ကျွန်မကိုယ်ဝန်ရှိနေပြီလား?

ကျွန်မကိုယ််ဝန်ရှိကြောင်းဘယ်လိုသိနိုင်မလဲ?

သင်ဟာ မကြာခင်ကမှ အကာအကွယ်မဲ့လိင်ဆက်ဆံခဲ့ပြီး ကိုယ်ဝန်ရှိ၊ မရှိ ဖော်ထုတ်ချင်တယ်ဆိုရင် သင့်အနေနဲ့ သတိထားကြည့်ရှုနိုင်မဲ့ အချို့သော လက္ခဏာများရှိပါတယ်။ ဓမ္မတာလာချိန် မလာခြင်းဟာ အများအားဖြင့် ကိုယ်ဝန်ရှိခြင်းအတွက် ပထမဆုံးသောလက္ခဏာဖြစ်ပါတယ်၊ သို့သော်လည်း ဒီဟာက ၁၀၀% စိတ်ချရတာတော့ မဟုတ်ပါဘူး။ ဘာကြောင့်လဲဆိုတော့ ဓမ္မတာနောက်ကျခြင်းဟာ စိတ်ဖိစီးမှု၊ အစားအသောက်ပုံစံပြောင်းလဲမှု၊ သန္ဓေတားဆေးရဲ့ ဘေးထွက်ဆိုးကျိုးသို့မဟုတ် အခြားဆေးဝါးဆိုင်ရာပြဿနာစတဲ့ များစွာသောအကြောင်းအရာတွေကြောင့် ဖြစ်နိုင်လို့ပါပဲ။ ဒါ့အပြင် သန္ဓေတားဆေးများဟာ ပြီးပြည့်စုံနေတာမျိုးမဟုတ်ပဲ သင့်နည်းလမ်းရဲ့ ထိရောက်မှုအပေါ်မူတည်ပြီး သန္ဓေတားခြင်းက ကိုယ်ဝန်ကို ကာကွယ်ဖို့ ပျက်ကွက်တာမျိုးလည်း ဖြစ်နိုင်ပါတယ်။ မတူညီသော သန္ဓေတားခြင်းနည်းလမ်းများရဲ့ ထိရောက်မှုနဲ့ ဖြစ်လာနိုင်တဲ့ ဘေးထွက်ဆိုးကျိုးများကို ပိုမိုသိရှိနိုင်ဖို့ သန္ဓေတားနည်းလမ်းများ ကဏ္ဍကို သွားရောက်လိုက်ပါ။

ကိုယ်ဝန်ဆောင်ခြင်းရဲ့ လက္ခဏာများဟာ လူတဦးနဲ့တဦးကွာခြားနိုင်သော်လည်း အောက်ပါ လက္ခဏာများမှ တခုဟာ သင်ကိုယ်ဝန်ရှိနေကြောင်း ပြနိုင်ပါတယ်

သင်ဟာ အစောပိုင်းကိုယ်ဝန်ဆောင်မှု လက္ခဏာများခံစားနေရတယ်လို့ သံသယဖြစ်ပါသလား?

ကျွန်ုပ်တို့အနေနဲ့ သင့်ကို ကျွန်ုပ်တို့ရဲ့ ကိုယ်ဝန်ဆောင်မှုမေးခွန်းများ ဖြေကြည့်ဖို့ အကြံပြုလိုပါတယ်။

သို့သော်လည်း ဒီမေးခွန်းများဟာ လက္ခဏာများကို အခြေခံပြီး သင့်ရဲ့ ကိုယ်ဝန်ရှိနိုင်မှုကို ကူညီဖော်ထုတ်ပေးနိုင်သော်လည်း၊ သင်ကိုယ်ဝန် အမှန်တကယ် ရှိ၊ မရှိ အသေချာဆုံးအတည်ပြုနိုင်တဲ့နည်းလမ်းကတော့ ကိုယ်ဝန်ဆောင်စစ်ဆေးခြင်းပဲဖြစ်ပါတယ်။ ကိုယ်ဝန်ဆောင်စစ်ဆေးမှုပြုလုပ်ခြင်းဆိုင်ရာလမ်းညွှန်မှုများအတွက် ကိုယ်ဝန်မည်ကဲ့သို့အတည်ပြုရမလဲ ကဏ္ဍကို ဝင်ရောက်ကြည့်ရှုလိုက်ပါ။