ပြင်ပလိင်ဆက်ဆံခြင်းဟာ လိင်မဆက်ဆံခြင်းပုံစံတမျိုးဖြစ်ပါသလား?

In this section

Key details

အရေးပေါ်နည်းလမ်း
ဖျောက်ရန်လွယ်ကူသည်
ဟော်မုန်းမဟုတ်သော
တာရှည်ခံ ကာကွယ်မှု
ယောက်ျားခန္ဓာကိုယ်အတွက်
အလွန်ထိရောက်သော
STI လိင်မှတဆင့်ကူးစက်သောရောဂါများ ကာကွယ်ခြင်း
၃၅ နှစ်ကျော်
ဆေးလိပ်သောက်သူ

ပြင်ပလိင်ဆက်ဆံခြင်းဟာ လိင်မဆက်ဆံခြင်းပုံစံတမျိုးဖြစ်ပါသလား?

ပြင််ပလိင်ဆက်ဆံခြင်းဆိုတာဘာလဲ?

Cosmopolitan အရ “ပြင်ပလိင်ဆက်ဆံခြင်း” အခေါ်အဝေါ်ကို ၁၉၈၀ ခုနှစ်များမှာ လိင်မှုပညာရှင် နှင့် စာရေးဆရာ ကာရိုကွင်းမှ စတင်သုံးစွဲခဲ့ခြင်းဖြစ်ပါတယ်။ သူမဟာ “လိင်ဆက်ဆံမှု” နှင့် ထိုးသွင်းလိင်ဆက်ဆံမှုမပါဝင်ပဲ အခြားလိင်ပိုင်းဆိုင်ရာကျေနပ်စရာကောင်းသည့်အရာများ အကြားခြားနားချက်ကို လူအများနားလည်စေလိုခဲ့ပါတယ်။

ပြင်ပလိင်ဆက်ဆံခြင်းဟာ မအင်္ဂါအတွင်း လိင်တံထည့်သွင်းသည့် လိင်ဆက်ဆံခြင်းမပါဝင်သော နီးစပ်သည့် သို့မဟုတ် လိင်ပိုင်းဆိုင်ရာလုပ်ဆောင်မှုများဖြစ်ပါတယ်။ သင်ဟာ မအင်္ဂါလိင်ဆက်ဆံမှုမှ ရှောင်ရှားထားသော်လည်း သင်ဟာ အခြား လိင်မှုကိစ္စများကို လုပ်ဆောင်နိုင်ပါသေးတယ်။ မတူညီသောလူများမှ လိင်ဆက်ဆံမှုအား အဓိပ္ပာယ်ဖွဲ့ဆိုခြင်းအပေါ်မူတည်၍ အချို့သူများဟာ ပြင်ပလိင်ဆက်ဆံခြင်းအား လိင်မဆက်ဆံခြင်းပုံစံတမျိုးအဖြစ် ရှုမြင်ကြပါတယ် (၄)။

လိင်မဆက်ဆံခြင်းကဲ့သို့ပဲ ပြင်ပလိင်ဆက်ဆံခြင်းရဲ့ အဓိပ္ပာယ်များဟာ ခြားနားပါတယ်။ အချို့သူများအတွက် ပြင်ပလိင်ဆက်ဆံခြင်းဟာ မအင်္ဂါ၊ စအို သို့မဟုတ် ပါးစပ်အတွင်းသို့ ထိုးသွင်းမှုမပါဝင်သော အခြားကိစ္စများကိုဆိုလိုပြီး အခြားသူများကတော့ လိင်တံမပါဝင်သော မအင်္ဂါ၊ စအို နှင့် ပါးစပ်အတွင်းထိုးသွင်းမှုတို့ရှိသည့် မည်သည့်လိင်မှုကိစ္စမဆို ပါဝင်တယ်လို့ မြင်ပါတယ်။ သင့်ရဲ့ ကိုယ်ပိုင်အဓိပ္ပာယ်ဖွင့်ဆိုမှုအပေါ်မူတည်ပြီး ပြင်ပလိင်ဆက်ဆံခြင်းအဖြစ်သတ်မှတ်နိုင်တဲ့ လုပ်ဆောင်မှုများကို အောက်တွင်ဖော်ပြထားပါတယ်။

