ជម្រើសនៃការមានផ្ទៃពោះ

ការសម្រេចចិត្តក្លាយជាឪពុកម្តាយមិនមែនជាការងាយស្រួលទេហើយវាជាសិទ្ធិរបស់អ្នកក្នុងការជ្រើសរើសអ្វីដែលអ្នកចង់ធ្វើ។ ប្រសិនបើអ្នកមិនចង់រំលូតកូនទេ ប៉ុន្តែអ្នកក៏មិនចង់ក្លាយជាម្តាយដែរ អ្នកអាចពិចារណាអំពីការសុំកូនចិញ្ចឹមបាន។
ការជ្រើសរើសជម្រើសនេះមានន័យថាអ្នកត្រូវឆ្លងកាត់ការមានផ្ទៃពោះ និងការសម្រាលកូន ហើយបន្ទាប់មកអនុញ្ញាតឱ្យមនុស្សម្នាក់ទៀតចិញ្ចឹមកូនរបស់អ្នក។

​ការសុំកូនចិញ្ចឹមគឺស្របច្បាប់នៅក្នុងប្រទេសជាង 160 ហើយជាងមួយភាគបួននៃការសុំកូនចិញ្ចឹមត្រូវបានធ្វើឡើងនៅទូទាំងពិភពលោកជារៀងរាល់ឆ្នាំ។ យូរៗ ទៅ ប្រពៃណី និងច្បាប់ជុំវិញការសុំកូនចិញ្ចឹមមានការរីកចម្រើនជឿនលឿន ដោយផ្តោតលើសុខុមាលភាពរបស់កុមារកាន់តែច្រើនឡើងៗ។ ទោះជាយ៉ាងណាក៏ដោយ សិទ្ធិរបស់កូនចិញ្ចឹមខុសគ្នាពីប្រទេសមួយទៅប្រទេសមួយ។ នៅកន្លែងខ្លះកូនចិញ្ចឹមមានសិទ្ធិដូចគ្នានឹងកូនបង្កើតដែរ ដូចជាសិទ្ធិទទួលមរតក រីឯកន្លែងផ្សេងទៀតមានច្បាប់ និងបទបញ្ជាផ្សេងៗគ្នា ឧទាហរណ៍គេរំពឹងថាមានការទាក់ទងជាមួយឪពុកម្តាយបង្កើត។

អាស្រ័យលើកន្លែងដែលអ្នករស់នៅ ស្វែងរកមនុស្សម្នាក់ ឬស្ថាប័នដែលអាចផ្ដល់ឱ្យអ្នកនូវព័ត៌មានស្មោះត្រង់បំផុតអំពីវប្បធម៌ និងច្បាប់ ហើយគាំទ្រអ្នកនៅពេលអ្នកពិចារណាលើការសម្រេចចិត្តនេះ។

ប្រសិនបើអ្នកសម្រេចថានេះមិនមែនជាពេលវេលាត្រឹមត្រូវ ដើម្បីក្លាយជាម្តាយទេ អ្នកអាចរំលូតកូនបាន។ អាស្រ័យលើកន្លែងដែលអ្នករស់នៅវាអាចពិបាក ឬងាយស្រួលក្នុងការចូលប្រើជម្រើសនេះ។ កត្តាមួយចំនួនទៀតដែលអាចប៉ះពាល់ដល់ភាពអាចរកបាននៃជម្រើសនេះគឺ៖ អាយុ អាយុមានផ្ទៃពោះ​ និងការធានារ៉ាប់រង។
​មនុស្សគ្រប់រូបមានបទពិសោធន៍ខុសគ្នាពីការរំលូតកូន។ សម្រាប់ស្ត្រីខ្លះ វាសាមញ្ញ ហើយងាយស្រួល សម្រាប់អ្នកផ្សេងវាអាចមានភាពតានតឹងខ្លាំង។ ហើយវាមិនមែនជាបញ្ហាទេ។ យើងសូមណែនាំឱ្យអ្នកស្វែងរកការប្រឹក្សា ដើម្បីឱ្យអ្នកអាចស្វែងយល់ពីជម្រើសនេះ និងធ្វើការសម្រេចចិត្ត។

មានវិធីពីរយ៉ាងដើម្បីរំលូតកូនដោយប្រើថ្នាំគ្រាប់ និងឆ្លងកាត់ការវះកាត់។

រំលូតកូនដោយប្រើថ្នាំគ្រាប់

អ្នកអាចលេបថ្នាំនៅផ្ទះ ដើម្បីបញ្ចប់ការមានផ្ទៃពោះដែលមិនចង់បាន។ មានរបបសុវត្ថិភាពពីរគឺការប្រើថ្នាំ Mifepristone ដោយរួមផ្សំជាមួយ Misoprostol ឬប្រើ Misoprostol តែមួយមុខ។

សម្រាប់ព័ត៌មានបន្ថែម អ្នកអាចទៅជួបមិត្តភ័ក្តិរបស់យើងនៅ howtouseabortionpill.org និង safe2choose.org

ការរំលូតកូនដោយបូម

​ការរំលូតកូនដោយបូម (MVA) គឺជាវិធីសាស្ត្រនៃការរំលូតកូនដោយសុវត្ថិភាពបំផុតក្នុងត្រីមាសទីមួយ និង/ឬនៅត្រីមាសទីពីរ រហូតដល់ 14 សប្តាហ៍នៃរយៈពេលមានផ្ទៃពោះ។ ដែនកំណត់អាយុមានផ្ទៃពោះសម្រាប់ MVA ច្រើនតែអាស្រ័យលើគ្លីនិក ក៏ដូចជាអ្នកផ្ដល់សេវាថែទាំសុខភាពដែលអនុវត្តការវះកាត់នេះ។

MVA ត្រូវបានអនុវត្តដោយអ្នកផ្ដល់សេវា​ដែលមានការបណ្តុះបណ្តាលនៅក្នុងគ្លីនិក ហើយអ្នកអាចស្វែងរកព័ត៌មានលម្អិតបន្ថែមអំពីការវះកាត់ នៅទីនេះ។