ပရိုဂျက်စတင်သီးသန့်တားဆေး၏ ဘေးထွက်ဆိုးကျိုးများက ဘာလဲ?
ဘေးထွက်ဆိုးကျိုးများဟာ ကျန်းမာရေးချို့ယွင်းခြင်း လက္ခဏာများ မဟုတ်ကြပါဘူး၊ ဆိုးကျိုးအများစုဟာ ဆေးလုံးသောက်ပြီး ပထမဆုံးလအနည်းငယ်အတွင်း လျော့ကျခြင်း သို့မဟုတ် လုံးဝပျောက်ကွယ်သွားခြင်းဖြစ်ကြပါတယ်။ ၎င်းတို့ဟာ အဖြစ်များကြသော်လည်း အချို့အမျိုးသမီးများမှာ ၎င်းတို့ကို လုံးဝခံစားရခြင်းမရှိပါ။ တားဆေး၏ အဖြစ်များသော ဘေးထွက်ဆိုးကျိုးများမှာ –
– သုံးစွဲသူများ၏ သွေးဆင်းခြင်းပုံစံများပြောင်းလဲခြင်း၊ မမှန်ကန်သော၊ ပုံမှန်မဟုတ်သော၊ များပြားသော နှင့် ကြာရှည်သော သွေးဆင်းခြင်း သို့မဟုတ် လုံးဝ သွေးမဆင်းခြင်း ( နို့တိုက်ခြင်းဟာ သင့်ရဲ့ သွေးဆင်းခြင်းပုံစံများကို သက်ရောက်စေသောကြောင့် နို့တိုက်သော အမျိုးသမီးများသည် ပုံမှန်အားဖြင့် ၎င်းတို့၏ ဓမ္မတာပြန်လာချိန် နှောင့်နှေးခြင်းကို ကြုံတွေ့ရပါတယ်)တို့ပါဝင်ပါတယ်၊
– ခေါင်းကိုက်ခြင်းများ၊
– ခေါင််းမူးခြင်းများ၊
– ဝမ်းဗိုက်နာကျင်ခြင်း၊
– ရင်သားများနာကျင်ခြင်း၊
– စိတ်ခံစားချက်ပြောင်းလဲခြင်းများ၊ နှင့်
– မအီမသာဖြစ်ခြင်း (မအီမသာဖြစ်ခြင်းမှ ရှောင်ကြဥ်ရန်၊ ဆေးလုံးများကို အစားအသောက်နှင့် တွဲသောက်ပါ သို့မဟုတ် အိပ်ရာဝင်ချိန်မှသောက်ပါ)။
နို့တိုက်ခြင်းမရှိသော အမျိုးသမီးများအနေဖြင့် ပိုမိုကြီးမားသော သားဥအိမ်မွေးညင်းပေါက်များဖြစ်ပေါ်နိုင်ပါတယ် [8]။
အန္တရာယ်များ
သန္ဓေတားသောက်ဆေးနှင့်နှိုင်းယှဥ်လျှင်၊ ၎င်းဟာ ကိုယ်ဝန်တားဆီးမှုပေးရာမှာ အနည်းငယ်ထိရောက်မှုနည်းပါတယ်။ ဘာကြောင့်လဲဆိုတော့ ၎င်းဟာ အက်စတိုဂျင်ပါဝင်သော ဆေးလုံးများလောက် မျိုးဥထွက်ခြင်းကို ကောင်းမွန်စွာ မတားဆီးပေးနိုင်လို့ဖြစ်ပါတယ်။
ပရိုဂျက််စတင်သီးသန့်တားဆေးသောက်သုံးနေချိန်တွင် ကိုယ်ဝန်ရှိပါက၊ ၎င်းဟာ သားအိမ်ပြင်ပ သန္ဓေတည်းခြင်းဖြစ်နိုင်သည့် အခွင့်အရေးအနည်းငယ်ရှိပါတယ်။ သို့သော်လည်း သားအိမ်ပြင်ပသန္ဓေတည်ခြင်းဟာ မည်သည့်သန္ဓေတားနည်းလမ်းမျှမသုံးစွဲခြင်းနှင့် နှိုင်းယှဥ်လျှင် ပရိုဂျက်စတင်သီးသန့်တားဆေးသောက်ချိန်တွင် ဖြစ်နိုင်ချေများစွာပါနည်းပါတယ်။
အကယ်၍ သုံးလကြာပြီးနောက် ခံစားနေရသော ဘေးထွက်ဆိုးကျိုးများသည် သင်လက်ခံနိုင်သော ပမာဏထက်များသည်ဟု ခံစားရပါက၊ နည်းလမ်းအသစ်ပြောင်းပြီး သန္ဓေတည်ခြင်းမှ ကာကွယ်ပါ။ သင်နှင့် သင့်လျော်သော နည်းလမ်းရှာဖွေချိန်တွင် ကွန်ဒုံးများဟာ ကောင်းမွန်သော ကာကွယ်မှုပေးပါတယ်။ ပရိုဂျက်စတင်သီးသန့်တားဆေးများဟာ သင့်ကို လိင်မှကူးစက်သောရောဂါများမှ ကာကွယ်မှုမပေးဘူးဆိုတာ မှတ်သားထားပေးပါ။
ပရိုဂျက်စတင််သီးသန့်တားဆေးများဟာ ဝက်ခြံဖြစ်စေနိုင်ပါသလား?