ပြင်ပလိင်ဆက်ဆံမှုအဖြစ်ရှုမြင်သော လုပ်ဆောင်မှုများ

စအိုလိင်ဆက်ဆံမှု

၎င်းကို မည်သည့်လိင်အမျိုးအစားမဆို လိင်တံ သို့မဟုတ် sex toy တို့ဖြင့် လုပ်ဆောင်နိုင်ပါတယ်။ စအိုလိင်ဆက်ဆံမှုအတွက် အသုံးပြုသော အရုပ်များဟာ မအင်္ဂါထိုးသွင်းခြင်းအတွက် အသုံးပြုသော အရုပ်များနှင့် ခြားနားနိုင်ပါတယ်။

အချို့လူများဟာ စအိုလိင်ဆက်ဆံခြင်းကို လိင်မဆက်ဆံခြင်းပုံစံတမျိုးအဖြစ်ရှုမြင်ကြသော်လည်း၊ အချို့ကတော့ ၎င်းကို လိင်မဆက်ဆံခြင်း သို့မဟုတ် ပြင်ပလိင်ဆက်ဆံခြင်းမဟုတ်သည့် အပြည့်အဝလိင်ဆက်ဆံမှုအဖြစ် ရှုမြင်ပါတယ်။

သင် စအိုလိင်ဆက်ဆံမှုအားမည်သည့်ပုံစံဖြင့် သတ်မှတ်သည်ဖြစ်စေ၊ STI ကူးစက်မှုအန္တရာယ်ကို ရှောင်ရှားရန်အတွက် အောက်ပါသတိထားခြင်းများကို လုပ်ဆောင်ရပါမယ်

– အကာအကွယ်အသုံးပြုခြင်း (ပြင်ပ သို့မဟုတ် အတွင်း ကွန်ဒုံးများကို အကြံပြုပါတယ်)၊
– မအင်္ဂါ နှင့် စအိုအတွက် တူညီသောအရုပ်အား သန့်ရှင်းရေးမလုပ်ပဲ သုံးစွဲခြင်းမှ ရှောင်ရှားခြင်း၊ နှင့်
– ကောင်းမွန်သည့်စအိုသန့်ရှင်းရေးထိန်းသိမ်းခြင်း။

ပါးစပ်လိင်ဆက်ဆံမှု

ဒီလိင်ဆက်ဆံမှုမှာ သင့်လက်တွဲဖော်မှ ၎င်းတို့ရဲ့ ပါးစပ်ကို လိင်အင်္ဂါများအပါအဝင် သင့်ရဲ့ ခံစားမှုနေရာများအတွက်အသုံးပြုခြင်းပါဝင်ပါတယ်။ ကောင်းမွန်သည့်ပြောဆိုဆက်ဆံမှုနှင့်အတူ၊ ပါးစပ်လိင်ဆက်ဆံမှုဟာ သင့်လက်တွဲဖော်အားစိတ်ကျေနပ်စေမည့် နည်းလမ်းတခုဖြစ်နိုင်ပါတယ်။ အချို့သူများဟာ ပါးစပ်လိင်ဆက်ဆံမှုအား လိင်မဆက်ဆံခြင်း သို့မဟုတ် ပြင်ပလိင်ဆက်ဆံခြင်းပုံစံတစ်မျိုး အဖြစ် မမြင်ကြပါဘူး။

မည်သို့ပင်ဖြစ်စေ၊ ပါးစပ်လိင်ဆက်ဆံမှုဟာ သင် သို့မဟုတ် သင့်လက်တွဲဖော်ကို STI များကူးစက်ခြင်းမှမကာကွယ်ပေးနိုင်ပါဘူး။ ကွန်ဒုံး သို့မဟုတ် သွားအကာကဲ့သို့ ရာဘာစေးအကာအကွယ်သုံးစွဲပြီး ကာကွယ်ရန် သေချာပါစေ။ ဒီလိုလုပ်ဆောင်ခြင်းဟာ မအင်္ဂါအရည် နှင့် သုက်ရည်များ သို့မဟုတ် သင်၊ သင့်လက်တွဲဖော် ခန္ဓာကိုယ်အစိတ်အပိုင်းအမျိုးမျိုးမှ အခြားမည်သည့်အန္တရာယ်ရှိနိုင်သော အရာဝတ္ထုမဆိုအား သင့်ပါးစပ်အတွင်း ဝင်ရောက်ခြင်းကို ကာကွယ်ပေးနိုင်မှာဖြစ်ပါတယ်။

