်းရတဲ့ သေးငယ်ပြီးကွေးဆန့်နိုင်တဲ့ အကွေးဖြစ်ပါတယ်။

၎င်းဟာ ၉၃-၉၉% ထိရောက်ပါတယ်။

၎င်းဟာ ပုံမှန်ဖြစ်သော၊ နာကျင်မှုနည်းသော၊ အားပျော့သော ဓမ္မတာများဖြစ်စေနိုင်ပါတယ်။
အခြားဟော်မုန်းပါဝင်သော သန္ဓေတားနည်းလမ်းများနဲ့ နှိုင်းယှဥ်ရင် ၎င်းမှာ ဟော်မုန်းပမာဏပိုနည်းပါတယ်။
သုံးစွဲမှုရပ်လိုက်ပြီးတဲ့နောက်မှာ ၎င်းဟာ ကိုယ်ဝန်ဆောင်နိုင်တဲ့ စွမ်းရည်ကို မနှောင့်နှေးစေပါဘူး။

သင်ဟာ တစ်လတစ်ကြိမ်၊ အချိန်မှန် ၎င်းကို လဲလှယ်ရမှာဖြစ်တဲ့အတွက် ပုံမှန်အားထုတ်မှုလိုအပ်ပါတယ်။
၎င်းဟာ ရေရှည်ကာကွယ်ခြင်းကို မပေးစွမ်းပဲ ပုံမှန်အသုံးပြုမှာသာလျှင် ထိရောက်ပါတယ်။ ၎င်းကို သုံးပတ်ထည့်ရပြီး နောက်ဆုံးအပတ်မှာ မထည့်ရပါဘူး။
အဖြစ်အများဆုံးဘေးထွက်ဆိုးကျိုးကတော့ ပထမလအနည်းငယ်အတွင်း ပုံမှန်မဟုတ်သော သွေးဆင်းခြင်းဖြစ်ပြီး၊ နောက်ပိုင်းမှာတော့ ပိုအားပျော့သော၊ ပုံမှန်ပိုဖြစ်သော သွေးဆင်းခြင်းများဖြစ်နိုင်ပါတယ်။
အခြားဘေးထွက်ဆိုးကျိုးများမှာ ခေါင်းကိုက်ခြင်းများ၊ အော့အန်လိုခြင်း၊ ရင်ပြည့်ခြင်း၊ ရင်သားများနာခြင်း၊ ကိုယ်အလေးချိန်ပြောင်းလဲခြင်းများ နဲ့ မအင်္ဂါပိုးဝင်ခြင်းတို့ဖြစ်နိုင်ပါတယ်။

ကပ်ခွာပြား

Hormonal

အပြားဟာ ပရိုဂျက်စတင် နဲ့ အက်စတိုဂျင်ပါဝင်သော ပါးလွှာပြီး လေးထောင့်ဖြစ်တဲ့ ၅ စင်တီမီတာပတ်လည် ဆေးပလာစတာလိုမျိုး ပစ္စည်းဖြစ်ပါတယ်။ ကိုယ်ဝန်ကာကွယ်ရန်အတွက် ၎င်းကို ခန္ဓာကိုယ်မှာ ကပ်ရပါတယ်။

၎င်းဟာ ၉၃-၉၉% ထိရောက်ပါတယ်။

၎င်းဟာ ပိုမိုပုံမှန်ဖြစ်သော၊ ပျော့သော၊ နာကျင်မှုနည်းသော ဓမ္မတာများဖြစ်စေနိုင်ပါတယ်။
သင် အန်တာ ဒါမှမဟုတ် ဝမ်းလျှောတာဖြစ်ရင်တောင် ၎င်းဟာ ထိရောက်နေဦးမှာပါ။
သုံးစွဲမှုရပ်ပြီးနောက်မှာ ၎င်းဟာ ကိုယ်ဝန်ရနိုင်စွမ်းကို မနှောင့်နှေးစေပါဘူး။

