သန္ဓေတားကပ်ခွာပြားမသင့်လျော်မှုများ

အောက်ပါအခြေအနေများရှိသောအမျိုးသမီးများဟာ သန္ဓေတားကပ်ခွာပြားကို အသုံးပြုလို့မရပါဘူး :

– ပြင်းထန်သည့် အသည်းရောဂါ၊ အသည်းခြောက်ခြင်း သို့မဟုတ် အသည်းကင်ဆာရှိသူများ၊
– ရင်သားကင်ဆာလက်ရှိရှိသူများ သို့မဟုတ် ရှိခဲ့ဖူးသူများ၊
– အမြင်အာရုံပြောင်းလဲသည့် ပြင်းထန်သော ခေါင်းတခြမ်းကိုက်ခြင်းရှိသူများ (အလွန်ဆိုးသော ခေါင်းကိုက်ခြင်းမတိုင်မှီ မျက်စိအတွင်း လင်းထိန်ပြီးဝါးသွားခြင်း)၊
– လေဖြတ်ခြင်း သို့မဟုတ် နှလုံးရောဂါရှိဖူးသူများ၊
– မကြာသေးမှီက ကလေးမွေးပြီးသူများ (သုံးပတ် မှ ခြောက်ပတ်အတွင်း) – ခြောက်လကြာပြီးနောက် သို့မဟုတ် မိခင်နို့သည် သင့်ကလေးအတွက် ပင်မအစားအသောက်မဟုတ်တော့သည့်အခါတွင် ကပ်ခွာပြားကို သုံးစွဲနိုင်ပါတယ်၊
– သွေးကြောပိတ်ခြင်းရှိခဲ့ဖူးခြင်း (သွေးပြန်ကြောသွေးကြောပိတ်ခြင်း သို့မဟုတ် အဆုတ်သွေးကြောပိတ်ခြင်း) သို့မဟုတ် သင် သို့မဟုတ် သင့်မိသားစုဝင်တဦးဦးတွင် သွေးကြောပိတ်မှုဖြစ်နိုင်သည့်အန္တရာယ်များစေသော သွေးပုံမှန်မဟုတ်ခြင်းရှိလျှင်၊
– ဆေးလိပ်သောက်ပြီး အသက် ၃၅ နှစ် သို့မဟုတ် အထက်ဖြစ်လျှင် (သင်ဟာ အသက် ၃၅ နှစ်အထက်ဖြစ်ပြီး ကပ်ခွာပြားသုံးနေစဥ် ဆေးလိပ်သောက်မယ်ဆိုရင် အချို့သောဘေးထွက်ဆိုးကျိုးများဖြစ်နိုင်ချေကို မြင့်စေနိုင်ပါတယ် – သင့်ရဲ့ ကျန်းမာရေးထောက်ပံ့ပေးသူနှင့် ဆွေးနွေးတိုင်ပင်ပါ [9])၊
– ၁၉၈ ပေါင် သို့မဟုတ် ၉၀ ကီလိုဂရမ်ထက် ကိုယ်အလေးချိန်ပိုခြင်း (သင်ဟာ ၉၀ ကီလိုထက်ကိုယ်အလေးချိန်ပိုမယ်ဆိုင် ကပ်ခွာပြားဟာ ထိရောက်မှုနည်းပါမယ် [10])၊
– စစ်ဆေးခြင်းမရှိသေးသည့် ပုံမှန်မဟုတ်သော မအင်္ဂါသွေးဆင်းခြင်းကိုခံစားနေရခြင်း၊
– မြင့်မားသောသွေးပေါင်ချိန်ရှိခြင်း (သွေးတိုး)၊ နှင့်
– နှစ် ၂၀ နှင့်အထက် ဆီးချိုရောဂါရှိပြီး နောက်ဆက်တွဲ မျက်လုံး၊ အာရုံကြော သို့မဟုတ် အသည်းပြဿနာများရှိခြင်း။
သင့်မှာ အထက်ပါအခြေအနေများမှ တခုခုရှိခဲ့လျှင်၊ ကျွမ်းကျင်သော ကျန်းမာရေးဝန်ဆောင်မှုပေးသူနှင့်တိုင်ပင်ပြီး သင့်အတွက် အသင့်လျော်ဆုံးသန္ဓေတားနည်းလမ်းကို အဖြေရှာပါ။

ကိုယ်ဝန်တားကပ်ခွာပြားမှာ ကိုယ်အလေးချိန်ကန့်သတ်ချက်ရှိပါသလား?​

ကပ်ခွာပြားဟာ ကိုယ်အလေးချိန် ၁၉၈ ပေါင် သို့မဟုတ် ကီလို ၉၀ ထက်ပိုသော အမျိုးသမီးများအတွက် သန္ဓေတားရာမှ ထိရောက်မှုပိုနည်းပါတယ်။ သင်ဟာ ကိုယ်အလေးချိန် ၉၀ ကီလိုဂရမ်ထက်ပိုတယ်ဆိုရင် မတူညီသော သန္ဓေတားနည်းလမ်းကို စဥ်းစားသင့်ပါတယ်။