វិធីសាស្រ្តពន្យារកំណើតកងក្រោមស្បែក
តើកងក្រោមស្បែកមានទូលំទូលាយនៅប្រទេសកម្ពុជាទេ?
មាន។ នៅប្រទេសកម្ពុជា កងក្រោមស្បែកមាននៅតាមមណ្ឌលសុខភាព និងគ្លីនិកអង្គការដូចជា គ្លីនិកម៉ារីស្តូប រ៉ាក់ គ្លីនិកឯកទេស បន្ទប់ថែទាំសុថារី Raffles Medical Cambodia គ្លីនិកគង់សូនី គ្លីនិក និងសម្ភពសម្រាឡីបូ គ្លីនិកនិងសម្ភពពន្លឺឬទ្ធី បន្ទប់ថែទាំជ័យរតនា និងបន្ទប់ថែទាំសមគីមឆា។
តើខ្ញុំត្រូវមានវេជ្ជបញ្ជាដើម្បីទទួលសេវាកងក្រោមស្បែកទេនៅប្រទេសកម្ពុជា?
អ្នកមិនត្រូវការវេជ្ជបញ្ជាដើម្បីទទួលសេវាកងក្រោមស្បែកទេនៅប្រទេសកម្ពុជា ប៉ុន្តែអ្នកត្រូវការទៅជួបអ្នកផ្តល់សេវាដើម្បីទទួលសេវានេះ។
តើមានការកំណត់អាយុក្នុងការទទួលសេវាកងក្រោមស្បែកទេនៅប្រទេសកម្ពុជា?
មិនមានការកំណត់អាយុក្នុងការទទួលសេវាកងក្រោមស្បែកទេនៅប្រទេសកម្ពុជា។
តើកងក្រោមស្បែកមានតម្លៃប៉ុន្មាននៅប្រទេសកម្ពុជា?
កងក្រោមស្បែកមានតម្លៃពី៣៥ទៅ៤០ដុល្លារ។
តើមានកងក្រោមស្បែកប៉ុន្មានម៉ាកនៅប្រទេសកម្ពុជា?
ម៉ាកដែលមានលក់ច្រើនបំផុតនៅប្រទេសកម្ពុជាមាន “Implanon”, “Femplant” និង “Jadelle”។
តើខ្ញុំអាចទាក់ទងនរណាសម្រាប់ព័ត៌មានបន្ថែមអំពីកងក្រោមស្បែកនៅប្រទេសកម្ពុជា?
ដើម្បីទទួលបានព័ត៌មានបន្ថែមអំពីកងដាក់ក្រោមស្បែកក្នុងប្រទេសកម្ពុជា សូមទាក់ទងអង្គការ ម៉ារីស្តូបកម្ពុជា (Whatsapp៖ 093240823 ឬទូរស័ព្ទលេខ៖ 012999002/098999102) ឬAnna Women’s-Baby Center)
(អាគារ KT Tower នៅ Business Center KTT បន្ទប់លេខ៤០៣ ជាន់ទី៤ អាគារលេខ២៣ ផ្លូវលេខ១១២ សង្កាត់ផ្សារដាប៉ូ៣ ខណ្ឌទួលគោក រាជធានីភ្នំពេញ ប្រទេសកម្ពុជា។ ទូរស័ព្ទលេខ 098 800 921 ភាសាអង់គ្លេស ខ្មែរ និងរុស្ស៊ី ឬអ៊ីមែល info@wbcanna.com)។
តើខ្ញុំអាចអានបន្ថែមអំពីវិធីសាស្រ្តនេះបាននៅឯណា?
ប្រសិនបើអ្នកចង់បានព័ត៌មានបន្ថែមអំពីកងដាក់ក្រោមស្បែកពន្យារកំណើត សូមចុចទីនេះ។
តើខ្ញុំអាចធ្វើអ្វីបានក្នុងករណីមានផ្ទៃពោះដោយមិនបានគ្រោងទុក?
សូមចូលទៅកាន់គេហទំព័រ safe2choose.org ដើម្បីនិយាយជាមួយអ្នកប្រឹក្សាជំនាញអំពីជម្រើសនៃការរំលូតដោយសុវត្ថិភាពដែលមាននៅប្រទេសកម្ពុជា។ អ្នកក៏អាចទាក់ទងទៅកាន់អ្នកប្រឹក្សាតាមរយៈអ៊ីមែល info@safe2choose.org ឬតាមរយៈការឆាតliveផ្ទាល់តែម្តងតាមរយៈអាសយដ្ឋានគេហទំព័រនេះ safe2choose.org/abortion-counseling។