၎င်းကို သင့်ခန္ဓာကိုယ်ပေါ်မှာမြင်နိုင်သောကြောင့် ဖွက်ရတာခက်ပါတယ်။
၎င်းဟာ အားထုတ်မှုအများအပြားလိုအပ်ပါတယ်။ ကပ်ခွာအပြားအသစ်တစ်ခုကို တစ်ပတ်တစ်ခု၊ သုံးပတ်အတွက် ကပ်ရပါတယ်၊ ပြီးသွားရင် နောက်ဆုံးအပတ်မှာတော့ မကပ်ရပါဘူး။
၎င်းဟာ ရေရှည်ကာကွယ်မှုမပေးပါဘူး၊ ပြီးတော့ လစဥ်ဓမ္မတာကာလအတွင်း မှန်ကန်စွာသုံးမှသာ ၎င်းဟာ ထိရောက်ပါတယ်။
အဖြစ်အများဆုံးဘေးထွက်ဆိုးကျိုးကတော့ ပထမလအနည်းငယ်အတွင်း ပုံမှန်မဟုတ်သော သွေးဆင်းခြင်းဖြစ်ပါတယ်၊ ပြီးရင် ပိုအားပျော့သော၊ ပုံမှန်ပိုဖြစ်သော သွေးဆင်းခြင်းများ ဖြစ်နိုင်ပါတယ်။
အခြားဘေးထွက်ဆိုးကျိုးများမှာ အသားအရေ ဓာတ်မတည့်ခြင်း၊ အော့အန်လိုခြင်း၊ ခေါင်းကိုက်ခြင်း၊ ရင်သားနူးညံ့ခြင်း နဲ့ မအင်္ဂါပိုးဝင်ခြင်းတို့ဖြစ်ပါတယ်။ ဘေးထွက်ဆိုးကျိုးများမှာ အန္တရာယ်မရှိပဲ လအနည်းငယ်အကြာမှာ ပျောက်သွားပါမယ်။

အရေးပေါ်သန္ဓေတား (မနက်ပြီးနောက်)သောက်ဆေးများ

Hormonal

စိတ်မချရပဲလိင်ဆက်ဆံပြီးနောက် ကိုယ်ဝန်ကိုတားဆီးပါ

၎င်းဟာ ၉၉% ထိရောက်ပါတယ်။

၎င်းဟာ ပုံမှန်ဟော်မုန်းမပါဝင်သော သန္ဓေတားနည်းလမ်းအသုံးမပြုနိုင်သည့် အမျိုးသမီးများအပါအဝင် အမျိုးသမီးတိုင်းအတွက် အန္တရာယ်ကင်းပါတယ်။
၎င်းကို ရယူရန် ဆရာဝန်ဆေးစာ ဒါမှမဟုတ် ဆေးဝါးဆိုင်ရာ တိုင်ပင်ဆွေးနွေးမှု မလိုအပ်ပါဘူး။
၎င်းဟာ သန္ဓေအောင်နိုင်မှုပြန်ဖြစ်ခြင်းကို မနှောင့်နှေးစေပါဘူး။

၎င်းကို ဖွက်ဖို့ မလွယ်ပါဘူး။ သင့်အိတ်ထဲတွင် ၎င်းကို တွေ့နိုင်ပါတယ်။
၎င်းဟာ ရေရှည် ကိုယ်ဝန်ကာကွယ်ခြင်းကို မပေးစွမ်းပါဘူး။ ၎င်းဟာ တစ်ကြိမ်တစ်ခါ ကာကွယ်ခြင်းကို ပေးပြီးတော့ အကာအကွယ်မဲ့ လိင်ဆက်ဆံမှုအပြီး ငါးရက်အတွင်း သောက်မှသာ ထိရောက်ပါတယ်။
၎င်းဟာ ခေါင်းမူးခြင်း၊ အော့အန်လိုခြင်း၊ အနည်းငယ်ပုံမှန်မဟုတ်သော မအင်္ဂါသွေးဆင်းခြင်း နဲ့ ပင်ပန်းမှုဖြစ်စေနိုင်ပါတယ်။ ဘေးထွက်ဆိုးကျိုးများဟာ အန္တရာယ်မရှိပါဘူး။
၎င်းကို ပုံမှန်သန္ဓေတားနည်းလမ်းအဖြစ် အသုံးပြုရန် အကြံမပေးပါဘူး။

Need to learn more things?

Read about other Contraceptive methods

See All Methods

See All Methods

Search my best contraceptive method.

သန္ဓေတား IUD FAQ's

သန္ဓေတား IUD FAQ's

Have some questions about သန္ဓေတား IUD ?

See All Methods

See All Methods

Search my best contraceptive method.

သန္ဓေတား IUD FAQ's

Have some questions about သန္ဓေတား IUD ?

Our Monthly Top Articles

See all articles