Birth Control Implants

Summary Nexplanon Birth Control

Vipandikizi ni njiti au kapsuli ndogo za plastiki zinazo ingizwa chini ya ngozi ya sehemu ya juu ya mkono wa mwanamke. Ni vidogo mno; kwa hakika, watu wengi hawawezi kuiona ikishaingizwa. Vipandikizi huachilia projestini, homoni inayozuia ovari kuachilia yai na hufanya ute kwenye mji wa mimba kuwa mzito-hivyo kuzuia mbegu za kiume kufikia yai. Inakinga dhidi ya mimba miaka hadi 5, ikilingana na aina utakayo chagua. kuna aina mbalimbali, ikiwemo Nexplanon, Jadelle na Levoplant.

Ipate kisha usahau mambo yake. Ikiwa hutaki kuwa na wasiwasi kuhusu njia yako ya kuzuia mimba, vipandikizi itakufaa. Mara tu ikiwa ndani, inaweza kubaki kwa miaka 3-4, kulingana na vipandikizi gani vimetumika.

Kazi rahisi. Hakuna kifurushi, au cha kununuliwa kwenye duka la dawa – hakuna kinachoweza kupotea au kusahaulika.

Faragha kamili. Hakuna mtu anaweza jua ukiwa na vipandikizi. Hakuna kifurushi, wala kitu chochote unastahili kufanya kabla tu ya kufanya ngono.

Swala la mimba. Unapaswa kuwa na uwezo wa kushika mimba wakati wowote baada ya kutolewa Vipandikizi. Vikitolewa , lakini hautaki kushika mimba, hakikisha umejikinga kwa nji nyingine mara hio hio.

Upatikanaji. Je, ungependa kutumia njia hii? Njia hii inapatikana kwa wingi. Hata hivyo, kuna aina zingine hazipatikani katika nchi zingine. Tazama sehemu ya “Njia zinazopatikana nchini mwangu” ili kujifunza zaidi

Mara tu iko ndani, hakuna unachohitaji kufanya. Vipandikizi vina baki chini ya ngozi yako,na kukupa kinga dhidi ya mimba hadi miaka 3-5, kulingana na vipandikizi ulivyotumia [4].

Kuingiza vipandikizi. Mtoaji atakusanya taarifa yako ya afya na kufanya uchunguzi wa kimatibabu. Kisha watafanya ganzi sehemu mdogo wa juu ya mkono wako kwa dawa za kupunguza maumivu na kuingiza njiti au kapsuli chini ya ngozi yako. Hivyo tu [7].

Ikiwa utawekewa vipandikizi siku tano za kwanza za hedhi yako, unakingwa dhidi ya mimba mara hio hio. Ikiwa ni nje ya hizi siku tano za kwanza, utahitaji kutumia njia ingine ya kujikinga kwa wiki inayofuata. Kondomu za nje (kiume), Kondomu za ndani (kike), diaframu, sponji, au njia za dharura za kuzuia mimba )[10].

Wakati wa kutoa vipandikizi, mtoaji wako tena atafanya ganzi sehemu mdogo wa juu ya mkono wako, akate sehemu mdogo kabisa wa ngozi yako, na atoe vipandikizi. Ikiwa bado unataka kuendelea kutumia vipandikizi, wanaweza kukuwekea ingine wakati huo huo. [5].

Kila mtu ni tofauti. Kile unachopitia pengine hakitafanana na mtu mwingine.

Mambo chanya: Kuna vitu vingi kuhusu vipandikizi ambavyo ni vizuri kwa mwili wako na pia maisha yako ya ngono [8]

• Haiwezi katiza ngono
• Wanawake wengi mwishoe watapata hedhi nyepesi inayokuja siku chache
• Hauiwekwi kila siku
• Uzazi wa Mpango wako umehahikishwa kwa miaka 3-5.
• Ni salama kwa wavuta sigara na walio na shinikizo la damu na ugonjwa wa sukari.
• Unaweza itumia ukiwa unanyonyesha
• Inaweza kutumika na wanawake ambao hawawezi kutumia estrojeni.
• Inaweza kupunguza dalili za kabla ya hedhi (PMS), msongo wa mawazo na dalili za uvimbe wa mji wa mimba.

Mambo hasi: Kila mtu huwa na wasiwasi juu ya madhara hasi, lakini kwa wanawake wengi, hakuna shida. Ukipata madhara, huenda yakaisha. Kumbuka, unaingiza homoni mwilini mwako, kwahivyo inaweza kuchukua miezi michache mwili izoe.

Malalamiko ya kawaida zaidi [7]:

• Kutokwa damu isiyotabirika, hasa miezi ya 6-12 ya kwanza (hii inaweza kumaanisha kutokwa matone ya damu kati ya hedhi moja na inayofuata, au hedhi inayokuja siku nyingi na nzito zaidi. Wanawake wengine hutokwa na damu isiyotabirika muda wote wanapokuwa na vipandikizi. Wanawake wengine hawapati hedhi kabisa. (Ikiwa unafikiria kutumia vipandikizi, lazima uwe tayari kukuwa na utokaji damu isiyo tabirika) Watumizi wa vipandikizi wana uwezo mkubwa ya kuwa na hedhi marachache au kukosa hedhi kila mwezi kushinda kutokwa na damu isiyotabirika.

