သန္ဓေတားရေမြှုပ်

သန္ဓေတားရေမြှုပ်ဆိုတာဘာလဲ?

မအင်္ဂါသန္ဓေတားနည်းလမ်းဟု အသိများကြသည့် သန္ဓေတားရေမြှုပ်ဟာ ပလတ်စတစ်ရေမြှုပ်အဝိုင်းတခုဖြစ်ပြီး လိင်မဆက်ဆံခင်မှာ မအင်္ဂါအတွင်းသို့ ရေစွတ်ပြီး ထည့်သွင်းရပါတယ်။ ၎င်းဟာ ၅ စင်တီမီတာကျယ်ပြီး မအင်္ဂါအတွင်းသို့ ထည့်သွင်းရသော အခြမ်းမှာ အချိုင့်ရှိပါတယ်။ တခြားဖက်အခြမ်းမှာတော့ ပြန်ထုတ်ရအဆင်ပြေစေရန်အတွက် ပေါ်လီအက်စတာကြိုးအကွင်းပါရှိပါတယ်။​

သင်ဟာ ၎င်းကို လိင်မဆက်ဆံခင် ၂၄ နာရီအတွင်းထည့်သွင်းနိုင်ပြီး ရေမြှုပ်တခုကို တကြိမ်သာလျှင် အသုံးပြုလို့ရပါတယ် (၁)။

သန္ဓေတားရေမြှုပ််ဟာ ဘယ်လိုအလုပ်လုပ်သလဲ?​

ရေမြှုပ်ဟာ ကိုယ်ဝန်ကို နည်းလမ်း နှစ်မျိုးဖြင့် ကာကွယ်ပေးပါတယ် :

– ၎င်းဟာ သင့်သားအိမ်ဝကို ပိတ်လိုက်ခြင်းအားဖြင့် သုက်ကောင်များ သင့်သားအိမ်အတွင်း ရောက်ရှိခြင်းကို ဟန့်တားပေးပါတယ်။​ တခြမ်းမှာရှိတဲ့ အချိုင့်လေးကို သားအိမ်ဝမှာ ထားရှိပြီး သုက်ကောင်များကို သားအိမ်ဝအတွင်းမရောက်ရှိစေရန် ကာကွယ်ပေးတဲ့ အတားအဆီးတခုအဖြစ်လုပ်ဆောင်ပေးပါတယ်။​
– ၎င််းဟာ သုက်ကောင်များကို ချေမှုန်းပေးတဲ့ သုက်သတ်ဆေးများကို တောက်လျှောက်ထုတ်လွှတ်ပေးပါတယ်။​

သန္ဓေတားရေမြှုပ်ဟာ ဘယ်လိုပုံမျိုးလဲ?​

သန္ဓေတားရေမြှုပ်ဟာ ဘယ်လောက်ထိရောက်ပါသလဲ?​

သန္ဓေတားရေမြှုပ်ရဲ့ ထိရောက်မှုဟာ အသုံးပြုပုံအပေါ် တိုက်ရိုက်မူတည်ပါတယ်။ သန္ဓေတားရေမြှုပ်ကို လိင်ဆက်ဆံသည့်အခါတိုင်း မသုံးစွဲသည့်အခါ ကိုယ်ဝန်ဆောင်ရနိုင်သည့် အခွင့်အလမ်းပိုများလာပါတယ်။

သန္ဓေတားရေမြှုပ်ဟာ အလွန်ထိရောက်သည့်နည်းလမ်းမဟုတ်ပါဘူး၊​ အထူးသဖြင့် သင်က ကလေးမီးဖွားဖူးရင်ပေါ့။ ပုံမှန်သုံးစွဲနေကျ ပုံစံနဲ့ဆိုရင် လူ ၁၀၀ မှာ ၇၆​ ယောက် မှ ၈၈ ယောက်သာလျှင် ကိုယ်ဝန်ကို ကာကွယ်နိုင်ကြပါတယ်။​

ကလေးမီးမဖွားဖူးသည့် အမျိုးသမီးများအတွက်၊ ကျရှုံးနှုန်းဟာ ပုံမှန်သုံးစွဲပုံအတွက် ၁၆ % နှင့် ပြီးပြည့်စုံသည့် သုံးစွဲပုံအတွက် ၉% ရှိပါတယ်။ ဆိုလိုသည်မှာ သန္ဓေတားဆီးရာတွင် ပုံမှန်သုံးစွဲပုံအတွက် ၈၄% ထိရောက်ပြီး ပြီးပြည့်စုံသည့် သုံးစွဲပုံအတွက် ၉၁% ထိရောက်ပါတယ်။​

ကလေးမီးဖွားဖူးသည့် အမျိုးသမီးများအတွက်၊ ကျရှုံးနှုန်းဟာ ပိုမြင့်မားပြီး ပုံမှန်သုံးစွဲပုံအတွက် ၃၂ % နှင့် ပြီးပြည့်စုံသည့် သုံးစွဲပုံအတွက် ၂၀% ရှိပါတယ်။ ဆိုလိုသည်မှာ သန္ဓေတားဆီးရာတွင် ပုံမှန်သုံးစွဲပုံအတွက် ၆၈% ထိရောက်ပြီး ပြီးပြည့်စုံသည့် သုံးစွဲပုံအတွက် ၈၀% ထိရောက်ပါတယ် (၂)။

၎င်းကို ထိရောက်မှုအနည်းဆုံးနည်းလမ်းများထဲမှ တခုအဖြစ် သတ်မှတ်ကြသော်လည်း (မအင်္ဂါထည့်အကာအကွယ်ပစ္စည်း diaphragm ထက်ပင် ပို၍ ထိရောက်မှုနည်းပါတယ်)၊ ကွန်ဒုံးနှင့်အတူ တွဲဖက်အသုံးပြုသည့်အခါ သန္ဓေတားရေမြှုပ်ရဲ့ ထိရောက်မှု မြင့်တက်လာပါတယ် (၃)။