သားအိမ်ခေါင်းအဖုံး | Find My Method
 
cervical-cap
  • ချက်ချင်းထိရောက်သော။ ၎င်းတွင်ဟော်မုန်းမပါရှိပါ၊ လိင်ကိစ္စမတိုင်မီ ၆ နာရီအထိ ထည့်နိုင်သည်။
  • ထိရောက်မှု- သားအိမ်ခေါင်းအဖုံးသည် အထိရောက်ဆုံးသောနည်းလမ်းမဟုတ်ပါ။ ဒါဟာ သုတ်ပိုးသေဆေးနှင့်အတူ အကောင်းဆုံးအလုပ်လုပ်တယ်။ ဤနည်းကိုအသုံးပြုခြင်းအားဖြင့်လူ ၁၀၀ လျှင် ၇၁ မှ ၈၆ ဦးသာ ကိုယ်ဝန်ကို တားဆီးဖို့ စီမံနိုင်ပါမယ်။
  • ဘေးထွက်ဆိုးကျိုးများ – များသောအားဖြင့်ဘေးထွက်ဆိုးကျိုးမရှိ။ တချို့အမျိုးသမီးတွေယားယံ သို့မဟုတ် အဆင်မပြေ ကြုံတွေ့ခံစားရနိုင်ပါတယ်
  • အားထုတ်ရမှု- မြင့်မားသော။ ဒါကို လိင်ဆက်ဆံတိုင်း နေရာတကျ ထဲ့ထားရန်လိုပါတယ်
  • လိင်မှတဆင့်ကူးစက်သောကူးစက်ရောဂါများကို ကာကွယ်ခြင်းမရှိပါ။

အကျဉ်းချုပ်

သားအိမ်ခေါင်းအဖုံးသန္ဓေတားနည်း

သားအိမ်ခေါင်းအဖုံး အကျဉ်းချုပ်

သားအိမ်ခေါင်းအဖုံးသည်သင့်လိင်အင်္ဂါအတွင်း ထည့်သွင်းထားသော siliconeဆီလီကွန် ခွက်တစ်ခုဖြစ်သည်။ ၎င်းသည်သင်၏သားအိမ်ခေါင်းကိုဖုံးအုပ်ပေးပြီး သုက်ပိုးကို သားအိမ်ထဲမရောက်အောင် ကာကွယ်ပေးသည်။ အထိရောက်ဆုံးဖြစ်‌စေရန် သားအိမ်ခေါင်းအဖုံးကို သုတ်ပိုးသေဆေးနှင့်အတူ အသုံးပြုရန်လိုသည်။

အသေးစိတ်များ

သင်မှာ ကလေးမရှိသေးပါ။ အကယ်၍ သင် ကလေးမမွေးဖူးသေးပါက သားအိမ်ခေါင်းအဖုံးသည် ပိုမိုထိရောက်သည်။

သင်ကိုယ်ဝန်ရရန်စိတ်မပူရပါ။ သားအိမ်ခေါင်းအ‌ဖုံးပုံမှန်အသုံးပြုမှုအတွက် မအောင်မြင်သည့်နှုန်း ၁၄ မှ ၂၉% အထိရှိသည်။ အကယ်၍ သင့်အတွက် မတော်တဆကိုယ်ဝန်ကို လက်မခံနိုင်ပါက အခြားနည်းလမ်းတစ်ခုကိုစမ်းကြည့်ပါ။

သင်၏ခန္ဓာကိုယ်အတွက်အဆင်ပြေသည်။ သင့်လက်ချောင်းများကို သင့်ကိုယ်ထဲထည့်ရန်အဆင်မပြေပါက အခြားနည်းလမ်းတစ်ခုကိုစဉ်းစားပါ။

ဒါဟာစည်းကမ်းလိုက်နာဖို့လိုပါတယ်။ သင်လိင်ဆက်ဆံသည့်အခါတိုင်း သင်၏ သားအိမ်ခေါင်းအဖုံးကို ထည့်ရန်သတိရဖို့လိုသည်။ ဒါဟာ မိမိကိုယ်ကိုစည်းကမ်း နှင့် အစီအစဥ်တကျရှိဖို့ လိုပါတယ်။ သတိရလွယ်အောင် လိုအပ်ရင် ယူဆောင်သွားလို့ရပါတယ်။

