အပြင်ထုတ်နည်းလမ်း (ဆွဲထုတ်ခြင်းနည်းလမ်း)

အပြင်ထုတ် သို့မဟုတ် ဆွဲထုတ်ခြင်း နည်းလမ်းဆိုတာဘာလဲ?

အပြင်ထုတ်ခြင်းဟာ သက်တမ်းအရင့်ဆုံး သန္ဓေတားနည်းလမ်းများထဲမှ တခုဖြစ်ပါတယ်။ ၎င်းက အလွန်ရိုးရှင်းပါတယ် – အမျိုးသားဟာ သူ့ရဲ့လိင်တံကို သုက်မလွှတ်ခင်မှာ လက်တွဲဖော်ရဲ့ မအင်္ဂါအတွင်းမှ ထုတ်ယူခြင်းဖြစ်ပါတယ်။ ၎င်းကို “ဆွဲထုတ်ခြင်းနည်းလမ်း” သို့မဟုတ် “Coitus interruptus နည်းလမ်း” ဟုလည်း အသိများကြပါတယ်။ ဤနည်းလမ်းထိရောက်နိုင်ရန်အတွက်၊ အကြိမ်တိုင်းမှာ မှန်ကန်စွာ လုပ်ဆောင်ဖို့ လိုအပ်ပါတယ် (၁)။

အပြင်ထုတ်နည်းလမ်း ဟာ ကိုယ်ဝန်ကို ဘယ်လိုကာကွယ်ပေးသလဲ?

အပြင်ထုတ်နည်းလမ်းဟာ အမျိုးသား နှင့် သူ၏ ကို့ယ်ကိုကိုယ်ထိန်းချုပ်မှုအပေါ် မူတည်ပါတယ်။ သူဟာ သုက်မလွှတ်ခင် ဆွဲထုတ်ရမှာဖြစ်ပါတယ်။ သုက်ရည်ဟာ အမျိုးသမီးရဲ့ မအင်္ဂါအဝနှင့် အဝေးမှာထားနိုင်တဲ့အခါ ဒီနည်းလမ်းဟာ အလုပ်လုပ်ပါတယ်။ ဒါ့ကြောင့် အမျိုးသားအနေနဲ့ သူ့ရဲ့ လိင်ပိုင်းဆိုင်ရာတုံ့ပြန်မှုပုံစံများကို သိရှိနားလည်ထားရပါမယ် (၂)။

အပြင်ထုတ်နည်းလမ်းဟာ ဘယ်အချိန်မှာ အတွဲတတွဲအတွက် သင့်လျော်ပါသလဲ?

အပြင်ထုတ်နည်းလမ်းဟာ အောက်ပါအခြေအနေရှိသော အတွဲများအတွက် သင့်လျော်သည်ဟု စဥ်းစားနိုင်ပါတယ်

– တစ်ခါတစ်ရံမှသာ လိင်ဆက်ဆံတယ်​၊
– အခြားသန္ဓေတားနည်းလမ်းသုံးစွဲဖို့ ငြင်းဆိုတယ်၊
– အခြားသန္ဓေတားနည်းလမ်းစတင်သုံးစွဲဖို့ စောင့်နေရတယ်၊ နှင့်
– အခြားသန္ဓေတားနည်းလမ်းမရရှိနိုင်ဘူး (၃)။