သင့်လက်တွဲဖော်၏လက်ဖြင့်အာသာဖြေပေးခြင်း

လက်တွဲဖော်များအချင်းချင်း လက်များ နှင့် လက်ချောင်းများ (fingering) အပါအဝင် ၎င်းတို့ခန္ဓာကိုယ်၏အခြားအစိတ်အပိုင်းများဖြင့် တဦးနှင့်တဦး အာသာဖြေပေးနိုင်ပါတယ်။

ပွတ်တိုက်ခြင်း

၎င်းမှာ သင့်လက်တွဲဖော်၏ခန္ဓာကိုယ်နှင့် ကျေနပ်မှုရှိစေရန် ပွတ်ဆွဲခြင်းပါဝင်ပါတယ်။ ဒီလိုလုပ်ဆောင်ခြင်းမှာ အဝတ်အစားများမချွတ်ပဲ လိင်ဆက်ဆံသကဲ့သို့ ပြုမူခြင်းပါဝင်ပါတယ်။

Sex toy များအသုံးပြုခြင်း

၎င်းဟာ သင် သို့မဟုတ် သင့်လက်တွဲဖော်ရဲ့ လိင်စိတ်ကြွစေနိုင်တဲ့နေရာများအား လိင်မှုကိစ္စများ နှင့် အာသာဖြေရန် ထုတ်လုပ်ထားတဲ့ အရုပ်များ သုံးစွဲပြီး ထကြွစေခြင်းဖြစ်ပါတယ်။ မတူညီသော လိင်မှုကိစ္စများအတွက် sex toy အမျိုးမျိုးရှိပါတယ်။

ပါးစပ် နှင့် စအိုလိင်ဆက်ဆံမှုများကဲ့သို့ပင်၊ အချို့သူများဟာ sex toy များအသုံးပြုခြင်းကို လိင်မဆက်ဆံခြင်း သို့မဟုတ် ပြင်ပလိင်ဆက်ဆံခြင်းပုံစံတမျိုးအဖြစ် မမြင်ကြပါဘူး။ အချို့သူများကတော့ ၎င်းမှာ မအင်္ဂါအတွင်းလိင်တံသွင်းခြင်းဆက်ဆံမှုမပါဝင်တဲ့အတွက် ဖြစ်တယ်လို့ မြင်ကြပါတယ်။

Sex toy များဟာ ကိုယ်ဝန် မရစေနိုင်သော်လည်း ၎င်းတို့ဟာ လိင်မှတဆင့်ကူးစက်ရောဂါများ (STI) များကို ကူးစက်စေနိုင်ပါတယ်။ Sex toy များအသုံးပြုပါက၊ မြင့်မားသောသန့်ရှင်းရေးစံနှုန်းများထိန်းသိမ်းပြီး အောက်ပါအန္တရာယ်ကင်းရှင်းရေးသတိထားမှုများလိုက်နာကြောင်းသေချာပါစေ :

– သုံးစွဲပြီးတိုင်း သင့်ရဲ့ sex toy များကို အားပျော့သော ဆပ်ပြာဖြင့် ဆေးကြောရန် အမြဲသတိရပါ။
– Sex toy များကို ဝေမျှမသုံးပါနှင့်၊ အထူးသဖြင့် ထိုးသွင်းရန် အသုံးပြုသော အရုပ်များ။ ဝေမျှရန် သင်ဆုံးဖြတ်ပါက၊ ဝေမျှသုံးထားသောပစ္စည်းအပေါ်တွင် ကွန်ဒုံးသုံးစွဲရန် သေချာပါစေ။
– စအို နှင့် မအင်္ဂါထိုးသွင်းခြင်းတို့အတွက် တူညီသောအရုပ်ကို ဆက်တိုက် သုံးစွဲခြင်းမှ ရှောင်ကြဥ်ပါ။ စအိုထိုးသွင်းခြင်းအတွက် သုံးစွဲသောအရုပ်ကို အခြားနေရာများတွင် မသုံးစွဲခင် အရင်ဆုံး သန့်ရှင်းရေးလုပ်ပါ။

နမ်းခြင်း

၎င်းကို ယေဘုယျအားဖြင့် လိင်ဆက်ဆံမှုပုံစံတမျိုးဟု မမှတ်ယူပါ။ အချို့အတွဲများဟာ ထိုးသွင်းလိင်ဆက်ဆံမှုများကို ရှောင်ရှားစဥ် နမ်းရှုံ့ခြင်းဖြင့် ကိုယ်ဝန်ကာကွယ်နိုင်ပါတယ်။