မိမိဟာ မကြာခဏလိင်မဆက်ဆံပါ။ သားအိမ်ခေါင်းအဖုံးထည့်တာ အချိန်အနည်းငယ်ကြာနိုင်ပါတယ်။ ပုံမှန်လိင်ဆက်ဆံနေကျဆိုရင် ဒါဟာ သိပ်ကောင်းသော ရွေးချယ်ခွင့်မဟုတ်ပါ။ တစ်ပတ်ကို တစ်ကြိမ် နှစ်ကြိမ်သာ လိင်ဆက်ဆံပါက ဒါဟာ ရွေးချယ်ခွင့်ကောင်းတစ်ခုဖြစ်နိုင်ပါတယ်။ ဒါကိုထည့်သွင်းထားပြီး ၄၈ နာရီအထိထားနိုင်ပါတယ်။

ဓာတ်မတည့်တဲ့ ကိစ္စများ။ သင် silicone သို့မဟုတ် {သုတ်ပိုးသေဆေး} နှင့်မတည့်ပါက သားအိမ်ခေါင်းအဖုံးကို မသုံးသင့်ပါ။

ကိုယ်ဝန်အတွက်မေးစရာ။ သားအိမ်ခေါင်းအဖုံးကိုမသုံးတော့တာနဲ့ သင်ကိုယ်ဝန်ဆောင်နိုင်လိမ့်မယ်။ ဒါ့ကြောင့် ကိုယ်ဝန်ဆောင်ရန်အဆင်သင့်မဖြစ်သေးပါက အခြားနည်းလမ်းဖြင့်ချက်ချင်း မိမိကိုယ်ကိုကာကွယ်ပါ။

အသုံးပြုနည်း

လိင်ကိစ္စမတိုင်မီနာရီပိုင်းအလိုကတည်းက သားအိမ်ခေါင်းဖုံးထည့်ထားနိုင်ပြီး၊ သင်စိတ်ပါမလာခင် ထည့်ထားပြီးသင့်တယ်။ သင်လိင်ဆက်ဆံပြီး ၆ နာရီကြာအောင် ထားဖို့လိုအပ်တယ်။ အကယ်၍ အဲဒီနေ့မှာပဲ ထပ်မံပြီး လိင်ဆက်ဆံမယ်ဆိုရင်၊ သားအိမ်ခေါင်းအဖုံးကို ဒီအတိုင်းထားပြီး သုက်ပိုး‌သေဆေးကို ထပ်ထည့်ပါ။ သင်၏ အဖုံးကို ၄၈ နာရီကျော်မထားပါနှင့်။

ဘယ်လိုထည့်ရမလဲ။

သားအိမ်ခေါင်းအဖုံးထည့်တာ ပိုခက်သလိုထင်ရတယ်။ ဒါဟာအလေ့အကျင့်ရရင် ပိုလွယ်ကူသွားပါတယ်။

လက်ကိုဆပ်ပြာနဲ့ရေနှင့် ဆေးကြောပါ။ ၎င်းတို့ကို လေဖြင့် ခြောက်ပါစေ။
သင့်သားအိမ်ခေါင်းအ‌ဖုံးမှာ အပေါက်တွေ ချို့ယွင်းချက်တွေ ရှိမရှိစစ်ဆေးပါ။ သူ့ကို ရေသန့်ထဲ့ပြီးစစ်ကြည့်နိုင်ပါတယ် ရေစိမ့်ထွက်လာရင် ပေါက်လို့ပေါ့။
အဖုံးရဲ့အခွက်ထဲ သုတ်ပိုးသေဆေး ၁ – ၂ mL လောက် ထည့်ပါ။ အနားပတ်လည်ကို နဲနဲဖြန့်ပေးပါ။
ဖယ်ရှားဖို့သိုင်းကြိုးနဲ့အတူ ဘေးဘက်လှည့်ပြီး အနားပတ်နဲ့အမိုးခုံးကြားအထစ်မှာ နောက်ထပ် 2-3 mL ထပ်ထဲ့ပါ။
ထိုင်လျက် ဒါမှမဟုတ် မတ်တပ်ရပ်လျက် ခြေထောက်ကားပါ။
လက်ညှိုးနဲ့လက်ခလယ်ကို ယောနိထဲထည့်ထားပါ။ အ‌ဖုံးကို ဘယ်နားထားရမယ်ဆိုတာသိအောင် သင့်ရဲ့သားအိမ်ခေါင်းကို စမ်းကြည့်ပါ၊
ယောနိရဲ့ အပြင်ဘက်နှုတ်ခမ်းတွေကို လက်တစ်ဖက်နဲ့ ဟဖြဲပါ။ နောက်လက်တဖက်နဲ့ အဖုံးရဲ့အနားပတ်ကိုညှစ်ဖို့သုံးပါ။
အ‌ဖုံးရဲ့ အခုံးကို အောက်မှာထားပြီး အနားပတ်အရှည်ကို အရင်လျောထဲ့ပါ။
စအိုဘက်ဆီတွန်းချပြီးနောက် သားအိမ်ခေါင်းဆီ တင်ပေးပါ။ သားအိမ်ခေါင်းကိုအပြည့်ဖုံးထားတာသေချာပါစေ။

