Ukiamua kuendelea kebeba mimba, hakikisha kuwa umewasiliana na mtoa huduma wako wa afya. Atakusaidia kuamua mpango wa utunzaji ambalo litakimu mahitaji yako kipindi chote cha mimba yako.
Pia unapaswa kuanza kutumia virutubishi au vyakula vyenye vitamini kama folic acid na vitamini D, ambavyo vinapendekezwa wakati wa ujauzito; koma kuvuta sigara na kunywa pombe;na upunguze kafeini. Jaribu ule vyakula vyenye lishe bora na uepuke vyakula vinayvoaminika kudhuru mimba; fanya mazoezi kwa uangalifu; hakikisha kwamba dawa zozote unazotumia ziko salama kwa mimba; na tunza kwa makini afya yako ya kimwili na kiakili. Daktari wako kwa hakika huenda akapendekeza haya, lakini ni bora kujua mapema.
Kuamua kuwa mzazi sio rahisi na una haki ya kuchagua cha kufanya. Ikiwa hutaki kutoa mimba na pia hutaki kuwa mzazi, unaweza kuzingatia kuasili mtoto wako.
Kuchagua hili lina maana ya kubeba mimba na kuzaa, kisha kumwacha mtu mwingine amlee mtoto wako.
Kuasili kumekubaliwa na sheria ndani ya nchi zaidi ya 160 na uasili zaidi ya robo milioni hufanyika duniani kote kila mwaka. Kwa muda, mila na sheria za kuasili zimebadilika na kuzingatia zaidi na zaidi masilahi ya mtoto. Hata hivyo, haki za mtoto aliyeasiliwa huwa tofauti katika nchi tofauti. Katika maeneno mengine, watoto walioasiliwa huwa na haki sawa kama watoto wa kuzaliwa, kama vile haki ya kurithi. Kwa maeneo mengine, kuna sheria na kanuni tofauti, kwa mfano, mawasiliano na wazazi waliomzaa yanatarajiwa.
Kulingana na unapoishi, tafuta mtu au shirika linaloweza kukupa taarifa ya kweli kuhusiana na tamaduni na sheria, na pia kukusaidia wakati unazingatia chaguo hii.
Ukiamua kwamba huu sio wakati bora wa kuwa mzazi, unaweza kutoa mimba. Kulingana na unapoishi,inaweza kuwa rahisi au ngumu kutekeleza chaguo hii. Sheria za hapo na sera zinaweza kuathiri upatikanaji wa uwezo wa utoaji mimba, kama vile umri wako, miezi ya mimba na pia bima ya afya.
Kuna njia mbili za kutoa mimba: kutumia tembe na kupitia utaratibu wa kliniki.
Utoaji mimba kwa kutumia tembe
Unaweza kutumia tembe kusitisha mimba.Kuna tembe mbili salama: Unaweza kutumia Mifepristone pamoja na Misoprostol au utumie Misoprostol pekee.
Kwa taarifa zaidi, unaweza watembelea marafiki wetu kwenye howtouseabortionpill.org na safe2choose.org
Utoaji mimba kwenye kliniki
Taratibu za kutoa mimba kwenye kliniki huendeshwa na mtoa huduma za afya aliye hitimu ndani ya hospitali au kliniki. Kuna mbinu tofauti salama za utoaji mimba kwenye kliniki. Zinajumuisha:
- Kufyonza kwa mkono
- Kufyonza kwa mitambo ya kielektroniki
- Upanuaji na utoaji
- Utoaji mimba kwa kuchochesha uchungu wa uzazi.
Mtoa huduma za afya atapendekeza mbinu kulingana na miezi ya mbina yako,sheria na sera za nchi yako, upatikanaji wa vifaa,na upendeleo wa mtoa huduma au wa mgonjwa.
Unaweza kupata taarifa zaidi kuhusu utoaji mimba kwenye kliniki hapa
Kila mmoja ana maoni tofauti ya utoaji mimba. Kwa wanawake wengine, ni rahisi na nyofu; kwa wengine,inaweza kuwa ya kufadhaisha. Na yote ni sawa. Tunapendekeza uwatembelee marafiki wetu kwenye safe2choose kwa taarifa za kuaminika na usaidizi.