ပရိုဂျက်စတင်ဟာ ဝက်ခြံမဖြစ်စေနိုင်သော်လည်း ၎င်းဟာ ဖြစ်စေနိုင်သည့် အကြောင်းအရင်းများထဲမှ တခုဖြစ်ပါတယ်။ ပရိုဂျက်စတင်ဟာ ဆီဘမ်ကို မြင့်တက်စေပါတယ် (အရေပြားမှထုတ်လုပ်သည့် ကပ်စေးပြီးအဆီများသည့် အရာဝတ္ထု)။ အရေပြားပေါ်တွင် ဆီဘမ်များပြားခြင်းသည် ချွေးပေါက်များကို ပိတ်စေနိုင်ပြီး ဘက်တီးရီးယားများရှင်သန်ရန် အကောင်းဆုံးသောပတ်ဝန်းကျင်ကို ဖြစ်ပေါ်စေနိုင်ပါတယ်။ ဒီအခြေအနေဟာ အသားအရေကို ဝက်ခြံထွက်စေပါတယ်။ ဒီလို ဝက်ခြံအမျိုးအစားကို ဟော်မုန်းနှင့်သက်ဆိုင်သည့် ဝက်ခြံဟု ခေါ်ပါတယ်။ ပရိုဂျက်စတင်သီးသန့်တားဆေးသောက်နေစဥ်အတွင်း ဝက်ခြံထွက်ပါက၊ သင့်ရဲ့ ကျန်းမာရေးဝန်ဆောင်မှုပေးသူအား ကုသရေးရွေးချယ်စရာများတိုင်ပင်ပါတယ်။ ဒီဘေးထွက်ဆိုးကျိုးဟာ သင်လက်ခံနိုင်သည့် ပမာဏထက်ပိုပါက၊ သင်ဟာ အခြားသန္ဓေတားနည်းလမ်းတခုပြောင်းသုံးခြင်းကို အမြဲတမ်းစဥ်းစားနိုင်ပါတယ်။
ပရိုဂျက်စတင်သီီးသန့်တားဆေးများ နှင့် ကင်ဆာအကြား ဆက်နွယ်မှုရှိပါသလား?