ဘယ်လိုထုတ်ရမလဲ ၊

လိင်ဆက်ဆံပြီး ၆ နာရီအကြာမှာ ဒါကို ဖယ်ရှားပါ။ ဒီလိုလုပ်ပါ

လက်ကိုဆပ်ပြာနဲ့ရေနှင့် ဆေးကြောပါ။ ၎င်းတို့ကို လေဖြင့် ခြောက်ပါစေ။
စောင့်ကြောင့်ထိုင်ပါ။ သင့်လိင်အင်္ဂါအတွင်း လက်ချောင်းတစ်ချောင်းထည့်ပါ။ ဖယ်ရှားဖို့သိုင်းကြိုးကိုကိုင်ပြီး အဖုံးကိုလှည့်ပါ။
စုပ်ယူနေတာ ပျက်သွားအောင် အခုံးကို လက်နဲ့ တွန်းပေးပါ။
လက်ချောင်းကိုကြိုးအောက်ကပတ်ဆွဲပြီး အဖုံးကို ဆွဲထုတ်ပါ။

အဆင်မပြေသေးဘူးလား? အခြားနည်းလမ်းသို့ပြောင်းရန် စဉ်းစားနိုင်သည်။

အဖုံးကို ကောင်းကောင်းဂရုစိုက်ရင် ၂ နှစ်လောက်ထိ ခံပါတယ်၊

ထုတ်ယူပြီး ဆပ်ပြာနှင့်ရေနွေးနဲ့ ဆေးကြောပါ။
၎င်းကို လေဖြင့် ခြောက်ပါစေ။
အဖုံးမှာ ပေါင်ဒါမှုန့်တွေ မသုံးပါနှင့်။ ရောဂါပိုးဝင်နိုင်ပါတယ်။
အရောင်ပြောင်းသွားလျှင် စိတ်မပူပါနဲ့။ အလုပ်ဖြစ်ပါသေးတယ်။

သိကောင်းစရာအထာလေးများ – တကယ်လို့ တစ်နေ့တစ်ခါထက်ပိုပြီး လိင်ဆက်ဆံရင်၊ အဖုံးနေရာတကျရှိမရှိစစ်ဆေးပြီး သုက်ပိုးသေဆေးကို ပိုသုံးပါ။

ဘေးထွက်ဆိုးကျိုးများ

လူတိုင်းသည် မတူညီပါ။ သင်တွေ့ကြုံခံစားရသောအရာသည် အခြားသူနှင့်မတူနိုင်ပါ။

ကောင်းတဲ့အချက်များ

သားအိမ်ခေါင်းအဖုံးကို နာရီအတော်ကြာကြိုတင်ပြီး ထည့်ထားနိုင်ပါတယ်
ဒါကိုထည့်ထားပြီး သုတ်ပိုးသေဆေးထပ်ထည့်ကာ သင်အကြိုက်သလောက်လိင်ဆက်ဆံနိုင်ပါတယ်
သင်ရောသင့်အဖော်ပါ ဒါကို မခံစားရသင့်ပါ
ဟိုမုန်းကင်းပါတယ်
ဆေးညွှန်းမလိုပါ
ကလေးနို့တိုက်နေစဥ်သုံးနိုင်ပါတယ်

မကောင်းတဲ့အချက်များ –

အမျိုးသမီးတချို့မှာ ထည့်ရတာ ခက်ပါသတဲ့
မိန်းမကိုယ်ယားယံတာဖြစ်နိုင်
အချို့အမျိုးသမီးများ ဆီးလမ်းကြောင်းပိုးဝင်ခြင်းဖြစ်နိုင်
ဘာပဲဖြစ်ဖြစ် လိင်ဆက်ဆံတိုင်းသုံးပါ
silicone သို့မဟုတ် သုတ်ပိုးသေဆေး နှင့်မတည့်ပါက သားအိမ်ခေါင်းအဖုံးကို မသုံးသင့်ပါ။
လိင်တံကြီးမားရင်၊ တအားဆောင့်ထိုးရင် ဒါမှမဟုတ် တချို့လိင်ဆက်ဆံတဲ့ပုံစံအနေအထားတွေမှာ နေရာလွဲဖယ်လာနိုင်ပါတယ်
အရက်မူးနေရင်သုံးဖို့မေ့နိုင်

