Kung magpasya kang ituloy ang pagbubuntis, siguraduhin mong makipag-ugnayan sa iyong healthcare provider. Tutulong sila sa iyo upang magplano ng Mabuti ang pangangalaga na nakabatay sa iyong pangangailangan sa buong panahon ng iyong pagbubuntis.
Dapat ding magsimulang uminom ng mga supplement o pagkain na mayaman sa bitamina tulad ng folic acid at bitamina D, na rekomendado sa panahon ng pagbubuntis; tumigil sa paninigarilyo at pag-inom ng alak; at bawasan ang pagkain ng kapeina. Dapat ding subukan na kumain ng may balanseng nutrisyon at iwasan ang mga pagkain na pinaniniwalaang nakasasama sa pagbubuntis; mag-ehersisyo ng maingat; siguraduhin na ang anumang gamot na iniinom ay ligtas sa pagbubuntis; at mag-ingat sa iyong pisikal at pangkaisipang kalagayan. Maaaring irerekomenda ito ng iyong doktor, pero mas magandang alamin mo na ito bago pa mangyari.
Ang desisyon na maging magulang ay hindi madaling gawin at may karapatan kang pumili kung ano ang gusto mong gawin. Kung ayaw mong pagpapalaglag pero hindi rin naman gusto maging magulang, maaari mong isaalang-alang ang pag-aampon na lamang ng bata.
Ang pagpili ng opsiyong ito ay nangangailangan ng pagdaraan sa pagbubuntis at panganganak, at pagbibigay ng permiso sa ibang tao upang magpalaki sa anak.
Ang pag-aampon ay legal sa mahigit 160 na bansa at higit sa isang-kapat ng milyong mga pag-aampon ang nangyayari sa buong mundo taun-taon. Sa paglipas ng panahon, ang mga tradisyon at batas na nagbibigay-daan sa pag-aampon ay nagbago, na mas naka-focus sa kalagayan ng bata. Gayunpaman, ang mga karapatan ng batang inampon ay nag-iiba-iba depende sa bansa. Sa ibang lugar, ang mga batang ampo ay may parehong mga karapatan tulad ng mga batang isinilang, tulad ng karapatang magmana. Sa ibang lugar, mayroong iba’t-ibang mga patakaran at regulasyon, halimbawa, inaasahan na makipag-ugnayan sa mga magulang na nagluwal.
Depende sa kinaroroonan mo, Maaari kang maghanap ng tao o organisasyon na makapagbibigay sa iyo ng tapat na impormasyon tungkol sa kultura at mga batas, pati na rin ng suporta habang pinag-iisipan mo ang desisyon na ito.
Kung napagpasyahan mong hindi ituloy ang pagbubuntis, maaari kang magpa-laglag. Depende sa kinaroroonan mo, maaaring madali o mahirap ang pag-access sa opsiyong ito. Maaaring makaimpluwensya rin sa pag aaborsyon ang mga lokal na batas at patakaran, tulad ng iyong edad, gaano katagal na ang pagbubuntis, at ang iyong insurance coverage.
May dalawang paraan para magpa-aborsyon: gamit ang mga pill at sa pamamagitan ng isang klnikal na pamamaraan.
Pagpapalaglag sa pamamagitan ng pills
Maaari kang uminom ng pills na pangpalaglag para ipatigil ang pagbubuntis. May dalawang ligtas na paraan: Una, ay ang pag-gamit ang Mifepristone kasama ang Misoprostol, o pag-gamit ang Misoprostol lamang.
Para sa karagdagang impormasyon, maaaring bisitahin ang aming mga kaibigan sa howtouseabortionpill.org at safe2choose.org
Pagpapalaglag sa Kilinika
Ang mga pang klinikang pagpapalaglag ay isinasagawa ng isang kwalipikadong healthcare provider sa isang ospital o klinika. Mayroon ding iba’t ibang ligtas na paraan ng mga in-clinic na abortion, kabilang ang mga sumusunod:
- Manual vacuum aspiration
- Electric vacuum aspiration
- Dilation and evacuation
- Induction abortion
Karaniwang inirerekomenda ng healthcare provider ang isang paraan batay sa kung gaano katagal na ang pagbubuntis, mga batas at patakaran ng bansa, kung mayroong available na gamit, at ang kagustuhan ng provider o pasyente.
Maaari mong mahanap ang karagdagang detalye tungkol sa in-clinic abortion dito
Mayroong iba’t ibang karanasan sa bawat babae tungkol sa abortion. Para sa iba, ito ay simple at direkta lamang; para sa iba, maaaring magdulot ito ng sobrang stress. At ito ay okay lang. Inirerekomenda namin na bisitahin ang aming mga kaibigan sa safe2choose para sa maaasahang impormasyon at suporta tungkol sa abortion o pagpapalaglag.