Sharp sharp medicine wey no dey let person carry belle | Find My Method
 

For many country, EC medicine dey get two tablet, while some dey get only one. Whether na one or two tablet o, dem dey work well well

E dey work: EC way dey work like magic. Inside 100 people wey use am, 99 people no carry belle. But methods wey you fit use before or wen you dey nack fit betta pass.

Gbege wey fit happen: with IUD wey be copper, your period fit dey flow well well, belle fit dey pain you; EC medicine fit let your stomach dey worry you and you fit dey vomit

Wahala dey there: With IUD wey be copper, you go put am once and e go dey there for many years. De number of medicine wey you go take depend on de type.

E no go protect you against yamayama infection (STIs). [10]

Summary

SHARP SHARP MEDICINE WEY NO DEY LET BELLE ENTER

Sharp sharp medicine wey no dey let belle enter (EC) fit stop belle before e start. (E no mean say EC medicine and medicine wey dem dey take commot belle na de same thing). E depend on where you dey live, EC medicine full ground yafunyafun. Most of dem dey work for up to 5 days (or 120 hours) after you nack wey you no use protection. And if you use am on time, na dat time e go work pass sef.

Example of sharp sharp medicine wey no dey let belle enter:

Ulipristal acetate dedicated pills. Dis new type of EC na one tablet e get and e fit work up to 5 days after person don nack with no protection. Dat one no mean say e no go work well well during de 5 days.

Levonorgestrel-based pills: Lydia Postpil, Postinor 2, Norpill, Unwanted72, Nowill Pill, Plan B One-Step, Next Choice One Dose, Next Choice, My Way, After Pill, Levonorgestrel. All dis medicine fit dey available and you no go need make doctor tell you to buy am. But e depend on dey country wey you dey live. Dem dey de same with de medicine wey de tablet plenti. Dem fit work up to like 5 days after person nack without protection, but de way wey e go work go dey less each day. If you wan use dis method, you sharp sharp after you just nack without protection.

IUD wey no get hormone. Dis na de EC wey dey work pass.if your health care people put am inside 5 days wey person nack without protection, e sure for us 99.9% say belle no go enter

Yuzpe Method. You fit use some common medicine wey no dey let belle enter as EC if you do am as dem take talk (look our “How to use am” wey dey down to see). E no dey sure we well well like de other EC medicine. Dey work well well up to 3 days after you nack with no protection.

Details

Kasala blow with your package. If your condom break, or you forget to take your medicine, put your ring, put de one wey dem dey put on top bodi, or make e be say, de one wey be like cup (diaphragm)commot – anything like dat – you need to use EC.

If your e no commot sharp sharp. If your partner dey nack you without protection and he commot e prick but sperm don mistakenly enter, you go need to use EC.

De nack dey totori you. If you kon say you no go use protection wen you dey nack and you never wan let belle enter, use EC. But make sure e no pass 5 days wey you nack before you use am.

Wen alarm don blow. If dem rape you, or people wey nack you no use protection, abeg use EC.

Carry am up and down. If you take EC sharp sharp, e go work well well. So, e go make sense if you get some inside your bag in case you need am sharp sharp.

EC all de way. If you see say you need EC and you want de one wey go last well well, de copper IUD n aim make sense pass. If you put am, e go protect you for up to 5 days after you don nack without protection. You go get am easy and e dey work like magic for up to 12 years.

How To Use

Although EC go protect you, e get other swey go protect you for many years and e dey make nack dey go sam sam. EC na the surest way wey belle no go enter after you don nack without protection. See plenti wey you fit select from. [10]

Copper IUD. Dis na de sure EC wey dey. If you put am inside 5 days wey you nack without protection, e sure for us 99.9% say belle no go enter. You go need to see your health care people to put am for you.

Ulipristal acetate dedicated pills. Take one tablet inside 5 days after you don nack without protection.

Levonorgestrel-based pills. All EC medicine wey get levonorgestrel dey work like normal package/medicine wey no dey let belle enter, but you go need to take more medicine but e no permanent. E go betta make you use as e dey hot, even though say e go protect you for up to 5 days wey you nack without protection.

IUD wey no get hormone. Dis na de sure EC wey dey. If you put am inside 5 days wey you nack without protection, e sure for us 99.9% say belle no go enter. You go need to see your health care people to put am for you.

De Yuzpe Regimen. You fit use some common medicine wey no dey let belle enter as EC. if you do am like dat, dem dey call am the Yuzpe regimen. You go take de medicine two dose, 12 hours after the first dose. E dey only work with some type.

Remember: use EC immediately wey you nack without protection. E go better make you take am within 24 hours to three days. E no go let belle enter for up to 5 days.

Side Effects

Everybody dey different. Wetin you go feel fit different from wetin anoda person go feel.

De good part: EC dey do plenti good thing for the body. Even wen your toto go dey collect prick sef, e go dey go sam sam.

E go protect you and give you peace of mind after you don nack without protection or your method fail

De side wey no pure: Plenti people dey worry say some side for de matter no pure. Many women no dey get any wahala, if you dey see wahala with EC, just know say e go commot after 24 hours. [5]

Ulipristal Acetate and medicine wey get Levonorgestrel

E fit cause make belle dey pain person and make person dey vomit

E fit cause make breast soft, period no go dey come every month, make e be like say person wan faint and headache. For some country, na until doctor tell you say make you buy am n aim you go fit buy am. Look de method wey dey for my country.