မကြာခဏမေးလေ့ရှိသောမေးခွန်းများ

သင့်ကိုကူညီဖို့ ကျွန်ုပ်တို့ ဒီမှာရှိပါတယ်။ အကယ်၍ ဒါကို မကြိုက်သေးဘူးလို့ခံစားရရင်၊ ကျွန်တော်တို့မှာအခြားနည်းလမ်းတွေအတွက် အကြံဥာဏ်တွေရှိပါတယ်။ သတိရလိုက်ပါ : နည်းလမ်းပြောင်းမယ်ဆိုရင် ပြောင်းနေတုန်းကို တခြားနည်းတစ်ခုခုသုံးဖို့ သေချာပါစေ။ ကိုယ့်လိုအပ်ချက်နဲ့ကိုက်ညီတဲ့နည်းလမ်းကိုရှာနေတုန်းမှာ ကွန်ဒုံးတွေက ကာကွယ်မှုကောင်းကောင်းပေးပါတယ်။

သားအိမ်ခေါင်းအဖုံးဟာ ဘာလို့ ယားယံစေသလဲ?

ယားယံခြင်းဟာ{သုတ်ပိုးသေဆေး} ဓာတ်မတည့်မှုကနေ ဖြစ်နိုင်တယ်။
ဒီလိုလုပ်ကြည့်ပါ – ယားယံတာ သိပ်မဆိုးရင် တခြား {သုတ်ပိုးသေဆေး} အမှတ်တံဆိပ်ကိုစမ်းသုံးကြည့်ပါ။
အလုပ်မဖြစ်သေးဘူးလား။ သုတ်ပိုးသေဆေးမျိုးစုံပြောင်းသုံးပြီး ယားယံနေဆဲဆိုရင် {IUD}, {ထိုးဆေး }, {ကပ်ခွာပြား}, {ဆေးလုံး}, {အဝိုင်းကွင်း}, {{implant}) လိုမျိုး ဘာမှမလိုတဲ့ နည်းလမ်းတစ်ခုကိုစမ်းကြည့်ပါ။ တကယ်လို့ ခြားခံပါတဲ့နည်းလမ်းတစ်ခုခုကို စွဲသုံးနေချင်ရင်တော့ သုတ်ပိုးသေဆေးမပါတဲ့ {အမျိုးသားသုံးကွန်ဒုံး} ကိုစမ်းနိုင်ပါတယ်။
အခြားနည်းလမ်းတစ်ခုကိုစမ်းကြည့်ပါ။ {implant}; {IUD}; {ကွန်ဒုံး}; {ကပ်ခွာပြား}; {ဆေးလုံး}; {အဝိုင်းကွင်း}; {ထိုးဆေး }

သားအိမ်ခေါင်းမှာ ဘာလို့ အနံ့ဆိုးရှိလာတာလဲ

၄၈ နာရီထက်မက ထားခဲ့ရင် ဒါမျိုးဖြစ်နိုင်ပါတယ်။
ဒီလိုလုပ်ကြည့်ပါ – သေသေချာချာဆေးကြောပြီး ၎င်းကို လေဖြင့် ခြောက်ပါစေ။ အနံ့ဆက်ရှိနေသေးရင် ဘက်တီးရီးယား vaginosis လို့ခေါ်တဲ့ ရောဂါအကြောင်း ကျန်းမာရေးစောင့်ရှောက်မှုပေးသူ နဲ့ ပြောပြသင့်တယ်။

