De medicine | Find My Method
 
  • De medicine don dey for like 50 years. E dey easy to shuk for mouth and e dey pure.
  • E dey work: E dey work like magic wen you take am as you suppose take am, but many women no dey do am like dat. As people dey take use am, inside 100 women, 91 no carry belle.
  • Any wahala dey: your breast fit soft like akamu, you go feel like say you wan vomit, shikini shikini blood fit dey show face and to nack no go dey hungry like dat.
  • E hard: you try dey take de medicine de same time every day.
  • E no fit protect you from yamayama infection (STIs).

Summary

De medicine

De medicine small, dem dey package am come every month. Na for mouth dem dey put am. You go take am once, for de same time every day. Plenti medicine bokun. Most of de medicine na to dey release hormones, so dat belle no go enter.

Different types of medicine [5]:

Combination. Combination medicine get 2 types of hormones –estrogen and progestin-so ovulation no go dey. Combination medicine na every month and e dey get 3 weeks medicine inside wey dey hormone. You go take de ones wey no get hormone first until your period every month.

Only progestin. Dis medicine no get estrogen and if you no fit take am or if de combination medicine de cause you wahala. Dem dey bring out progestin every day of the month and you no go see your period during de week wey you do am.

Details

To take de medicine, you need to make sure say you take am de same time every day. If you no take am de same time every day, den, e no go work well.

If you want make your period dey show every month as e suppose be, den d medicine na im sure pass.

If you take dis medicine, your period fit miss and e dey 100% safe.

People wey dey smoke wey dey above 35 years need to dey careful wen dem dey take de medicine as e fit bring big gbege. E go betta make you talk to your healthcare people before you start to dey take de medicine.

If to carry belle dey hungry you, you need to stop de medicine sharp sharp. Once you stop, belle go enter. But if you stop to dey use de medicine and you neva wan carry belle, abeg find anoda way to protect yourself.

How To Use

E easy to get. Shey you go like try dis method? Check de “one wey dey my country” to know which one dey.

If you fit take medicine, den you fit take am. But no forget say you need to take de medicine de same time every day no matter wetin dey happen.
Some of dis medicine na for 21 days, while others na 28 days. Some fit make your period dey show every time while others go make your period show once in three months and some you no see your period for one year. Plenti medicine dey yafunyafun. Yarn with your healthcare people make dem help you find de one wey make sense for you [1].

Side Effects

Everybody dey different. Wetin you go feel fit different from wetin anoda person go feel.

De good part: De medicine de do plenti good thing for the bodi. Even wen your toto go dey collect prick sef, e go dey go sam sam [7].

Just swallow de medicine with water

E no go cause kasala wen you wan nack

You fit dey see your period small small.

You fit decide how you wan take dey see your period

Some of dis medicine go commot acne for your face

E go reduce de sign of premenstrual syndrome (PMS)

Some of de medicine fit protect you against health wahala like endometrial and ovarian cancer; iron deficiency anemia; ovarian cysts; and pelvic inflammatory disease

De side wey no pure: Plenti people dey worry about matter wey no pure. Many women no dey get any wahala. If you dey see small small wahala, dem go commot last last. Because your bodi just jam something wey new na why e dey fall your hand. No worry, after small time, e go stop, because your bodi go don master am.

After like 2 or 3 months, dis wahala go commot [10]:

Shikini shikini blood

Breast wey dey pain

Vomiting and make e be like you wan vomit

Dis wahala fit no commot fast fast:

How e dey you for nack matter fit change

*De side wey no pure fit serious for very few women.

FAQs

We dey here to help you. If dis way no be am, we get anoda way wey you fit use. No forget say: if you talk say na anoda way you wan use, make sure say you protect yourself well wen you dey try anoda way. E make sense make you use condom. Condoms go give you confam protection before you go find anoda way wey you wan use.

Shey make I dey fear if I dey see shikini shikini blood [4]?

E still no dey work? Your luck fit shine if you try anoda way wey dey provide estrogen for some part of your period time.

You fit see shikini shikini blood for different methods, e no mean say your blood go finish even though sometimes e go be like say all your blood don finish [8].

Try anoda way: IUD

Shey de medicine go me cancer [13].

If you no get any health wahala, e dey safe. And de medicine fit help you with some health wahala (like anemia from heavy periods) and later for life ( e fit protect you from health wahala like cancer).

If you no get any health wahala, e dey safe. And de medicine fit help you with some health wahala (like anemia from heavy periods) and later for life ( e fit protect you from health wahala like cancer).

Shey make I dey fear about blood thickness?

E dey very possible make your blood no thick wen you dey use de medicine. Na only if you get health wahala or dem born you some type way na im go increase your of blood thickness. If say your blood don thick before on top anoda health matter, den before you go start to dey take dis medicine, e go betta if you go yarn with your healthcare people first.

What if I forget to take my medicine [10]?

E betta if you go set a reminder for your phone.

E still no dey work? If you still no remember after you set reminder, then you go need to choose anoda method wey you no go get wahala dey remember.