PLOS ဆေးဝါးဂျာနယ် မှ မကြာသေးမှီက ပြုလုပ်သော သုတေသနအရ ပရိုဂျက်စတင်သီးသန့်တားဆေးများအသုံးပြုခြင်းသည် တစုံတရောက်အားသန္ဓေတားသောက်ဆေးတွင် တွေ့ရသည့် အန္တရာယ်ကဲ့သို့ ရင်သားကင်ဆာဖြစ်ပွားရန် အလားအလာပေးနိုင်တယ်လို့ သိရှိရပါတယ်။ သို့သော်လည်း၊ ဒီအန္တရာယ်ဟာ အသက်အရွယ်ကြီးသော အမျိုးသမီးများတွင် ပိုမိုများပြားပါတယ်၊ ဒါပေမဲ့ သုံးစွဲမှု ရပ်တန့်ပြီး နှစ်အနည်းငယ်ကြာမြင့်တာနဲ့ ပျောက်ကွယ်သွားမှာဖြစ်ပါတယ်။ အကောင်းဖက်က ကြည့်လျှင် တူညီသော ဆေးလုံးများဟာ အမျိုးသမီးများကို အခြား အမျိုးသမီးဆိုင်ရာ ကင်ဆာများဖြစ်သည့် သားအိမ်ကင်ဆာ နှင့် သားဥအိမ်ကင်ဆာတို့မှ ကာကွယ်ပေးမှာဖြစ်ပါတယ်။ အကယ်၍သင်ဟာ ပရိုဂျင်စတင်သီးသန့်တားဆေးများကို သင့်ရဲ့ သန္ဓေတားနည်းလမ်းအဖြစ်သုံးရန် စဥ်းစားနေတယ်ဆိုရင်၊ သင့်ရဲ့ ကျန်းမာရေးဝန်ဆောင်မှုပေးသူနှင့် ကောင်းကျိုး၊ ဆိုးကျိုးများကို ဆွေးနွေးသင့်ပါတယ်။
ပရိုဂျက်စတင်သီီးသန့်တားဆေးများ သွေးစိမ့်စေခြင်းအတွက် ကျွန်ုပ်စိုးရိမ်သင့်ပါသလား?
သွေးစိမ့်ခြင််း သို့မဟုတ် သွေးဆင်းခြင်းဟာ ပရိုဂျက်စတင်သီးသန့်တားဆေးရဲ့ အဖြစ်များသော ဘေးထွက်ဆိုးကျိုးဖြစ်ပါတယ်။ အထူးသဖြင့် သင်ဟာ အရင် နှစ်လအတွင်း ဆေးလုံးများကို စတင်သောက်ခဲ့တယ်ဆိုရင်ပေါ့။ သင့်ခန္ဓာကိုယ်ဟာ နည်းလမ်းအသစ်ကို အသားကျအောင် လုပ်ဆောင်နေရတဲ့အတွက် ဖြစ်ပေါ်တာဖြစ်ပါတယ်။ ဓမ္မတာများအကြား သွေးဆင်းခြင်းဟာ ဟော်မုန်းအတက်အကျဖြစ်ခြင်းကြောင့် ဖြစ်ပါတယ်။ ပုံမှန်ဓမ္မတာကာလတွင်၊ အမျိုးသမီးခန္ဓာကိုယ်အတွင်း သဘာဝအတိုင်းတွေ့ရှိရတဲ့ ပရိုဂျင်စတင် နဲ့ အက်စတိုဂျင်ဟော်မုန်းများဟာ ကိုယ်ဝန်ဆောင်မှုအတွက် ပြင်ဆင်ရန် သားအိမ်နံရံများကို ကူညီထိန်းသိမ်းပေးပါတယ်။ သားအိမ်အတွင်း ပရိုဂျင်စတင်ထည့်သွင်းခြင်းဟာ ဒီညီမျှခြင်းကို ကမောက်ကမဖြစ်စေပါတယ်။ ဒါ့ကြောင့် ရံဖန်ရံခါ သွေးဆင်းခြင်း သို့မဟုတ် သွေးစိမ့်ခြင်းဖြစ်ပါတယ်။
သုံးစွဲသူအများစုအတွက်၊ ခန္ဓာကိုယ်မှ နည်းလမ်းနှင့်အသားကျဖို့၊ ပုံမှန် ဓမ္မတာလာဖို့ လအနည်းငယ်အချိန်ယူမည်ဖြစ်ပါတယ်။ သွေးစိမ့်ခြင်းဟာ ရပ်မသွားဘူး သို့မဟုတ် သင်ဟာ အက်စတိုဂျင်မပါဝင်သော သန္ဓေတားနည်းလမ်းများကို စိတ်ဝင်စားတယ်ဆိုရင်တော့၊ သင့်ရဲ့ကျန်းမာရေးဝန်ဆောင်မှုပေးသူနှင့်အတူ အခြား ပရိုဂျက်စတင်သီးသန့်နည်းလမ်းများဖြစ်တဲ့ လက်မောင်းထည့်ပစ္စည်းများ သို့မဟုတ် ထိုးဆေးများကို ဆွေးနွေးနိုင်ပါတယ်။