သားအိမ်ခေါင်းမျက်နှာပြင်ကို ခြစ်မိနေရင် ဘာဖြစ်မလဲ ။

သားအိမ်ခေါင်းမျက်နှာပြင်ကိုခြစ်မိနေရင် မကောင်းပါ။ ဒါ ခဏခဏမဖြစ်သင့်ပါ၊ အလေ့အကျင့်ရတဲ့အခါ ဖြစ်တာနည်းသွားမှာပါ။
အလုပ်မဖြစ်သေးဘူးလား။ အခြား ခြားခံပါတဲ့ နည်းတစ်ခုကို စမ်းကြည့်လိုလျှင် {အမျိုးသားသုံးကွန်ဒုံး} လို ထည့်စရာမလိုတဲ့ နည်းကိုစမ်းပါ။ ဒါမှမဟုတ် {IUD}, {implant}, {ထိုးဆေး }, {အဝိုင်းကွင်း} သို့မဟုတ် {ကပ်ခွာပြား} လို နေ့တိုင်း၊ လိင်ဆက်ဆံတိုင်း သတိရစရာမလိုတဲ့ နည်းလမ်းကိုစမ်းကြည့်ပါ။
အခြားနည်းလမ်းတစ်ခုကိုစမ်းကြည့်ပါ။ {အမျိုးသမီးသုံးကွန်ဒုံး}; {implant}; {IUD}; {ကွန်ဒုံး}; {ကပ်ခွာပြား}; {အဝိုင်းကွင်း}; {ထိုးဆေး }

သားအိမ်ခေါင်းအဖုံးကို ထည့်ရ ထုတ်ရ မလွယ်ရင် ဘာလုပ်ရမလဲ။

သင်ဟာ သားအိမ်ခေါင်းအဖုံးကို သုံးဖို့ အသားမကျဖြစ်နေသေးရင် “မည်သို့လုပ်ဆောင်ရမည်” အပိုင်းကိုကြည့်ပါ။
သင်လိင်ဆက်ဆံခါနီးမဟုတ်ချိန်မှာ ထည့်တာ ထုတ်တာ လေ့ကျင့်ပါ။ အလေ့အကျင့်က သုံးစွဲဖို့ ပိုလွယ်လာပါလိမ့်မယ်။
အလုပ်မဖြစ်သေးဘူးလား။ သုံးဖို့ခက်ခဲနေဆဲဆိုရင် နည်းလမ်းအသစ်တစ်ခုကိုစမ်းကြည့်ပါ ဒါမှမဟုတ် ကျန်းမာရေးစောင့်ရှောက်မှုပေးသူနဲ့ စကားပြောပါ။ ခြားခံပါတဲ့နည်းတစ်ခုကိုပဲ သုံးလိုလျှင် {အမျိုးသားသုံးကွန်ဒုံး} လို ထည့်စရာမလိုတဲ့ နည်းကိုသုံးကြည့်ပါ။ ဒါမှမဟုတ် {IUD}, {implant}, {အဝိုင်းကွင်း}, ဒါမှမဟုတ် {ကပ်ခွာပြား} လို နေ့တိုင်း၊ လိင်ဆက်ဆံတိုင်း သတိရစရာမလိုတဲ့ နည်းလမ်းကိုစမ်းကြည့်ပါ။
အခြားနည်းလမ်းတစ်ခုကိုစမ်းကြည့်ပါ။ {အမျိုးသမီးသုံးကွန်ဒုံး}; {implant}; {IUD}; {အမျိုးသားသုံးကွန်ဒုံး}; {ကပ်ခွာပြား}; {အဝိုင်းကွင်း}

ကိုးကားချက်များ

[1] FPA the sexual health charity. (2015). Your guide to diaphragms and caps. Retrieved from https://www.fpa.org.uk/sites/default/files/diaphragms-and-caps-your-guide.pdf
[2] Shoupe, D. (2016). Barrier Contraceptives: Male Condoms, Vaginal Spermicides, and Cervical Barrier Methods. En D. Shoupe, The Handbook of Contraception: A Guide for Practical Management. Retrieved from http://eknygos.lsmuni.lt/springer/677/147-177.pdf
[3] Society of Obstetricians and Gynaecologists of Canada. (2015). Canadian Contraception Consensus Chapter 5: Barrier Methods. JOGC Journal of Obstetrics and Gynaecology Canada , 37. Retrieved from https://www.jogc.com/article/S1701-2163(16)39376-8/pdf
[4] World Health Organization Department of Reproductive Health and Research and Johns Hopkins Bloomberg School of Public Health Center for Communication Programs (2018) Family Planning: A Global Handbook for Providers. Baltimore and Geneva. Retrieved from https://apps.who.int/iris/bitstream/handle/10665/260156/9780999203705-eng.pdf?sequence=1
[5] World Health Organization. (2016). Selected practice recommendations for contraceptive use. Geneva. Retrieved from https://apps.who.int/iris/bitstream/handle/10665/252267/9789241565400-eng.pdf?sequence=1


lang ဗမာစာ