Yuzpe Regimen

E fit cause make belle dey pain person and make person dey vomit

E fit cause make breast soft, period no go dey come every month, make e be like say person wan faint and headache.

Women dey always see small wahala with Yuzpe dan with other EC medicine, especially make e dey do dem like say dem wan vomit

Na im no sure pass for all de EC medicine

FAQs

Emergency Contraception na de common way to no let belle enter. You dey get small wahala for dis method now, you fit change to de one wey easy well well like IUD or de one wey dem dey put inside bodi. Just remember: if you talk say na anoda way you wan use, make sure say you protect yourself well wen you dey try anoda way. Condom go protect you well well while you still dey find anoda way wey go fit you.

Shey EC dey work like abortion medicine? [4]

If you don get belle (even if you no know), EC no go work. EC no dey let belle start; e no fit stop belle wey don already start. If you mistakenly take EC before you know say you don get belle, e no go cause any kasala for you or your belle.

Shey EC no dey work well if I use enzyme inducer (like Dilantin, rifampicin, griseofulvin, or St. John’s Wort)? [12]

Other medicine and herb supplement dey make medicine wey no dey let belle enter no dey work well, and e go also affect EC medicine. So, if you use enzyme inducer, e go make sense make you increase de EC medicine wey you go take. Talk to your healthcare people to know how many you go need to take.

What if de EC medicine de make me feel like say I wan vomit? [3]

If e dey do you like say you wan vomit or you don dey vomit, you fit take de medicine wey no go let you vomit one hour before you take your first EC medicine. But dis medicine fit make you dey feel like say you wan sleep.

If you kon vomit within one hour wey you take your EC medicine, you go need to take anoda medicine again just in case de medicine never enter your bodi well well.

References

  • [1] Black, K. I., & Hussainy, S. Y. (2017). Emergency contraception: Oral and intrauterine options. The Royal Australian College of General Practitioners . Retrieved from https://www.racgp.org.au/download/Documents/AFP/2017/October/V2/AFP-2017-10-Focus-Emergency-Contraception.pdf
  • [2] Dr Marie Marie Stopes International. (2017). Contraception. Retrieved from http://www.mariestopes.org.au/wp-content/uploads/Contraception-brochure-web-200417.pdf
  • [3] FSRH Faculty of Sexual & Reproductive Healthcare. (Amended 2017). FSRH Guideline Emergency Contraception. London. Retrieved from https://www.fsrh.org/standards-and-guidance/documents/ceu-clinical-guidance-emergency-contraception-march-2017/
  • [4] FPA the sexual health charity. (2017). Your guide to emergency contraception. Retrieved from https://www.fpa.org.uk/sites/default/files/emergency-contraception-your-guide.pdf
  • [5] FPA the sexual health charity. (2017). Emergency contraception. Retrieved from https://www.fpa.org.uk/sites/default/files/emergency-contraception-pdf-information.pdf
  • [6] ICEC The International Consortium for Emergency Contraception . (2018). EMERGENCY CONTRACEPTIVE PILLS: Medical and Service Delivery Guidance. Endorsed by FIGO. Retrieved from https://www.cecinfo.org/wp-content/uploads/2018/12/ICEC-guides_FINAL.pdf
  • [7] Matyanga, C. M., & Dzingirai, B. (2018). Clinical Pharmacology of Hormonal Emergency Contraceptive Pills. International Journal of Reproductive Medicine. Retrieved from https://www.ncbi.nlm.nih.gov/pmc/articles/PMC6193352/
  • [8] Trussell, et al. (2019). Emergency Contraception: A Last Chance to Prevent Unintended Pregnancy. Office of Population Research, Princeton University. Retrieved from https://ec.princeton.edu/questions/ec-review.pdfhttps://ec.princeton.edu/questions/ec-review.pdf
  • [9] The American College of Obstetricians and Gynecologists. ((Reaffirmed 2018)). Emergency Contraception. Washington, D.C. Retrieved from https://www.acog.org/-/media/project/acog/acogorg/clinical/files/practice-bulletin/articles/2015/09/emergency-contraception.pdf
  • [10] Upadhya, K. K. (2019). Emergency Contraception. AAP COMMITTEE ON ADOLESCENCE. Retrieved from https://pediatrics.aappublications.org/content/pediatrics/144/6/e20193149.full.pdf
  • [11] World Health Organization . (2018). Emergency contraception. World Health Organization . Retrieved from https://www.who.int/news-room/fact-sheets/detail/emergency-contraception
  • [12] World Health Organization Department of Reproductive Health and Research and Johns Hopkins Bloomberg School of Public Health Center for Communication Programs (2018) Family Planning: A Global Handbook for Providers. Baltimore and Geneva. Retrieved from https://apps.who.int/iris/bitstream/handle/10665/260156/9780999203705-eng.pdf?sequence=1
  • [13] World Health Organization. (2016). Selected practice recommendations for contraceptive use. Geneva. Retrieved fromhttps://apps.who.int/iris/bitstream/handle/10665/252267/9789241565400-eng.pdf?sequence=1

lang Naijá