Condom for woman | Find My Method
 

E dey let women dey in charge

E dey work: E better if you use am well; e work well well with spermicide. If you use am as you take suppose to use am, inside 100 people wey use am, 98 people no carry belle. But plenti people no sabi how to use am well. If dem no use am well, inside 100 people, na only 79 people no go carry belle.

Gbege wey fit happen: E no get any gbege, but e fit dey do you or your guy one kain for bodi

Wahala dey there: You go need to use new one EVERY time wey you wan nack.

Summary

Condom wey dem dey wear inside (for woman)

Condom wey dey dey inside – dem dey call am de condom for woman – be be like tintili bag wey you go put inside your toto or your yash. E dey work de same way wey man condom de work, except say you go wear am inside. E no dey let sperm enter inside de woman bodi.

Details

Man condom go protect you from yamayama infection plus HIV sef.

To use man condom, you go need to decide say you go do am every time. You go make sure say you wear am well every time for am to fit protect you.

If your partner no gree wear condom. If your partner no gree wear condom, but you no wan let yamayama infection enter, den woman condom na im go make sense pass.

You no need doctor to tell you. If you no fit dey go your healthcare people or you no wan go at all, den use man condom. Woman condom dey dey hard to find pass man own.

Ni bora kwa watu walio na mzio wa ulimbo wa mpira (latex), tofauti na kondomu za kiume nyingi, kondomu za ndani (kike) zimetengenezwa na plastiki au mpira bandia. Unaweza zitumia ikiwa una mzio wa ulimbo wa mpira

How To Use

Woman condom dey easy to use but you go need to practice small. No forget say, if you dey use dis method, you to use am EVERY TIME wey you wan nack.

How to wear woman condom: [9]

First, you no need to hide your face. Wen you don dey wear de condom, e fit make de nack dey hungry you well well sef. If you you no dey comfortable, talk to your partner about am, talk about how to use condom take make nack dey sweet well well.

Wash you hand with soap and water. No touch anything, let am dry.

Put spermicide or lubricant outside de side de condom where he close.

Sidon or stand spread your leg.

Squeeze de side wey close together and shuk am inside like de pad wey dem dey put inside toto.

Push de side wey close inside your toto. Push am till e reach your cervix.

Commot your finger and let the outer part of de condom come outside your toto small. (wen you look am, you go wan laugh).

If you wan use woman condom for nack wey dem dey do for yash, na de same way you go take put am.

Wen you dey nack, no worry if de condom dey dance. If de man prick commot inside de condom, remove de condom, den put am back. If he kon let sperm enter inside de woman bodi, you go need to take de sharp sharp package/medicine wey no go let belle enter.

How to commot woman condom? [7]

Squeeze de part wey dey out de toto or yash, den twist am so dat e go close and sperm no go pour.

Draw de condom come out small small

Troway de condom. No let children or your pet take am play. No go flush am for toilet, e go block your toilet.

To use am condom and woman condom at say time say because you wan dey over sure no go double your protection o. E go just make de two condom tear quick quick. [4]

Wetin fit help: before you use woman condom, look de date wey e go expire and check de package to make sure say no hole dey there.

Side Effects

Everybody dey different. Wetin you go feel fit different from wetin another person go feel.

De good part: [8]

E go protect you from yamayama infection

E go dey sweet your toto

Doctor no need tell you to use am

You fit you am even if latex dey do you one kain for bodi

You fit use lubricant wey get oil or water on top am

E dey kampe even wen de man prick no stand again

De side wey no pure: [8]

E fit de do you one kain for bodi

Some type fit no dey good for you (if na so, try anoda type)

You fit no dey feel de action wen you dey nack

Some woman condom fit dey make noise (but de new ones wey just come out no be like dat)

You fit forget to use am wen you don shak

FAQs

We dey here to help you. If dis way no be am, we get anoda way wey you fit use. No forget say: if you talk say na anoda way you wan use, make sure say you protect yourself well when you dey try anoda way. Man condom go protect you well well while you still dey find anoda way wey go fit you.

Wat if e dey hard to wear?

E go dey dey easier for you as you dey wear am every time.Use am practice even wen you no wan nack, so dat e go master you.

E still no dey work? If e still no dey easy for you, and you no wan carry any infection, use man condom instead.

If infection no be your concern for now, use anoda method wey you no go need to put am inside by yourself. Your health care people go help you put de IUD and de one wey dem dey put inside bodi.

Try anoda way: de one wey dem dey put inside bodi; IUD

Wat if de thing kon hang on top de man prick? [10]

Try use small lube and to see if e go commot.