အပြန်အလှန်အာသာဖြေပေးခြင်း

အချို့အတွဲများအတွက် အပြန်အလှန်အာသာဖြေပေးခြင်း (သင့်လက်တွဲဖော်နှင့်အတူ အာသာဖြေခြင်း)ဟာ ထိုးသွင်းလိင်ဆက်ဆံမှု နှင့် နောက်ဆက်တွဲ ကိုယ်ဝန်အန္တရာယ်တို့ကို ရှောင်ရှားနိုင်သော နည်းလမ်းတခုအဖြစ် ရှုမြင်ကြပါတယ်။

နှိပ်ပေးခြင်း

လိင်မဆက်ဆံခြင််းကျင့်သုံးနေသော အတွဲများအတွက် လက်တွဲဖော်နှင့် အပြန်အလှန်နှိပ်ပေးခြင်းဟာ လိင်ပိုင်းဆိုင်ရာကျေနပ်မှုဖြစ်စေနိုင်ပါတယ် (၆)။

ပြင်ပလိင်ဆက်ဆံမှုမှ သင်ကိုယ်ဝန်ရနိုင်ပါသလား?

ဟုတ်ပါတယ်။ သုက်ကောင်များ မအင်္ဂါအတွင်း ဝင်ရောက်သည့်အခါ ဒီလိုဖြစ်ပေါ်ပါတယ်။ ဥပမာအားဖြင့်၊ ထောင်မတ်နေသော လိင်တံမှ မအင်္ဂါနှင့် ထိတွေ့သည့်အခါ၊ လက်တွဲဖော်မှ မအင်္ဂါနှင့် နီးကပ်စွာ သုက်လွှတ်သည့်အခါ၊ သို့မဟုတ် သုက်ရည်နှင့်ထိတွေ့ထားသည့် လက်ချောင်းများမှ သန့်ရှင်းရေးမလုပ်ခင် မအင်္ဂါနှင့် ထိတွေ့သည့်အခါ တို့ဖြစ်ပါတယ်။

သုက်ရည်များကို မအင်္ဂါအတွင်းသို့ထည့်သွင်းခြင်းမရှိသည့် မည်သည့်လိင်ကိစ္စမဆို ကိုယ်ဝန်မရစေနိုင်ပါ။

ပြင်ပလိင်ဆက်ဆံမှုမှ လိင်မှတဆင့်ကူးစက်ပိုးများ ရနိုင်ပါသလား?

ရနိုင်ပါတယ်။ ပြင်ပလိင်ဆက်ဆံမှုပြုလုပ်ခြင်းဟာ သင့်ကို STI မှ အကာအကွယ်မပေးပါဘူး။ အချို့သော ရောဂါပိုးများမှာ ပါးစပ်မှ၊ စအိုမှ သို့မဟုတ် အရေပြားအချင်းချင်းထိတွေ့ခြင်းမှ ကူးစက်ပါတယ်။

“လိင်ပိုင်းဆိုင်ရာမြှုပ်ထားခြင်း” ဟာ ပြင်ပလိင်ဆက်ဆံမှုပုံစံတမျိုးဖြစ်ပါသလား?

“လိင်ပိုင်းဆိုင်ရာမြှုပ်ထားခြင်း” ဟာ TikTok ပေါ်တွင် မော်မွန်ဆယ်ကျော်သက်များမှ ကျော်ကြားသွားစေခဲ့တဲ့စကားလုံးဖြစ်ပါတယ်။ ၎င်းတို့ဟာ “မြှုပ်ထားခြင်း”ဆိုတာ ထိုးသွင်းဆက်ဆံမှုပြုလုပ်သော်လည်း ခါးဖြင့်ထိုးသွင်းခြင်း သို့မဟုတ် လှုပ်ရှားခြင်းမရှိသည့် လိင်ဆက်ဆံမှုဟု ခေါ်ဆိုပါတယ်။ ရှင်းလင်းစွာပြောရလျှင်၊ အမျိုးသားမှ မအင်္ဂါထဲသို့ သူ့လိင်တံကိုထည့်သွင်းပြီးနောက် ထပ်မံထိုးသွင်းခြင်းမရှိပဲ မြှုပ်ထားခြင်းဖြစ်ပါတယ်။ ဒီလုပ်ဆောင်မှုဟာ လက်မထပ်ရသေးသော မော်မွန်များအကြား အသုံးများပြီး ကျင့်သုံးသူများဟာ ဒီဟာကို လိင်ဆက်ဆံမှုအဖြစ် မရှုမြင်ကြပါဘူး။

