តើអ្វីទៅជាថ្នាំគ្រាប់ពន្យារកំណើតផ្សំ?
ថ្នាំគ្រាប់ផ្សំ ដែលត្រូវបានគេសំដៅជាទូទៅថាជា «ថ្នាំគ្រាប់ពន្យារកំណើត» ឬ «ថ្នាំគ្រាប់» គឺជាគ្រាប់តូចមួយដែលគេដាក់ក្នុងបន្ទះថ្នាំដែលមានបែងចែកសម្រាប់ខែនីមួយៗ។ អ្នកខ្លះហៅវាថា «ថ្នាំគ្រាប់ពន្យារកំណើត»។ អ្នកលេបមួយថ្ងៃមួយគ្រាប់ឲ្យបានទៀងពេលវេលាជារៀងរាល់ថ្ងៃ។ ថ្នាំគ្រាប់ពន្យារកំណើតផ្សំ មានច្រើនប្រភេទខុសៗគ្នា ហើយជម្រើសថ្មីៗទៀតកំពុងនៅតែបន្តចេញមកនៅលើទីផ្សារ។ ថ្នាំគ្រាប់ពន្យារកំណើតផ្សំ ផ្ទុកអរម៉ូនសំយោគ estrogen និង progestin ក្នុងកម្រិតតិចតួច។ អរម៉ូនសំយោគនេះស្រដៀងទៅនឹងអរម៉ូន estrogen និង progesterone ដែលអាចរកឃើញុបាននៅក្នុងរាងកាយរបស់ស្ត្រី។
តើថ្នាំគ្រាប់ពន្យារកំណើតផ្សំមានដំណើរការដូចម្តេច?
ថ្នាំគ្រាប់់មានដំណើរការដោយ៖
១. រារាំងការបញ្ចេញអូវ៊ុល (ការបញ្ចេញអូវ៊ុលពីអូវែរ) អរម៉ូននេះវាទៅទប់អូវែរកុំឲ្យបញ្ចេញអូវ៊ុល។
២. ទឹករំអិលនៅមាត់ស្បូនឡើងខាប់ នេះធ្វើឲ្យស្ពែមពិបាកក្នុងការចូលទៅបង្កកំណើតជាមួយនឹងអូវ៊ុល។
៣. ធ្វើឲ្យភ្នាសស្បូនកាន់តែស្តើង នេះរារាំងអូវ៊ុលដែលបង្កកំណើតរួចហើយ មិនអាចកាច់សំបុកនៅក្នុងស្បូនបាន។
ប្រសិទ្ធភាព
សមត្ថភាពរបស់ថ្នាំគ្រាប់ក្នុងការបង្ការការមានផ្ទៃពោះគឺអាស្រ័យលើអ្នកប្រើប្រាស់។ អ្នកមានឱកាសក្នុងការផ្ទៃពោះច្រើនជាង ប្រសិនបើអ្នកពន្យារពេលចាប់ផ្តើមលេបថ្នាំកញ្ចប់ថ្មីលើសពីបីថ្ងៃ ឬប្រសិនបើអ្នកបរាជ័យក្នុងការលេបថ្នាំចំនួនបីគ្រាប់ ឬច្រើនជាងនេះ នៅពេលចាប់ផ្តើមកញ្ចប់ថ្មី ឬចុងបញ្ចប់នៃ ពេលលេបជិតអស់មួយបន្ទះ។
នៅពេលដែលថ្នាំគ្រាប់ត្រូវបានប្រើប្រាស់បានត្រឹមត្រូវ នោះមានន័យថាអ្នកមិនបានខកខានភ្លេចលេបថ្នាំគ្រាប់ណាមួយ អ្នកបានត្រូវបានចាប់ផ្តើមលេបថ្នាំបន្ទះថ្មីទាន់ពេល (បន្ទាប់ពីលេបថ្នាំរំលឹក/ឬសប្តាហ៍ដែលមិនលេបត្រូវលេបថ្នាំ) ហើយអ្នកអាចប្រើប្រាស់មធ្យោបាយពន្យារកំណើតណាមួយទៀតប្រសិនបើចាំបាច់ ថ្នាំគ្រាប់អាចមានប្រសិទ្ធភាព ប្រមាណជា ៩៣% ក្នុងការបង្ការការមានផ្ទៃពោះ។ ក្នុងករណីដែលថ្នាំគ្រាប់អរម៉ូនត្រូវបានលេបជាបន្តបន្ទាប់ដោយគ្មានការសម្រាករយៈពេលប្រាំពីរថ្ងៃនោះទេ ថ្នាំគ្រាប់អាចទទួលបានប្រសិទ្ធភាព 99% ក្នុងការបង្ការការមានផ្ទៃពោះ។
តើថ្នាំំគ្រាប់ពន្យារកំណើតផ្សំខុសគ្នាយ៉ាងដូចម្តេចពីថ្នាំគ្រាប់ពន្យារកំណើតដែលមានតែអរម៉ូន progestin សុទ្ធដូចម្តេចខ្លះ?