The one wey dem dey put on top bodi, you go need to dey remember am once a week.
You need to remember de one wey be like ring once a month.

De IUD and de one wey dem dey put inside bodi, you no even need to remember for years.

Try anoda way: IUD; de one wey dem dey put on top bodi; ring

Shey e normal to get acne [5]?

De medicine fit help you clear your acne. But if e dey cause you more acne, den you need to change to anoda medicine.

E still no dey work? If you use anoda medicine, then you go need to find anoda way. Maybe de ring, the de injection, de one wey dem dey put inside bodi, or the IUD one or condom.

Try anoda way: condom for woman; de one wey dem dey put inside bodi; IUD; condom for man; ring; injection.

Why de medicine dey make me feel like say I wan vomit [8]?

Try dis one: if you wan still dey use de medicine, de use am for night. Or you fit take de medicine wey get small estrogen.

E still no dey work? You go need to try anoda way wey dem no dey take for mouth like de one wey dem dey put inside bodi; IUD; de one wey dem dey put on top bodi; ring; injection.

Try anoda way: de one wey dem dey put inside bodi; IUD; de one wey dem dey put on top bodi; ring; injection.

Why I dey see blood even wen I don finish my period?

If e neva tay wey you start to use de medicine, just chillax, all dis wahala go go. No miss de pill at all and no take 2 at de same time. If you do dis things wey we say make you no do, den you go dey see shikini shikini blood.

E still no dey work? If e never tay wey you start to dey use de medicine, you dey take am as dem take tell you, but you still dey see shikini shikini blood, den, you need to find anoda way. You also need to check if you get belle of get any yamayama infection (STIs) just to make sure say no be de reason blood dey commot for your bodi.
Try anoda way: de one wey dem dey put on top bodi; ring; injection

What if I wan travel to anoda place wey de time different? Shey I need to adjust wen I dey take my medicine?

3 ways dey [13]:

Option 1: use de time wey you don already dey use

You need to continue to dey use de time wey you start with. For instance, if you move to Mexico but na Morocco you come from, you go use your medicine exactly de time wey you dey use am for Morocco. No go follow Mexico time o, because 9 am for Morocco fit be 3 pm for Mexico. So, dis means say, na 3 pm you go dey use your medicine for Mexico.

You need to adjust de alarm for your phone to make sure say na de same time anytime wey you dey travel.

Option 2: change to de new time for de new place wey you dey

If e go dey easy or you wan dey live for de new place, you fit change de time. Sha no pass 24 hours before you take anoda medicine. So if you go Mexico wan dey take your medicine for 9 am as you dey take am for Morocco, you fit do am like dat.

If you dey travel, no forget to pack your medicine. If you just need to travel without preparation, you need to visit anoda healthcare people for your new place for anoda medicine. If you neva still get your medicine, you fit still dey use condom.

E still no work? If you dey travel wella and na de medicine wey get hormone you dey use, you fit change to de ring one or even de one wey dem dey put on top bodi so you no go need to dey worry about time. If you wan completely forget about anything wey concern time matter, know more about de one wey dem dey put inside bodi or de IUD.

Try anoda way: de one wey dem dey put inside bodi; de one wey dem dey put on top bodi; IUD; ring

I miss my medicine or I take am late, wetin I fit do [6]?

Take our next medicine as soon as you remember and use anoda way as back up to protect yourself for de next 7 days. If na medicine wey no get hormone, for de 4th week troway am for dat day and go back to how things be before.

If you don nack since inside 5 days after you no dey take your medicine according to plan, you go need to take sharp sharp medicine so dat belle no go enter.

I no take my medicine yesterday. Shey I fit take two medicine today?

If you forget to take your medicine, we go advise say make you take two in one day. You no go get any wahala if you take one first, den take anoda one 10 hours later. If you no wait 10 hours, you fit feel like say you wan vomit.

You wan take sharp sharp medicine make belle for no enter, you need to take 2-4 medicine at once.

If e don pass 24 hours wey you take your last medicine, you go need to find a second way to take shock bodi as backup like condom for man and woman if you wan nack inside de next 7 days.

What if I start to dey take my medicine for different time every day?

No shaking. de next time wey you go take your medicine; take am for de time wey you like. You no need back up.

If you no fit wait for your next medicine package, just make sure say you no wait for more dan 24 hours before you take anoda medicine.

Shey de medicine bad for de environment [13]?

Any way betta pass no way at all wen e concern de environment.

Some hormones for de medicine go enter de environment from de woman piss. E dey small pass other source of estrogen wey dey for the environment.

From things wey dem dey manufacture like fertilizer, de things wey dey kill mosquito and from de medicine wey dem dey give animals, estrogen dey enter the environment well well pass de one wey dey for de woman piss.

If you no wan hormone to your bodi or de environment, anoda way dey for you. Condom wey be like rubber and copper IUD good well well. Anything wey you decide, choose one way dey use.

E still no dey work? Try de IUD wey no get hormone.

Try anoda way: IUD

Shey my medicine no go let belle enter if I dey take antibiotics?

Rifampin na de only antibiotic wey we don see say e no dey let medicine work. Dem dey use am treat tuberculosis.