E still no dey work? If you and your partner agree, una fit start to dey use de man condom. E go also protect you from infection.

If infection no be your concern, den you fit try anoda method. De ring, de one wey dem dey put on top bodi, or de injection fit dey good for you.

Try anoda way: man condom; de one wey dem dey put on top bodi; ring; injection

Why de woman condom dey make noise? [4]

Try to use lube to see if e no go make noise again. De new ones wey just come out no dey make noise like dat. You fit try buy those ones.

E still no dey work? If he gree, use man condom, e go protect you from infection.

If infection no be your concern, den you fit try anoda method. De IUD, de ring, de one wey dem dey put on top bodi, or de injection fit dey good for you.

Try anoda way: Condom; IUD

What if de guy dey feel de thing inside? [7]

If de guy dey feel de thing inside, e fit mean say you know push am enter inside well well. Try push am inside well well.

E still no dey work? If he gree, use man condom, e go protect you from infection.

If infection no be your concern, den you fit try anoda method. De IUD, de ring, de one wey dem dey put on top bodi, or de injection fit dey good for you.

Try anoda way: Condom; IUD

Shey two condom go protect me from yamayama infection and belle no go enter? [10]

Two condom no betta pass one o. Two condom no go let de nack go sam sam, and e fit let de condom break.

If you wan dey very safe, use condom and anoda way wey no go let belle enter.

Try anoda way: de one wey dem put inside bodi

Why woman condom dey come out small wen I stand? [10]

You fit wear de woman condom for like eight hours before you nack.

If you stand wen you wear de condom, e go come out small. If wan wear am early, den you go need wear pant wey go hold am so e no go show face outside.

References

  • [1] Beksinska, et al. (2015). A randomized noninferiority crossover controlled trial of the functional performance and safety of new female condoms: an evaluation of the Velvet, Cupid2, and FC2. Contraception, Volume 92, Issue 3,. Retrieved from https://www.ncbi.nlm.nih.gov/pubmed/26002805
  • [2] Dr Marie Marie Stopes International. (2017). Contraception. Retrieved from http://www.mariestopes.org.au/wp-content/uploads/Contraception-brochure-web-200417.pdf
  • [3] FPA the sexual health charity. (2015). Your guide to male and female condoms. Retrieved from https://www.victoriaparkhealthcentre.co.uk/website/C82124/files/male-and-female-condoms-your-guide.pdf
  • [4] IPPF and UNFPA. (2010). MYTHS, MISPERCEPTIONS AND FEARS: ADDRESSING CONDOM USE BARRIERS. New York . Retrieved from http://bibliobase.sermais.pt:8008/BiblioNET/Upload/PDF4/002988.pdf
  • [5] Mome, et al. (2018). Effectiveness of female condom in preventing HIV and sexually transmitted infections: a systematic review protocol. BMJ Open. Retrieved from https://www.ncbi.nlm.nih.gov/pmc/articles/PMC6078242/
  • [6] Reproductive Health Access Project. (2015). FEMALE/INTERNAL CONDOM. Retrieved from https://www.reproductiveaccess.org/wp-content/uploads/2015/03/factsheet_female_condom.pdf
  • [7] Society of Obstetricians and Gynaecologists of Canada. (2015). Canadian Contraception Consensus Chapter 5: Barrier Methods. JOGC Journal of Obstetrics and Gynaecology Canada , 37. Retrieved from https://www.jogc.com/article/S1701-2163(16)39376-8/pdf
  • [8] Shoupe, D. (2016). Barrier Contraceptives: Male Condoms, Vaginal Spermicides, and Cervical Barrier Methods. En D. Shoupe, The Handbook of Contraception: A Guide for Practical Management. Retrieved from http://eknygos.lsmuni.lt/springer/677/147-177.pdf
  • [9] Ting RS, et al. (2018). A pilot study on the functional performance and acceptability of an innovative female condom (Wondaleaf®) in Malaysia. Open Access J Contracept., 9. Retrieved from https://www.ncbi.nlm.nih.gov/pmc/articles/PMC5804018/
  • [10] World Health Organization Department of Reproductive Health and Research and Johns Hopkins Bloomberg School of Public Health Center for Communication Programs (2018) Family Planning: A Global Handbook for Providers. Baltimore and Geneva. Retrieved from https://apps.who.int/iris/bitstream/handle/10665/260156/9780999203705-eng.pdf?sequence=1
  • [11] World Health Organization. (2016). Selected practice recommendations for contraceptive use. Geneva. Retrieved from https://apps.who.int/iris/bitstream/handle/10665/252267/9789241565400-eng.pdf?sequence=1

lang Naijá