ខុសពីថ្នាំគ្រាប់ពន្យារកំណើត progestin សុទ្ធ ដែលមានតែអរម៉ូន progestin នោះ ថ្នាំគ្រាប់ពន្យារកំណើតផ្សំមានអរម៉ូនសំយោគ២ប្រភេទ(estrogen និង progestin)។
ថ្នាំគ្រាប់ពន្យារកំណើតផ្សំមានម៉ាកផ្សេងៗគ្នាជាច្រើន ហើយអាចមានប្រភេទកញ្ចប់ដែលមានថ្នាំ ២១ គ្រាប់ ឬ ២៨ គ្រាប់។ កញ្ចប់ថ្នាំដែលមាន ២៨ គ្រាប់សម្រាប់ប្រើប្រាស់ជារៀងរាល់ខែជាធម្មតាមាន ថ្នាំគ្រាប់ដែលមានអរម៉ូនចំនួន បី សប្តាហ៍ និងថ្នាំគ្មានអរម៉ូនចំនួនមួយសប្តាហ៍ តែមានប្រភេទខ្លះមានថ្នាំគ្រាប់គ្មានអរម៉ូនតិចជាងនេះដែរ (ថ្នាំមានអរម៉ូន ២៤ ថ្ងៃ/ថ្នាំគ្មានអរម៉ូនចំនួន ៤ ថ្ងៃ) អ្នកនឹងសម្គាល់ឃើញមានថ្នាំគ្រាប់ខ្លះដែលមានពណ៌ខុសពីគេ។ នេះជាថ្នាំគ្រាប់ដែលគ្មានអរម៉ូន។ អ្នកនឹងលេបថ្នាំដែលគ្មានអរម៉ូន ខណៈពេលដែលអ្នករង់ចាំការមករដូវរបស់អ្នកជារៀងរាល់ខែ។ អ្នកនឹងឃើញខិត្តប័ណ្ណណែនាំមួយនៅក្នុងកញ្ចប់ថ្នាំរាល់ពេលដែលអ្នកទិញថ្នាំគ្រាប់ពន្យារកំណើត។ ចាំបាច់ត្រូវតែអានការណែនាំដោយប្រុងប្រយ័ត្ន ហើយត្រូវប្រាកដថាអ្នកយល់ពីអ្វីដែលអ្នកត្រូវធ្វើ ក្នុងករណីដែលអ្នកខកខានមិនបានលេបថ្នាំ ឬមានអាការៈចង្អោររកក្អួត [1]។
ថ្នាំមួយចំនួននឹងធ្វើឱ្យអ្នកមករដូវទៀងទាត់ជារៀងរាល់ខែ រីឯថ្នាំខ្លះទៀតនឹងនាំឱ្យអ្នកមករដូវរាល់បីខែម្តង ហើយថ្នាំខ្លះអាចនាំឲ្យអ្នកពន្យារពេលមករដូវពេញមួយឆ្នាំ។ ប្រសិនបើអ្នកមិនចង់មករដូវសោះតែម្តង អ្នកមិនចាំបាច់ផឹកថ្នាំរំលឹកនោះទេ ហើយផឹកតែថ្នាំគ្រាប់អរម៉ូនតែប៉ុណ្ណោះ មិនថាម៉ាកអ្វីទេ។ ដោយសារមានថ្នាំប្រភេទផ្សេងៗគ្នាជាច្រើនដែលមាននៅលើទីផ្សារ ការស្វែងរកប្រភេទថ្នាំគ្រប់ដែលសមស្របសម្រាប់អ្នកអាចមានការលំបាកបន្តិច ដូចនេះអ្នកផ្តល់សេវាថែទាំសុខភាព ឬបុគ្គលិកសុខភាពតាមសហគមន៍ដែលបានទទួលការបណ្តុះបណ្តាលអាចជួយអ្នកក្នុងការដោះស្រាយបញ្ហានេះបាន [2] ។