ကျင့်သုံးသူများ၏ “မြှုပ်ထားခြင်း” အဓိပ္ပာယ်မှာ အထုတ်အထည့်ပြုလုပ်ခြင်းမရှိသည့် ထိုးသွင်းခြင်းဟာ လိင်ဆက်ဆံမှုမဟုတ်ဟူသော ကိုယ်ကျင့်တရားဆိုင်ရာယုံကြည်ချက်အပေါ် အခြေခံထားသော်လည်း(ထို့ကြောင့် ဒီဟာက “အပြစ်” မဟုတ်ပါဘူး)၊ ဒီလိုလုပ်ဆောင်ခြင်းဟာ ကိုယ်ဝန်ရှိခြင်း သို့မဟုတ် STI ကူးစက်ခြင်းဖြစ်စေနိုင်ပါတယ်။

ပြင်ပဆက်ဆံမှုကို သင်ဘယ်အချိန်မှာ လုပ်နိုင်သလဲ?

– သင့်လက်တွဲဖော်မှ ထိုးသွင်းလိင်ဆက်ဆံမှုအတွက် စိတ်မဝင်စားသည့်အခါ သို့မဟုတ် အဆင်သင့်မဖြစ်သေးသည့်အခါ။
– သင့်ဟာ အခြားသန္ဓေတားနည်းလမ်းများအသုံးမပြုထားသည့်အခါ။
– သင်ဟာ သန္ဓေအောင်မှုဆိုင်ရာအသိအမြင်နည်းလမ်းကို အသုံးပြုနေပြီး အမျိုးသမီးလက်တွဲဖော်မှ သူမ၏ သန္ဓေအောင်နိုင်သည့် ကာလအတွင်းရောက်ရှိနေသည့်အခါ။
– သင် သို့မဟုတ် သင့်လက်တွဲဖော်မှ နှစ်ယောက်လုံး သို့မဟုတ် တယောက်ယောက်အား လိင်တံမအင်္ဂါအတွင်းထည့်သွင်းခြင်းဆက်ဆံမှု ပြုလုပ်ရန် တားဆီးသည့် ကူးစက်မှု သို့မဟုတ် အခြေအနေရှိသည့်အခါ။

လိင်မဆက်ဆံခြင်းရဲ့ အကျိုးကျေးဇူးများနဲ့ ဘေးထွက်ဆိုးကျိုးများကဘာလဲ?

လိင်မဆက်ဆံခြင်းရဲ့ အကျိုးကျေးဇူးများနဲ့ ဘေးထွက်ဆိုးကျိုးများကဘာလဲ?

သန္ဓေတားမေးခွန်း

သင့်အတွက်အကောင်းဆုံးနည်းလမ်းကို ရွေးချယ်ရာမှာ အကူအညီလိုပါသလား? ကျွန်ုပ်တို့ရဲ့ သန္ဓေတားမေးခွန်းကို ဖြေလိုက်ပါ။

ရိုးရှင်းတဲ့ မေးခွန်းအချို့ကို ဖြေလိုက်ပါ၊ ပြီးရင် အဖြေများအပေါ် မူတည်ပြီးတော့ ကျွန်ုပ်တို့ဟာ သင့်အတွက် ထိရောက်နိုင်မဲ့ သန္ဓေတားနည်းလမ်းတွေကို အကြံပေးပါမယ်။

မေးခွန်းကိုဖြေပါ

Compare with similar Contraceptive Methods

Are you wondering if condoms are better than daily pills? Or if you should opt for a birth control implant? We're here to assist you in making this decision. You can select up to 5 contraceptive methods and compare them side by side to weigh the pros and cons of each.

Give a try to our Contraceptive Tool

In the example below, you'll find similar methods to the one you're currently reading about. Feel free to click on any that catch your interest or revisit our Contraceptive Methods page

Compare Methods Compare Methods

Need to learn more things?

Read about other Contraceptive methods

See All Methods

Search my best contraceptive method.

လိင်မဆက်ဆံခြင်း FAQ's

Have some questions about လိင်မဆက်ဆံခြင်း ?

See All Methods

Search my best contraceptive method.

လိင်မဆက်ဆံခြင်း FAQ's

Have some questions about လိင်မဆက်ဆံခြင်း ?

Our Monthly Top Articles

See all articles