If you need to take rifampin, talk to your healthcare people so you go know de way to go.

If I vomit nko wen I dey take my medicine [9]?

If you vomit before 2 hours after you take your medicine, dat means say you don miss your medicine. Take de next medicine sharp sharp.

Use anoda way to take shock bodi for de next 7 days like condom.

What if I dey shit anyhow after I don take my medicine?
If dat kain shit dey worry you, e fit no affect how your medicine go work.

Serious shit, like you shit many times in one day, e fit affect how your medicine go work.

Use anoda way to take shock bodi for de next 7 days like condom if serious belle dey worry you. Every time wey you nack, you need to use anoda way if you still dey sick, and after 7 days after you recover.

E still no dey work? To forget, to vomit and make serious belle dey worry person wey e go dey go toilet after person don take im medicine na im dey cause make medicine no work. If e too risky, use anoda method take shock bodi, or change to anoda way wey no get wahala at all.

Try anoda way: condom; de one wey dem dey put inside bodi; IUD; ring

Shey e dey safe make I dey take my medicine for years without break [13]?

If you wan get belle, den stop to dey take de medicine. Area don yarn say to dey take de medicine for years mean say de medicine go let belle enter sharp sharp once you stop to dey take am.

if you dey see small small blood, to no take dey medicine for some time go help. If you wan stop to dey take de medicine, e go be between 3-7 days. Use anoda way like condom every time wey you nack and for de next seven days wey you start to dey take de medicine again.

E still no dey work? If you dey smoke or get health gbege wey go make de medicine no pure for you, make you try progestin method.

Try anoda way: de one wey dem dey put inside bodi; IUD, injection

References

  • [1] Cooper, D. B., & Mahdy, H. (2019). Oral Contraceptive Pills. StatPearls Publishing. Retrieved from https://www.ncbi.nlm.nih.gov/books/NBK430882/
  • [2] Dr Marie Marie Stopes International. (2017). Contraception. Retrieved from http://www.mariestopes.org.au/wp-content/uploads/Contraception-brochure-web-200417.pdf
  • [3] FSRH The Faculty of Sexual & Reproductive Healthcare. (Amended 2019). UK MEDICAL ELIGIBILITY CRITERIA. RCOG, London. Retrieved from https://www.fsrh.org/standards-and-guidance/documents/ukmec-2016/
  • [4] FSRH Faculty of Sexual and Reproductive Healthcare. (Amended 2019). Faculty of Sexual & Reproductive Healthcare Clinical Guidance: Progestogen-only Pills. Retrieved from https://www.fsrh.org/standards-and-guidance/documents/cec-ceu-guidance-pop-mar-2015/
  • [5] FSRH The Faculty of Sexual & Reproductive Healthcare. (Amended 2019). FSRH Guideline: Combined Hormonal Contraception. Retrieved from https://www.fsrh.org/standards-and-guidance/documents/combined-hormonal-contraception/
  • [6] Family Planning NSW. (2015). The Combined Oral Contraceptive Pill. Retrieved fromhttps://www.fpnsw.org.au/sites/default/files/assets/combined_oral_contraceptive_pill.pdf
  • [7] FPA the sexual health charity. (2019). Your guide to the combined pill. Retrieved from https://www.fpa.org.uk/sites/default/files/the-combined-pill-your-guide.pdf
  • [8] Reproductive Heath Access Project. (2019). The pill. Retrieved from https://www.reproductiveaccess.org/wp-content/uploads/2014/12/factsheet_pill.pdf
  • [9] SHINE SA. (2017). Fact Sheet: The Pill. Retrieved from https://www.shinesa.org.au/media/product/2015/04/The-Pill.pdf
  • [10] Shukla, A., & Jamwal, R. (2017). Adverse effect of combined oral contraceptive pills. Asian Journal of Pharmaceutical and Clinical Research, 10. Retrieved from https://www.researchgate.net/publication/312596820_Adverse_effect_of_combined_oral_contraceptive_pills
  • [11] Society of Obstetricians and Gynaecologists of Canada. (2017). Canadian Contraception Consensus Chapter 9: Combined Hormonal Contraception. Retrieved from https://www.jogc.com/article/S1701-2163(16)39786-9/pdf
  • [12] The Royal Women’s Hospital and Family Planning Victoria. (2018). THE CONTRACEPTIVE PILL. Retrieved from https://thewomens.r.worldssl.net/images/uploads/fact-sheets/Contraception-the-pill-2018.pdf
  • [13] World Health Organization Department of Reproductive Health and Research and Johns Hopkins Bloomberg School of Public Health Center for Communication Programs (2018) Family Planning: A Global Handbook for Providers. Baltimore and Geneva. Retrieved from https://apps.who.int/iris/bitstream/handle/10665/260156/9780999203705-eng.pdf?sequence=1
  • [14] World Health Organization. (2016). Selected practice recommendations for contraceptive use. Geneva. Retrieved from https://apps.who.int/iris/bitstream/handle/10665/252267/9789241565400-eng.pdf?sequence=1