Malalamiko zisizo za kawaida zaidi [8]:

• Chunusi
• Mabadiliko kwa hamu ya chakula
• Mabadiliko kwa tamaa ya ngono
• Uvimbe kwenye ovari
• msongo wa mawazo
• Ngozi kubadilika rangi au kuwa na makovu pahali palipo ingizwa vipandikizi
• Kizunguzungu
• Kupoteza nywele
• Maumivu ya kichwa
• Kichefuchefu
• Wasiwasi
• Uchungu pahali palipo ingizwa vipandikizi
• Ulaini wa matiti

Ikiwa baada ya miezi 6 unahisi kwamba madhara yamezidi kiwango unachoweza kuvumilia, tumia njia ingine uwe na kinga. Kumbuka, kuna njia kwa kila mtu, kila mahali! Hakikisha tu kwamba umejikinga kwa kuanza kutumia njia ingine mara hio hio.

* Kwa idadi ndogo mno ya wanawake, kuna hatari ya madhara makubwa.

Tuko hapa kukusaidia. kama bado unahisi sio ya kufaa, tuna mawazo ya njia zingine. Kumbuka tu: Ukiamua kubadilisha njia, hakikisha una kinga wakati unafanya mabadiliko. Kondomu zitakupa kinga bora wakati unatafuta njia itakayofaa mahitaji yako.

Je, napaswa kuwa na wasiwasi juu ya matone ya damu?

• Kutokwa matone ya damu, ambayo inaweza kusababishwa na matumizi ya njia tofauti, haikufanyi upoteze damu nyingi, hata ikiwa inaweza kuonekana hivyo[8]
• Bado haiendi sawa? unaweza kuwa na bahati nzuri zaidi ukitumia njia inayokupa estrojeni wakati wa sehemu wa mzunguko wa hedhi. Zingatia tembe, kiraka au pete.
• Jaribu njia tofauti: IUD ya Homoni na IUD bila homoni

Na ikiwa sipendi hali ya kutokwa na matone ya damu?

• Madhara hii inaweza kuwa mgumu kutibu, lakini ikiwa umekuwa na vipandikizi kwa miezi michache au chini, inaweza kupungua au iishe yenyewe.
• Bado haiendi sawa? Kama matone ya damu hayapungui na wakati, pengine uangalie njia zingine ambazo zitawezesha uwe na hedhi kawaida. Njia kama tembe, kiraka au pete.
• Jaribu njia tofauti: kiraka; tembe; pete

Na ikiwa nataka kushika mimba?

• Zungumza na mtoaji wako aitoe.Mara tu ikitolewa, mwili wako unastahili kurudi kawaida haraka. Kuna uwezo utachelewa kushika mimba punde baada ya kutoa vipandikizi.Lakini wanawake wengi hushika mimba haraka baada ya kuwacha kutumia vipandikizi. Ikiwa hutaki kushika mimba, anza kutumia njia ingine baada ya kutoa vipandikizi. Kulingana na mwili wako, unaweza kungoja hadi miezi 2 kabla ya kupata hedhi yako ya kawaida baada ya kutoa vipandikizi.[4]

Na ikiwa hisia zangu zitabadilika badilika, niwe na kuvimbiwa, au niwe na wasiwasi?[11]

• Homoni mwilini mwako zitaanza kurudi kawaida baadaya ya miezi kama sita.
• Ikiwa umekuwa na vipandikizi kwa miezi chini ya 6,na unaweza kuvumilia madhara, subiri kabla ya kuomba itolewe.
• Ikiwa umekuwa na vipandikizi kwa miezi zaidi ya 6,zungumza na mtoaji wako kuhusu njia tofauti.
• Bado haiendi sawa?Ikiwa umeshaipa angalau miezi sita na madhara bado yanakusumbua, jaribu njia ya kinga ya muda mfupi na yenye dozi ya chini, kama vile kiraka; tembe;pete. Pia unaweza jaribu aina yoyote ya IUD.
• Jaribu njia tofauti: IUD ya homoni na IUD bila homoni; kiraka;  tembe;  pete

Na ikiwa sitaki kitu mwilini mwangu kwa muda mrefu?

• Njia zote za kuzuia mimba zimefanyiwa utafiti kwa makini na kuidhinishwa kwa matumizi ya muda mrefu. Kwa vile imeundwa kwa matumizi ya muda mrefu, sahau vipandikizi vya miaka 3 hadi 5.
• Bado haiendi sawa? Ikiwa bado unasumbuliwa na wazo la kuwa na kifaa ndani yako, kuna njia zingine. Unafikiri vipi kuhusu njia ya sindano, kiraka;tembe?
• Jaribu njia tofauti: njia ya sindano, kiraka;  tembe .

Nitajuaje niko na mimba ikiwa sipati hedhi ya kawaida?

• Ni jambo la kawaida kukosa kupata hedhi, na kwa wanawake wengi, hili ni jambo nzuri.
• Bado haiendi sawa? Ikiwa ni la muhimu kwako kupata hedhi ya kawaida ili uhakikishe hauna mimba,unaweza kujaribu njia ya mzunguko kama {pete}, {kiraka}, {tembe}.
• Jaribu njia tofauti: kiraka;  tembe;  pete

Na ikiwa nataka kushika mimba?

• Kuna uwezo utachelewa kushika mimba punde baada ya kutoa vipandikizi.Lakini wanawake wengi hushika mimba haraka baada ya kuwacha kutumia vipandikizi. Ikiwa hutaki kushika mimba, anza kutumia njia ingine baada ya kutoa vipandikizi. Kulingana na mwili wako, unaweza kungoja hadi miezi 2 kabla ya kupata hedhi yako ya kawaida baada ya kutoa vipandikizi.[5].