– វាជាវិធីសាស្រ្តធម្មជាតិ ដោយអ្នកមិនត្រូវការថ្នាំ ឬឧបករណ៍ំណាមួយនោះទេ។
– វាមិនមានអរម៉ូននោះទេ។
– វាមិនមានការពន្យាពេលក្នុងការមានកូនវិញទេ។ អ្នកអាចមានផ្ទៃពោះបានភ្លាមៗនៅពេលដែលវិធីសាស្ត្រចាក់ទឹកក្រៅពាងត្រូវបានបញ្ឈប់។
– វាជាវិធីសាស្រ្ពពន្យារកំណើតដែលថោកបំផុត។ សរុបមក វាប្រសើរជាងការមិនប្រើប្រាស់វិធីសាស្រ្តពន្យារកំណើតអ្វីទាល់តែសោះ ហើយវាអត់មានត្រូវចំណាយថវិការទេ។
– វាមិនតម្រូវឲ្យអ្នកទៅជួបអ្នកផ្តល់សេវាថែទាំសុខភាព ឬត្រូវការវេជ្ជបញ្ជានោះទេ (5) ។
តើការចាក់ទឹកក្រៅពាងមានផលប៉ះពាល់អ្វីដែរឬទេ?
វិធីសាស្រ្តចាក់ទឹកក្រៅពាងមិនមានផលប៉ះពាល់ទេ។ ប៉ុន្តែវាមានហានិភ័យនៃការមានផ្ទៃពោះនៅពេលអ្នកដែលមិនទាន់ត្រៀមខ្លួនរួច។
តើអ្វីជាគុណវិបត្តិនៃការចាក់ទឹកក្រៅពាង?
– វាជាការលំបាកក្នុងការអនុវត្តល្អឥតខ្ចោះគ្រប់ពេលវេលាដែលរួមភេទ។ ខណៈពេលដែលការចាក់ទឹកក្រៅពាងតែងតែប្រសើរជាងការមិនមានអ្វីការពារទាល់តែសោះ តែវាពិតជាវិធីសាស្រ្តប្រថុយប្រថានណាស់ ប្រសិនបើអ្នកមិនចង់មានផ្ទៃពោះទាល់តែសោះ។
– អត្រាបរាជ័យនៃការចាក់ទឹកក្រៅពាងគឺខ្ពស់។ ប្រសិនបើអ្នកមិនចង់មានផ្ទៃពោះទេ អ្នកគួរប្រើវិធីសាស្រ្តផ្សេង (5)។
– វាជាត្រូវការចំណាយកម្លាំងច្រើនក្នុងការប្រកាន់ភ្ជាប់។ បុរសត្រូវដកប្រដាប់ភេទចេញរាល់ពេលដែលមានការរួមភេទ។
– វាមិនការពារប្រឆាំងនឹងការឆ្លងជម្ងឺកាមរោញ(STIs) នោះទេ រួមទាំងមេរោគអេដស៍។
– វាពិបាកក្នុងការចងចាំការអនុវត្តប្រសិន បើស្រវឹង។
