ដើម្បីឲ្យវិធីសាស្ត្រចាក់ទឹកក្រៅពាងមានប្រសិទ្ធភាព បុរសត្រូវដឹងថាពេលណាគាត់បម្រុងនឹងបញ្ចេញទឹកកាម។ ការចាក់ទឹកក្រៅពាងតម្រូវឲ្យមានការយល់ដឹងកម្រិតខ្ពស់ និងសមត្ថភាពក្នុងការទស្សន៍ទាយការបញ្ចេញទឹកកាម និងដកប្រដាប់ភេទចេញមុនពេលដែលវាបញ្ចេញទឹកកាម។
សូមចងចាំថា ទឹករំអិលដែលចេញមុនការបញ្ចេញទឹកកាម ដែលត្រូវបានគេស្គាល់ថាជា pre-cum (សារធាតុរាវម្យ៉ាងដែលត្រូវបានបញ្ចេញដោយលិង្គនៅពេលវាត្រូវបានរំញោចផ្លូវភេទ) ក៏អាចផ្ទុកមេជីវិតឈ្មោលផងដែរ។ ដូច្នេះ ទោះបីជាគាត់ដកលិង្គចេញមុនពេលបញ្ចេញទឹកកាមក៏ដោយ ស្ត្រីនៅតែប្រឈមមុខនឹងការមានផ្ទៃពោះដដែល។
ខណៈពេលដែលវិធីសាស្ត្រនេះអាចត្រូវបានប្រើជាវិធីសាស្ត្រពន្យារកំណើតបឋម ឬបន្ទាប់បន្សំ ដើម្បីធ្វើឲ្យការចាក់ទឹកក្រៅពាងកាន់តែមានប្រសិទ្ធភាព វាត្រូវបានណែនាំឲ្យអ្នកប្រើថ្នាំសម្លាប់មេជីវិតឈ្មោលជាមួយគ្នាផងដែរ។
តើការចាក់ទឹកក្រៅពាងមានប្រសិទ្ធភាពកម្រិតណា?
វិធីសាស្ត្រចាក់ទឹកក្រៅពាង គឺជាវិធីសាស្ត្រពន្យារកំណើតដ៏មានប្រសិទ្ធភាពបំផុតមួយ។
ប្រសិទ្ធភាពរបស់វាភាគច្រើនអាស្រ័យទៅលើសមត្ថភាពរបស់បុរសក្នុងការចងចាំក្នុងការទាញលិង្គចេញពីទ្វារមាសរបស់ស្ត្រីមុនពេលបញ្ចេញទឹកកាម នៅពេលដែលរួមភេទដោយមិនបានការពារ។
តាមការប្រើប្រាស់ធម្មតា មានតែ ៨០% នៃអ្នកប្រើប្រាស់នោះទេដែលអាចការពារពីការមានគភ៌នៅឆ្នាំដំបូងនៃការប្រើប្រាស់។ នេះមានន័យថាស្ត្រី២០នាក់ក្នុងចំណោម១០០នាក់ដែលប្រើវិធីនេះប្រឈមនឹងការមានផ្ទៃពោះ។
នៅពេលប្រើប្រាស់បានត្រឹមត្រូវក្នុងអំឡុងពេលរួមភេទ ៩៤% នៃស្ត្រីនឹងអាចការពារពីការមានផ្ទៃពោះក្នុងរយៈពេលមួយឆ្នាំនៃការប្រើប្រាស់។ នេះមានន័យថាស្ត្រី ៦ នាក់ក្នុងចំនោម ១០០ នាក់ដែលប្រើវិធីសាស្រ្តនេះបានត្រឹមត្រូវនឹងប្រឈមនឹងហានិភ័យនៃការមានផ្ទៃពោះ (ត្រូវចាំថាអ្នកនៅតែអាចមានផ្ទៃពោះពីការបញ្ចេញទឹករំអិលមុនទឹកកាមរបស់បុរស ឬ pre-cum) (4) ។
តើឱកាសនៃការមានផ្ទៃពោះដូចម្តេចដែរ ប្រសិនបើដៃគូរបស់អ្នកដកលិង្គចេញហើយ ដាក់ចូលវិញ?
បរិមាណមេជីវិតឈ្មោល ដែលនៅសេសសល់បន្ទាប់ពីបុរសបានបាញ់ទឹកកាមហើយនៅតែអាចបណ្តាលឲ្យមានគភ៌បាន។ ដើម្បីប្រាកដថាលិង្គគ្មានមេជីវិតឈ្មោលដែលនៅសេសសល់ បុរសត្រូវបត់ជើងតូច និងសម្អាតចុងលិង្គឲ្យស្អាតមុននឹងធ្វើការរួមភេទដែលមានការដាក់បញ្ចូលប្រដាប់ភេទទៅក្នុងទ្វារមាសម្តងទៀត។
